Kurdî  ■  كوردی  ■  عربي
WED, 28 JUL 2021 17:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ریفراندۆم رویدانا بێ ڤه‌گه‌ر
| KDP.info


خالد ئه‌حمه‌د

هه‌فتیا بۆرى سێ سالیا ریفراندوما خه‌لكێ كوردستانێ هات بیرئانین، شرۆڤه‌ و هه‌لسه‌نگاندنێن جودا بۆ هاتن كرن، خه‌لكه‌كى ب شانازى و ده‌ستكه‌فت زانى و هه‌بوون ب شاشى و بێ به‌رهه‌ڤى نیاسى، چاره‌نڤیس و ڤه‌رێژا ریفراندوم پێگه‌هشتى وه‌لێ كر ببیته‌ بیرهاتنه‌كا ب ئازار و برینه‌ك ل ده‌ف پرانیا خه‌لكێ كوردستانێ یێن ب( به‌لێ ) ده‌نگ داى، بازارا نه‌حه‌زێن ریفراندومێ ژى گه‌رم كر؟!.

یا نه‌گۆڕ، دناڤبه‌را سه‌قایێ ریفراندوم تێدا هاتى ئه‌نجامدان و بیاڤێ سێ سالیا بیرئینانا وێ، شه‌پرزه‌ییا ره‌وشا عیراقێ یه‌، كو هۆكار بوون سه‌رۆك بارزانى و هێز و لایه‌ن و خه‌لكێ كوردستانێ به‌ره‌ف ریفراندومێ ڤه‌ بچن سه‌ره‌راى فشارێن زۆر، ئه‌نجامێ مه‌زن (به‌لێ،92.7%) ره‌نگڤه‌دانا ئاستێ تێگه‌هشتن و بێ هیڤیێ بوو ژ چاره‌سه‌ریا قه‌یران و كێشێن ئێمناهى و سیاسی و ئابوورى و كارگێرى یێن عیراقێ و ئاشكه‌رابوونا نیاز و به‌رنامێن وان یێن خراب به‌رامبه‌ر هه‌رێمێ! خرابیا ڤێ ره‌وشێ ژئه‌نجامێ نه‌سه‌ربه‌خۆیا هێزێن سیاسى یێن خودان باندۆر د عیراقێ دا و ده‌مارگیریا وان ب هزرا تائیفى و نه‌پێگیری ب دستۆرى و دیراتیا وان ژ شه‌راكه‌ت و هه‌ڤپشكیێ و نه‌بوونا پرۆژه‌كێ نیشتمانى و دیموكراتى د هزر و پلانێن وان دا.

پشتى بۆرینا سێ سالان ل سه‌ر ئه‌نجامدانا ریفراندومێ، ئه‌و هێزێن هه‌رێمى و نێڤده‌وله‌تى و ئۆرگانێن جیهانى یێن دژایه‌تیا ریفراندومێ كرى و خۆ د خاست و باوه‌ریا خه‌لكێ كوردستانێ نه‌گه‌هاندى و ماین ل سه‌ر هیڤیا ئاڤاكرنا عێراقه‌كا نوى و ئێكگرتى و بهێز، تازه‌ یێ دگه‌هنه‌ وێ باوه‌رێ و بڕیارێ دڤێت به‌ره‌ف هه‌ولێرێ ڤه‌ بێن و به‌غدا چۆل بكه‌ن!

د سێ سالا ڤه‌گه‌را ریفراندومێ، حیكمه‌ت و دوربینیا سه‌ركردایه‌تیا سیاسیا هه‌رێما كوردستانێ و رێخه‌رێن ریفراندومێ خۆیا دكه‌ت، ئه‌وێن ب جساره‌ته‌كا مه‌زن و درست ل ده‌مێ خوه‌ دا داخاز و ڤیانا خوه‌ ئێكلا كر ب بڕیار و رێكاره‌كا مه‌ده‌نى و دیموكراسى ده‌ربرى. باركرن ژ به‌غدا ب كردار دانپێدانه‌ ب سه‌ربه‌خۆییا هه‌ڤلێر ژلایێ هێزێن هه‌ڤپه‌یمان و جڤاكێ نێڤده‌وله‌تى و ب هه‌بوونا جوداهیێ د ره‌وش و سه‌قایێ سیاسى و ئێمناهى و دیموكراسى  دناڤبه‌را هه‌ڤلێرێ و به‌غدایێ دا، (به‌لێ) و به‌رخودانا خه‌لك و پێشمه‌رگێن كوردستانێ كو نه‌هێلاى ره‌وشا هه‌رێمێ وه‌ك یا به‌غدا لێبێتن و ل پێناڤ دا قوربانیه‌كا مه‌زن داى ل به‌رڤانیكرن ژ سنورێن كوردستانێ ل شه‌رێن دژى داعش و حشد و دۆماهیا وان ل داستانێن پردێ و سحێلا، جوداهى و سه‌ربه‌خۆییا هه‌رێما كوردستانێ پاراست و ده‌رفه‌ت هێلا هه‌ڤلێر ئارام و ئاڤه‌دان بمینتن و سفاره‌ت و رێكخراوێن نێڤده‌وله‌تى ب ئارامى تێدا كاربكه‌ن و كاتوشێن ترسنوك و شه‌رمین د بێ باندۆر بن. 

 




دوایین هەواڵەکان

پەیامێك لە سەرۆك بارزانییەوە

WEDNESDAY, 28 JULY 2021 17:07:48

بەناوی خودای بەخشندە و میهرەبان

 
پارتی سەرەخۆشی لە خانەوادەی ئەحمەد وەیسی و، ھێدی ساڵح و زیاد ئاقوبانی و رەسوڵ محەمەد دەکات

WEDNESDAY, 28 JULY 2021 16:07:31

بەڕێزان خانەوادەی ئەحمەد وەیسی ھێرۆیی

 

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 



 
© 2021 Kurdistan Democratic Party, KDP

Contact