Kurdî  ■  كوردی  ■  عربي
THU, 24 JUN 2021 13:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانى و ئه‌ردۆغان دۆخى ناوچه‌كه‌ تاوتوێ ده‌كه‌ن
| KDP.info


ئه‌نقه‌ره-KDP.info- پاشنیوه‌ڕۆى ئه‌مڕۆ هه‌ینى 4/9/2020 به‌ڕێز نێچیرڤان بارزانى، سه‌رۆكى هه‌رێمى كوردستان له‌ ئه‌نقه‌ره‌ له‌گه‌ڵ به‌ڕێز ڕه‌جه‌ب ته‌ییب ئه‌ردۆغان سه‌ركۆمارى توركیا كۆبووه‌وه‌.

له‌ كۆبوونه‌وه‌كه‌دا جه‌ختیان له‌ خواستى دوولایه‌نه‌ بۆ بره‌ودان به‌ په‌یوه‌ندییه‌كانى هه‌رێمى كوردستان و توركیا، به‌تایبه‌تى فراوانكردن و به‌رزكردنه‌وه‌ى ئاستى ئالوگۆڕى بازرگانى و هاریكارى و هاوبه‌شیى ئابوورى كرده‌وه‌، هه‌روه‌ها تیشكیان خسته‌ سه‌ر ده‌رفه‌تى كار و وه‌به‌رهێنانى توركى له‌ كه‌رته‌ جیاوازه‌كانى هه‌رێمى كوردستاندا.

هه‌ردوولا پوخته‌یه‌كیان له‌باره‌ى بڵاوبوونه‌وه‌ و به‌ره‌نگاربوونه‌وه‌ى په‌تاى ڤایرۆسى كۆرۆنا و لێكه‌وته‌كانى خسته‌ ڕوو‌‌، له‌مباره‌یه‌شه‌وه‌ به‌ڕێز سه‌رۆكى توركیا دووپاتى كرده‌وه‌ كه‌ وڵاته‌كه‌ى بۆ هه‌موو جۆره‌ یارمه‌تیدان و هاوكارییه‌كى هه‌رێمى كوردستان ئاماده‌یه‌ و هه‌موو پێداویستییه‌كى ته‌ندروستى و پزیشكى پێشكه‌ش ده‌كه‌ن.

له‌ ته‌وه‌رێكى دیكه‌ى كۆبوونه‌وه‌كه‌دا باس له‌ گفتوگۆى حكوومه‌تى هه‌رێمى كوردستان و حكوومه‌تى فیدرالى عێراق و دوایین هه‌نگاوه‌كان بۆ چاره‌سه‌كردنى كێشه‌كان و ئاڵۆزییه‌كانى سنوور كرا، هه‌روه‌ها دۆخى گشتیى عێراق و هه‌وڵه‌كانى بۆ به‌ره‌نگاربوونه‌وه‌ى مه‌ترسییه‌كانى داعش خرانه‌ به‌ر باس.

دوایین پێشهاته‌كانى دۆخى ناوچه‌كه‌ به‌گشتى، هه‌وڵه‌كان بۆ سه‌قامگیریى ناوچه‌كه‌ و چه‌ند پرسێكى جێى بایه‌خى هه‌ردوولا، ته‌وه‌رێكى دیكه‌ى كۆبوونه‌وه‌كه‌ بوو.




دوایین هەواڵەکان

سبه‌ى هه‌ینى مووچه‌ دابه‌ش ده‌كرێت

THURSDAY, 24 JUNE 2021 12:06:03

هەولێر-KDP.info- وه‌زاره‌تى دارایی و ئابووریی حكوومه‌تى هه‌رێمى كوردستان، له‌ ڕاگه‌یاندراوێكدا ئاماژه‌ به‌وه‌ ده‌دات، ده‌ست به‌ دابه‌شكردنى مووچه‌ى مانگى شه‌ش ده‌كرێت.

 
یاوەر بۆ KDP: پلە بەرزكردنەوە سەرجەم هێزەكانی پێشمەرگە دەگرێتەوە

THURSDAY, 24 JUNE 2021 12:06:23

هەولێر-KDP.info- پلەبەرزكردنەوەی هێزەكانی پێشمەرگە لە ئایندەیەكی نزیكدا دەست پێدەكاتەوە، ئەمینداری گشتیی وەزارەتی پێشمەرگەش دەڵێت، لە ئێستادا وردبینیكرن لە ناوەكان دەستی پێكردووە و لە دوای تەواوبوونی ڕێكارە یاسایی و ئیدارییەكان، بڕیارەكە دەچێتە بواری جێبەجێكردنەوە و سەرجەم هێزەكانی پێشمەرگەش دەگرێتەوە.

 
راگەیاندنی پارتی سەرەخۆشی لە زانا خەلیل و د. رێبەر فەتاح دەكات

THURSDAY, 24 JUNE 2021 11:06:42

هەولێر-KDP.info- دەزگای رۆشنبیری و راگەیاندنی پارتی دیموكراتی كوردستان، لە دوو پرسەنامەی جیادا، سەرەخۆشی لە هەردوو میدیاكار (زانا خەلیل) و (د. رێبەر فەتاح) دەكات.

 
فه‌رمانگه‌ی میدیا و زانیاری حكومه‌تی هه‌رێم ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌

WEDNESDAY, 23 JUNE 2021 22:06:24

هەولێر-KDP.info- فه‌رمانگه‌ی میدیا و زانیاری حكومه‌تی هه‌رێمی كوردستان ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌و رایگه‌یاند: بەداخەوە لە ڕاپۆرته‌كه‌دا كه‌وتوونەته‌ چه‌ندین هه‌ڵەوە،‌ كه‌ پشتیان به‌ زانیاریی نادروست به‌ستووه‌ به‌بێ ئه‌وه‌ی له‌ ڕاستییه‌كان دڵنیا ببنه‌وه‌.

سەرۆکی حکومەتی هەرێمی کوردستان پێشوازی لە نێردەی تایبەتی ئەمەریکا بۆ هاوپەیمانیی نێودەوڵەتی دژی داعش دەکات

WEDNESDAY, 23 JUNE 2021 19:06:32

ھەولێر-KDP. info-   ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە جۆن گادفرەی نێردەی تایبەتی ئەمەریکا بۆ هاوپەیمانیی نێودەوڵەتی دژی داعش بە وەکالەت و شاندێکی یاوەری کرد.

 


 
© 2021 Kurdistan Democratic Party, KDP

Contact