Kurdî  ■  كوردی  ■  عربي
MON, 30 NOV 2020 18:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیامێک لە تیمی وەزاریی پارتی دیموکراتی کوردستانەوە
| KDP.info


ھەولێر-KDP.info- تیمی وەزاریی پارتی دیموکراتی کوردستان، وەڵامی راگەیەندراوێکی تیمی وەزاریی یەکێتی نیشتمانی کوردستان لە بارەی خیانەتی 16ـی ئۆکتۆبەر دەداتەوە و رایدەگەیەنێت، ناتوانن خۆتان لە ژێر هەژموونی تاقمێکی خۆسەپێنەر و شەڕخواز، ڕزگار بکەن، کە دژی تەبایی و یەکڕیزی و ئامانجە باڵاکانی نیشتیمانە.

لە راگەیەندراوی تیمی وەزاریی پارتی لە حکومەتی هەرێمی کوردستان هاتووە، ئەگەر دەتانەوێت لە ژێر فشاری ئەو کەسانەدا هەموو ڕووداوەکان وەک یەک سەیر بکەن، بێگومان دەبێ ئەو ڕاستییە بزانن، کە ڕووداوی خاکفرۆشتن و لە دەستدانی نیوەی خاکی کوردستان لە 16 ئۆکتۆبەر، زۆر جیاوازە لە 31 ی ئابی پیرۆز، کە بڕیاریوو ئەوکاتیش هەولێر و کوردستان بە دەردی ئێستای کەرکووک و ناوچە کوردستانییەکانی تر ببەن.

دەقی راگەیەندراوەکە:

باشتر بوو بۆ تیمی وەزاری یەکێتی نیشتمانیی کوردستان، بە شێوەیەکی بابەتیانە و واقیعبینانە تەماشای گرژییەکانیان بکردبووایە . کەچی لە یادی ڕیفراندۆمی گەلەکەماندا ،کە هەموو هێزە سیاسییەکان و پەرلەمانی کوردستان بڕیاری لێی دابوو ، 93%ی خەڵکی کوردستانیش بە بەڵێ دەنگی بۆ دا ، ئامۆژگاری ئەو تاقمەیان بکردایە کە ڕەنج و ماندووبوون و خەونی میللەتەکەمانیان بە فیڕۆدا، کەچی لە ڕۆژی ڕیفراندۆمدا ، دەستیان بە هێرش کرد .

باشتر بوو ئەو کەسانەی لە جیاتی حکومەتی هەرێمی کوردستان و بێ ئەوەی هیچ حیسابێک بۆ خودی تیمی یەکێتی لە ناو حکومەت بکەن و بریار لە جیاتی حکومەت بدەن، لە بری ئەو بێدەنگیێە دەبووا تیمی وەزاری یەکێتی ئامۆژکاریان بکەن، کە واز لە دەست تێوەردان لە کاروباری حکومەت بهێنن، لە هەمانکاتدا دەبووا تیمی یەکێتی لە حکومەت ئامۆژگاری ئەو کەسانەیان بکردبا، کە ڕۆژانە لە میدیاکانەوە هێرشی ناڕەوا بۆ سەر سەرۆکی ئەو ئەنجومەنی وەزیرانە دەکەن، کە خۆیان تیایدا ئەندامن !

ئەگەر دەتانەوێت لە ژێر فشاری ئەو کەسانەدا هەموو ڕووداوەکان وەک یەک سەیر بکەن، بێگومان دەبێ ئەو ڕاستییە بزانن، کە ڕووداوی خاکفرۆشتن و لە دەستدانی نیوەی خاکی کوردستان لە 16 ئۆکتۆبەر، زۆر جیاوازە لە 31 ی ئابی پیرۆز، کە بڕیاریوو ئەوکاتیش هەولێر و کوردستان بە دەردی ئێستای کەرکووک و ناوچە کوردستانییەکانی تر ببەن.

مێژوو شاهیدە، کە مێژووی خاکفرۆشان و بێگانەپەرستی لە کەیەوە و لای کێ دەستی پێکردووە !.

