Kurdî  ■  كوردی  ■  عربي
FRI, 18 SEP 2020 17:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌نجامی لێكۆڵینه‌وه‌ى ڕووداوه‌كه‌ی نه‌خۆشخانه‌ی ڕزگاری ڕاگه‌یه‌ندرا
| KDP.info


ھەولێر-KDP.info- دوای ئەوەی لە سەر فەرمانی سەرۆکی حکومەتی هەریمی کوردستان لێژنەیەکی لێکۆڵینەوەو به‌دواداچوونی بۆ رووداوەکەی نه‌خۆشخانه‌ی رزگاری له ‌هه‌ولێر ڕاسپارد، ئەمڕۆ لێژنەکە دەرەنجامی لیکۆڵینەوەکەیان لەپێنج خاڵدا کۆکردەوە. لیژنەکە ئاماژە بەوە دەکات کە لە نەخۆشخانە هیچ کەسێک بە هۆی نەمانی ئۆکسجین نەمردووە، تەنها هەندێک کێشەو کەم و کوڕی لە لایەنی کاڕگیڕی دا هەبوە، ئەم مەسەلەیە تەنها مزایەدەی سیاسی پێوە کراوەو بە مەبەست پلانیان بۆ کارێکی لەم شێوەیە دانا بووە.

دەقی راگەیێندراوی ‌‌لیژنه‌ی لێكۆڵینه‌وه‌ و به‌دواداچوونی رووداوەکەی نه‌خۆشخانه‌ی رزگاری له ‌هه‌ولێر:

دوای ئه‌‌وه‌‌ی له‌‌سه‌‌ر فه‌‌رمانی جه‌‌نابی سه‌‌رۆكی حكومه‌‌تی هه‌‌رێمی كوردستان لێژنه‌‌یه‌‌كی لێكۆڵینه‌‌وه‌‌ی تایبه‌‌ت به‌‌كێشه‌‌ی كه‌‌می ئۆكسجین له‌‌نه‌‌خۆشخانه‌‌ی ڕزگاری له‌‌لایه‌‌ن پارێزگاری هه‌‌ولێر پێكهێنرا‌، لێژنه‌‌كه‌‌ گه‌‌یشته‌‌ ئه‌‌و ئه‌‌نجامانه‌‌ی خواره‌‌وه‌:

یه‌‌كه‌‌م/ له‌‌ رۆژی ٢٠٢٠/٧/٣٠ به‌‌ هۆی دواكه‌‌وتنی گه‌‌یشتنی ئۆكسجینی شل له‌‌ لایه‌‌ن ئه‌‌و كارگه‌‌یه‌‌ی گرێبه‌‌ستی دابین كردنی ئۆكسجینی كردوه‌‌ بۆ نه‌‌خۆشخانه‌‌ی ڕزگاری بۆماوه‌‌یه‌‌ك ئۆكسجینی شل نه‌‌ماوه‌‌ و ده‌‌ست به‌‌جێ ئه‌‌م بۆشاییه‌‌ به‌‌ ئۆكسجینی قه‌‌نینه‌‌ پڕكراوه‌‌ته‌‌وه‌‌ و هیچ نه‌‌خۆشێك له‌‌م ماوه‌‌یه‌‌دا كێشه‌‌ی نه‌‌بوونی ئۆكسجینی نه‌‌بووه‌‌، ئه‌‌وه‌‌ی ڕوویداوه‌‌ به‌هۆی گواستنه‌‌وه‌‌ی قه‌‌نینه‌‌ی زۆر له‌‌ لایه‌‌ن كارمه‌‌ندانی نه‌‌خۆشخانه‌‌كه‌‌ بۆ ژووره‌‌كان كه‌‌شێكی وه‌‌ها له‌‌لایه‌‌ن كه‌‌س و كاری نه‌‌خۆشه‌‌كان دروست بووه‌‌ كه‌‌ ئۆكسجین نه‌‌ماوه‌‌ و ئه‌‌وه‌‌ش وایكردوه‌‌ له‌‌م چه‌‌ند كاتژمێره‌‌دا خه‌‌ڵك خۆی ئۆكسجینی بردوه‌‌ و قه‌‌ڵه‌‌باڵغیه‌‌كی زۆر له‌‌ناو نه‌‌خۆشخانه‌‌كه‌‌ دروست بووه‌.                           ‌                                                    

