Kurdî  ■  كوردی  ■  عربي
TUE, 18 MAY 2021 04:31 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

16 ئۆکتۆبەر ئەو خیانەتەی ھەرگیز پینەناکرێت
| KDP.info


ئەردەلان كەركوكی

شازدەی ئۆکتۆبەری 2017، لەو کاتەی ھێزی پێشمەرگەی کوردستان لەوپەڕی بەرگریدابوون بۆ پارێزگاری لە کوردستان، لەو کاتەی کورد لە ھەموو پارچەکانی کوردستان دڵخۆشبوون بە ئەنجامدانی ریفراندۆم، گروپێک لە پشتەوە بە رێککەوتنێک لەگەڵ دەسەڵاتی ئەوکاتی عێراق، خەنجەرێکی ژەھراوی لە پشتەوە لە چارەنووسی کورددا لە ناوچە کوردستانییەکانی دەرەوەی ئیدارەی ھەرێمدا، ئەو گروپەی لەنێو لاپەڕەکانی مێژووی نوێی کوردستان بە گروپی خیانەتکار لە لایەن زۆرینەی ھێزە سیاسییەکان ناویان تۆمارکرا، رووداوێکی خوێناوی و کارەساتباریان خولقاند کە تا ئێستا بەھۆی ئەم خیانەتە، ناوچە کوردستانییەکانی دەرەوەی ئیدارەی ھەرێمی کوردستان بەدەستی ستەم و زۆرداری دەناڵێنن.

کاریگەری ئەم رووداوە باڵانسی ھێزی بۆ بەرژەوەندی داگیرکەران گۆڕی، سەنگەری پشتەوەی پێشمەرگە چۆڵکرا کە بە فەرمان و تاکتیک کشانەوە، چاوساغیان کرد بۆ ھاتنەژوورەوەی حەشدی شەعبی، کەرکووکیان پێشکەش بە حەشدی شەعبی کرد.. لەبارەی ئەم خیانەتە گەورەیە، مالیکی سەرۆکوەزیرانی پێشووی عێراق بە ئاشکرا سوپاسی ئەم گروپە خیانەتکارەی کرد و دەستخۆشی لێکردن و بۆ شەقامی عێراقی راگەیاند کە ئەگەر ئەم گروپە نەبوونایە، ھەرگیز نەدەتوانرا حەشدی شەعبی بچێتە کەرکووک.. عەبادی سەرۆکوەزیرانی ئەوکات برقیەی دەستخۆشی لەم گروپەکرد و بە پاڵەوانی عێراقی وەسفکردن لە دژی سەربەخۆخوازان..

رەوتی توندڕۆی عێراقی لەمکاتدا ستایشی ئەم گروپەی کرد کە ئەوان پاڵەوانی عەرەبەکانن و رۆحی عێراقی و عەرەبی لە خوێنیاندایە..

دوای خیانەتی شازدەی ئۆکتۆبەر، گەمارۆکانی سەر ھەرێم توندترکران، لە ھەموو سەنگەرێکەوە پەلاماری سەنگەرەکانی پێشمەرگە درا، بەڵام خۆراگڕی پێشمەرگە قارەمانەکان لە داستانی پردێ، سحێڵا و مەحموودیە باڵانسی ھێزی گۆڕی و ئەو پیلانەی بە خیانەت بۆ کەوتنی ھەرێمی کوردستان کێشرابوو لە گۆڕنڕا..

رووداوەکانی شازدەی ئۆکتۆبەر پێمان دەڵێ، کە ئەگەر ئەم خیانەتە نەبووایە کورد لە ریفراندۆمدا دەستکەوتی گەورەی دەچنییەوە، ناوچە کوردستانییەکان ھەرگیز نەدەکەوتنە دەست ھێزێکی داگیرکار.

رۆحی بەرگری میللی و ناسیۆنالیستی کوردستان لەسەرتاسەری ھەرێم و رەوەندی کوردیدا ئەم خیانەتەیان بەوە وەسفکرد کە گروپێکی خیانەتکار لە پێناو چەند دەستکەوتێکی کاتی و پارە و خۆ شرینکردن بۆ ئەوامرەکانیان لە پشتەوەی پەردە، ئەم خیانەتە گەورەیان ئەنجامدا و برینێکی گەورەیان خستە سەر جەستەی کوردستان کە ساڵ دوای ساڵ کورد لەھەرکوێیەکی دونیابێت لەمڕۆژەدا ماتەمینەیەتی، چونکە وەک کاک کۆسرەت ڕەسوڵ گوتەنی، کاڵفامەکان بوون ئەو خیانەتەیان کرد.