ئێمە هەمو هەولێکمان داوە بابەتییانە باسی رووداوەکان، وەک خؤیان بکەین و هەموو کەس تێکەڵ نەکەین، بەڵام بە پێچەوانەوە، ئێوە نەک تەنیا دەتانەوێ ڕاستییەکان پەردەپۆش بکەن، بگرە هیچ هەڵوێستێکیشتان بەرامبەر بەو هێرشە ناڕەوایانە نەبووە، کە بەرامبەر بە موقەدەسات و پیرۆزیی نەتەوەبیمان دەکرێت و ناتوانن خۆتان لە ژێر هەژموونی تاقمێکی خۆسەپێنەر و شەڕخواز، ڕزگار بکەن، کە دژی تەبایی و یەکڕیزی و ئامانجە باڵاکانی نیشتیمانە.

ناوی کەسیش لە پەیامی سەرۆکی حکومەت نەهاتووە دەربارەی خیانەتی شازدەی ئۆکتۆبەر، بەڵام وەڵامدانەوەی تیمی وەزاری یەکێتی، ساخکردنەوەی ئەو خیانەتەیە بە سەر ئەو تاقمەوە .

 

تیمی وەزاریی پارتی دیموکراتی کوردستان

لە حکومەتی هەرێمی کوردستان




دوایین هەواڵەکان

پرسەنامەی مەكتەبی سیاسی پارتی بۆ كۆچی دوایی هەڤاڵی تێكۆشەر سەعدی مەولود

MONDAY, 30 NOVEMBER 2020 16:11:01

بەڕێزان/ خانەوادەی كەسایەتی نیشتیمانپەروەر و هەڤاڵی تێكۆشەر(سەعدی مەولود)

 

شنگال..هێزەکانی پەکەکە لە بارەگاکانیان کرانە دەرەوە

MONDAY, 30 NOVEMBER 2020 16:11:49

شنگال- KDP.info - دوای ڕێککەوتنی شنگال لە نێوان حکوومەتی عێراق و هەرێمی کوردستان، هێزە عێراقییەکان پەکەکە لە بارەگانیان لە ناوەندی شنگال کرانە دەرەوە.

 

کۆمەڵەی قوربانیانی چەکی کیمیاوی داوا دەکات چاکسازی لە فایلی بەرکەوتووان بکرێت

MONDAY, 30 NOVEMBER 2020 15:11:16

هەڵەبجە-KDP.info- ئەمڕۆ ڕۆژی جیهانیی بەرکەوتووانی چەکی کیمیاوییە و لە کوردستان بەهۆی ڕەفتارە دڕندەکانی ڕژێمەکانی عێراقەوە هەزاران هاووڵاتیی بەرکەوتووی چەکی کیمیاوی هەیە، کۆمەڵەی قوربانیانی هەڵەبجە داوا دەکەن ڕژێمی عێراق قەرەبووی بەرکەوتووانی هەڵەبجە بکاتەوە.

 
گوتەبێژی وەزارەتی ئاوەدانکردنەوە: شوقە لەسەر کەمدەرامەتان دابەش دەکرێت

MONDAY, 30 NOVEMBER 2020 15:11:18

ھەولێر-KDP.info-  دوای ئەوەی لە قەلادزێ یەکەکانی نیشتەجێبوون بەسەر خەڵکی کەمدەرامەتدا دابەش کران، بڕیارە لە ڕاپەڕینیش شوقە دابەش بکرێت و گوتەبێژی وەزارەتی ئاوەدانکردنەوەش دەڵێت، لە زۆربەی شارەکان یەکەی نیشتەجێبوون دروست دەکەن.

 
سه‌رۆكی په‌رله‌مانی كوردستان بانگهێشتی په‌رله‌مانتاران ده‌كات

MONDAY, 30 NOVEMBER 2020 12:11:04

هەولێر-KDP.info- د.رێواز فایق حوسێن سه‌رۆكی په‌رله‌مانی كوردستان بانگهێشتی په‌ڕله‌مانتارانی كوردستان ده‌كات بۆ كۆبوونه‌وه‌ی ڕۆژی  چوارشه‌ممه‌ى داهاتوو.



 
© 2020 Kurdistan Democratic Party, KDP

Contact