Kurdî  ■  كوردی  ■  عربي
WED, 28 JUL 2021 17:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مه‌سرور بارزانی و كلتوورێ دیموكراسیه‌تا راسته‌قینه‌
| KDP.info


ژیان طاهر زێوه‌ی

ژ پره‌نسیپێن هه‌ری سه‌ره‌كیێن سیستمێن دیموكراسی هه‌بوونا ئازادیا بیرورا، رێزگرتنا به‌رامبه‌ر، یەکسانیا ماف و ئەرکان، سه‌روه‌ریا یاسایێ، دادپه‌روه‌ری، هه‌ست كرن ب به‌رپرسایه‌تیێ و شه‌فافیه‌ت و راستگوبوونا ده‌ستهه‌لاتێیه. ده‌ستهه‌لاتێن سه‌ركه‌فتی د سیستمێن دیموكراسیدا ئه‌ون یێن كو ژ بۆ رازیكرنا جڤاکێ هه‌می وان پره‌نسیپان دكه‌نه‌ بنەمایێ ئه‌دائا كارێ خۆ. ئه‌ڤ كلتووره‌‌ د ‌هه‌می ده‌وله‌تێن پێشكه‌فتیێن رۆژئاڤادا دهێته‌ دیتن و ب كلیلا سه‌ركه‌فتن و پێشكه‌فتنێت ده‌ستهه‌لاتێت وان دهێته‌ هژمارتن. ئێك ژ پیڤه‌رێن هه‌لسه‌نگاندنا حوكمرانی و ده‌ستهه‌لاتا سه‌ركه‌فتی چاوانی و چه‌ندا‌تیا بكارئینانا وان پره‌نسیپایه‌ د ماوێ حكمرانیێدا ژ لایێ كه‌سانێن خودان شیان و سیستماتسكڤه‌یه‌.  ئه‌ڤ پرەنسیپە و ئەڤ شێوازێ حوکمرانیێ ب زه‌حمه‌ت ل ولاتێن جیهانا سێیێ ب گشتی و ل رۆژهه‌ڵاتا ناڤین بتایبه‌تی دهێته‌ دیتن.

ئه‌وا دوهی په‌رله‌مانێ كوردستانێ و خه‌لكێ هه‌رێمێ ژ سه‌روكێ حكومه‌تێ رێزدار مه‌سرور بارزانی دیتی، ژ تایبه‌تمه‌ندیێن كه‌ساتیه‌كێ رۆژهه‌لاتی نه‌بوو، به‌لكو ژ سالووخەتێن دیموكراتەکێ راسته‌قینه‌ بوو كو ب كریار سه‌لماند باوه‌ری ب پروسا دیموكراسی و جوداهیا دناڤبه‌را ده‌ستهه‌لاتاندا هه‌یە. کاک مەسرور بارزانی باش دزانیت كو ده‌ستهه‌لاتداره‌كێ سه‌ركه‌فتی ئه‌وه‌ یێ كو د ئاریشێن خه‌لكی بگه‌هیت، باوه‌ری بخۆ و شیانێت خۆ هه‌بیت و خودانێ ئاخفتنا خۆ بیت، ڤیان و شیانا كاركرنێ دگه‌ل په‌رله‌مانی هه‌بیت، تێگه‌هشتنه‌كا باش ژ نوینه‌رێن هه‌لبژارتیێن خه‌لكی هه‌بیت، شیانێت گوهدانا ده‌نگێن نه‌رازی هه‌بیت و ب سینگەکێ بەرفرەھ و ب ئەقل و مەنتق بەرسڤا وان بدەت، ل هه‌مبه‌ر قه‌یرانان راوستیت و خو لبه‌ر بگریت و ب هەمی شیانان بزاڤا نەهێلانا وان بکەت، هه‌ر وه‌سا بزانیت كو خه‌لكی ئه‌و ماف هه‌یە ژ چاوانیا كار و ئه‌دائا وان هایدار ببیت. کاک مەسرور بارزانی باش تێدگەهیت كو هه‌بوونا شه‌فافیه‌تێ د هه‌می بوارێن حكومرانیێدا ئەگەرێ پێشڤه‌چوون و به‌رده‌وامبوونا حكومه‌تێیە‌ و ڕێگر و بەربەستە ل هەمبەر دیاردا گەندەلیێ. ژ به‌ر هندێ، جه‌نابێ وی هه‌ر ژ ده‌ستپێكا ئەرکێ خۆ وەک سەروکێ ئەنجومەنێ وەزیران هه‌بوونا شه‌فافیه‌تێ و ئەنجامدانا چاكسازیێ كریه‌ درویشمەکێ سەرەکیێ به‌رنامێ كارێ خۆ.

دوهی ب هاتنا ناڤ هۆلا په‌رله‌مانی و مانا وی د روینشتنا په‌رله‌مانیدا بۆ ماوێ پتری ده‌هـ ده‌مژمێران و وه‌رگرتن و به‌رسڤدانا هه‌می پرسیارو گازندێن په‌رله‌مانتاران ب سینگه‌كێ به‌رفره‌هـ و ب شێوازه‌كێ شارستانی، به‌رچاڤكرنا روون و راستگویانه‌یا هه‌می گیروگرفت و كیماسیێن كو ل هه‌مبه‌ر ئه‌دائا كارێ حكومه‌تێ هه‌نە و ب ژیری و سه‌رده‌میانه‌ ملێ خو دایه‌ بن بارێ به‌رپرسیاره‌تیێ و ب شێوه‌كێ سیستماتیك و پێشكه‌فتی به‌حس ل رێكێن چاره‌سه‌ریا گرفتان كری، جه‌نابێ وی شیا سیمایه‌كێ جوان و درست ژ كلتوورێ دیموكراسیه‌تا راسته‌قینه نیشا خه‌لكێ هه‌رێما کوردستانێ ب تایبه‌تی و یێ عیراقێ ب گشتی بده‌ت. ئەڤە ژی پێنگاڤەکا گەلەک گرنگ بوو ژ بۆ بنەجھتربوون و خورتتربوونا پێگەهێن دیموکراسیێ ل هەرێما کوردستانێ.

                              

 




دوایین هەواڵەکان

پەیامێك لە سەرۆك بارزانییەوە

WEDNESDAY, 28 JULY 2021 17:07:48

بەناوی خودای بەخشندە و میهرەبان

 
پارتی سەرەخۆشی لە خانەوادەی ئەحمەد وەیسی و، ھێدی ساڵح و زیاد ئاقوبانی و رەسوڵ محەمەد دەکات

WEDNESDAY, 28 JULY 2021 16:07:31

بەڕێزان خانەوادەی ئەحمەد وەیسی ھێرۆیی

 

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 



 
© 2021 Kurdistan Democratic Party, KDP

Contact