ئەگەرچی خیانەتی شازدەی ئۆکتۆبەر پیلانێک بوو بۆ سڕینەوەی کورد لە ناوچەکە، بەڵام دیپلۆماسیەتی سەرکردایەتی سیاسی کورد و بەرگری ھێزی پێشمەرگە توانی رێڕەوی داگیرکاری بۆسەر ھەرێمی کوردستان بوەستێنێ. شازدەی ئۆکتۆپەر خیانەتێکی وا گەورەبوو ھەرچۆنێک ئەم گروپە لەم رۆژانەدا دەیھێنن و دەیبەن بۆیان پینەناکرێ، چونکە رووداوێک بوو بە تەکنۆلۆژیای سەردەم تەواوی خیانەتەکە تۆمارکرا و، لە دڵی گەنج و پیر و ھەموو کوردێکی نیشتمانپەروەر ئەم رۆژە ھەرگیز ون نابێت.

 




دوایین هەواڵەکان

کونسوڵخانەی ئەمریکا لە هەولێر پێشوازی لە هەڵوێستی سەرۆکی حکوومەتی هەرێمی کوردستان دەکات

MONDAY, 17 MAY 2021 22:05:19

هەولێر-KDP.info- كونسوڵخانه‌ی ئه‌مه‌ریكا له‌ هه‌ولێر، پێشوازی له‌ پشتیوانی حكومه‌تی هه‌رێمی كوردستان له‌ ئازادی رۆژنامه‌وانی و رێزگرتن له‌ كاری دیپلۆماتكاران ده‌كات.

سەربەست لەزگین: چوار ژووری هەماهەنگی بۆ ناوچە کورستانییەکان پێک دێت

MONDAY, 17 MAY 2021 18:05:12

هەولێر-KDP.info- بەپێی ڕێککەوتنی نێوان وەزارەتی پێشمەرگە و سوپای عێراق لە چەند ڕۆژی داهاتوو ژمارەیەک ناوەندی هەماهەنگیی هاوبەش لە نێوان پێشمەرگە و هێزە عێراقییەکان پێک دێت و بریکاری وەزارەتی پێشمەرگەش دەڵێت، بڕیار لەسەر چوار ژووری هەماهەنگی دراوە.

 

جۆرج نیف سەردانی پێوەندییەکانی دەرەوەی پارتیی کرد

MONDAY, 17 MAY 2021 18:05:58

ھەولێر -KDP. Info- جۆرج نیف، کەسایەتیی سیاسی و چاڵاکی بواری ئابووری و بیزنس و خاوەنی گەورەترین کۆمپانیای (SA) وەشانخانە و چاپ و بڵاوکردنەوە لە ژنێڤ و دۆستی گەڵی کورد، سەردانی پەیوەندییەکانی دەرەوەی (پ.د.ک)ی کرد.

 

یاساى هه‌ڵگرتنى چه‌ک هه‌موار ده‌کرێته‌وه‌

MONDAY, 17 MAY 2021 17:05:29

هەولێر-KDP.info- سه‌رۆکى لیژنه‌ى ناوخۆ و ئاسایش و ئه‌نجومه‌نە خۆجێییه‌کانی په‌رله‌مانى کوردستان ده‌ڵیت، یاساى هه‌ڵگرتنى چه‌ک له‌ هه‌رێمى کوردستان که‌موکورتیى زۆرى تێدایه‌ و ئێستا لیژنه‌که‌یان به ‌هه‌ماهه‌نگى له‌گه‌ڵ وه‌زاره‌تى ناوخۆى حکوومه‌تى هه‌رێم کار بۆ هه‌موارکردنه‌وه‌ى یاساکه‌ ده‌کات.

 

 

حکوومەتی ھەرێم پارە بۆ تەواوکردنی سێ قوتابخانە لە سلێمانی تەرخان دەکات

MONDAY, 17 MAY 2021 17:05:56

سلێمانی-KDP.info- بەپێی نووسراوی ژمارە ٤٥٧٣ کە ئاراستەی وەزارەتی دارایی کراوە، لەلایەن ئەنجومەنی وەزیرانەوە ڕەزامەندی دراوە بۆ ئەوەی نزیکەی ملیارێک دینار بۆ پارێزگای سلێمانی تەرخان بکرێت بە مەبەستی تەواوکردنی سێ قوتابخانە لەو پارێزگایە .

 



 
© 2021 Kurdistan Democratic Party, KDP

Contact