دووه‌‌م/ به‌‌داخه‌‌وه‌‌ به‌‌شێكی ده‌‌زگاكانی ڕاگه‌‌یاندن به‌‌ ئامانج و بێ ئامانج ئه‌‌م دۆخه‌‌یان قۆستۆته‌‌وه‌‌ و به‌‌بێ هیچ لێكۆڵینه‌‌وه‌یه‌‌ك وایان پیشانداوه‌‌ كه‌‌ له‌‌م رۆژه‌‌دا ١٨ كه‌‌س له‌‌ به‌‌ر بێ ئۆكسجینی مردوون، به‌‌ڵام به‌‌ درێژایی ڕۆژی ٧/٣٠ چوار كه‌‌س گیانیان له‌‌ ده‌‌ست داوه‌‌ و دوای لێكۆڵینه‌‌وه‌‌ و به‌‌ دواداچوونی ووورد ده‌‌ركه‌‌وت ئه‌‌م نه‌‌خۆشانه‌‌ كه‌‌ گیانیان له‌‌ ده‌‌ست داوه‌‌ ئۆكسجینیان لێنه‌‌بڕاوه‌‌ و كێشه‌‌ی بێ ئۆكسجینیان نه‌‌بووه‌‌ و پێش ئه‌‌و ڕووداوه‌‌ دۆخی ته‌‌ ندروستیان به‌‌ ھۆی توندى نه‌‌ خۆشیه‌‌كه‌‌یان ناجێگیربووه‌.

سێیه‌‌م/ سه‌‌باره‌‌ت به‌‌ چاكنه‌‌كردنه‌‌وه‌‌ی كارگه‌‌ی ئۆكسجینی نه‌‌خۆشخانه‌‌ی ڕزگاری، به‌‌هۆی ئه‌‌وه‌‌ی سیسته‌‌می دابه‌‌شكردنی ئۆكسجین گۆڕدرابوو نه‌‌خۆشخانه‌‌كه‌‌ پێویستی پێ نه‌‌بووه‌‌، به‌‌ڵام دوای ئه‌‌وه‌‌ی ژماره‌‌ى نه‌‌خۆشه‌‌كانی كۆرۆنا له‌‌ ماوه‌‌یه‌‌كی كورت زۆر زیادیكردوه‌‌ و پێویستی له‌‌ سه‌‌ر ئۆكسجین زیاتر بووه‌‌، به‌ڕێوه‌‌به‌‌رایه‌‌تی گشتی ته‌‌ندروستی هه‌‌ولێر له‌‌رێكه‌‌وتی ٢٠٢٠/٧/٤  گرێبه‌‌ستی له‌‌ گه‌‌ڵ كۆمپانیا كردوه‌‌ بۆ چاككردنه‌‌وه‌‌ی كارگه‌‌كه‌‌ و بڕیاره‌‌ له‌‌ڕۆژی ٢٠٢٠/٨/١٠ ته‌‌واو ببێت و كارگه‌‌كه‌‌ ده‌‌ست به‌‌كاركردن بكاته‌‌وه‌.

چواره‌‌م/ لێژنه‌‌كه‌‌ له‌‌ ئه‌‌نجامی لێكۆڵینه‌‌وه‌‌ گه‌‌یشته‌‌ چه‌‌ند كه‌‌م و كوریه‌‌كی كارگێری و كه‌‌مته‌‌رخه‌‌می ده‌‌وامی فه‌‌رمانبه‌‌رانی نه‌‌خۆشخانه‌‌كه‌‌ و كێشه‌‌ی ئه‌‌منیه‌‌تی نه‌‌خۆشخانه‌‌كه‌‌ و كه‌‌م و كوری له‌‌ گرێبه‌‌ستی دابینكردنی ئۆكسجینی شل به‌‌دیكرد، له‌‌ كۆبوونه‌‌وه‌‌یه‌‌كدا به‌‌ سه‌‌رپه‌‌رشتی جه‌‌نابی سه‌‌رۆكی حكومه‌‌ت بڕیاردرا ئیجرائاتی پێوست بكرێت بۆ ڕێگرتن له‌‌ دوباره‌‌بوونه‌‌وه‌‌ى ئه‌‌و جۆره‌‌ ڕوداوانه‌‌ و رێكاری به‌‌په‌‌له‌‌ش بۆ چاره‌‌سه‌‌ری كێشه‌‌كان بگیرێته‌‌به‌‌ر. 

پێنجه‌‌م/ له‌‌ كاتێكدا نه‌‌خۆشخانه‌‌ى ڕزگارى زۆر له‌‌قه‌‌باره‌‌ی خۆی زیاتر نه‌‌خۆشی لێ بووه‌‌، ئه‌‌مه‌‌ش هۆكارێكی تری سه‌‌ره‌‌كی دروست بوونى ئه‌‌و دۆخه‌‌ بووه‌‌ و نه‌‌توانراوه‌‌ وه‌‌ك پێویست كۆنترۆڵی ڕه‌‌وشه‌‌كه‌‌ بكرێت، هه‌‌ر له‌‌سه‌‌ر ئه‌‌و بنه‌‌مایه‌‌ش بڕیاردرا نه‌‌خۆشخانه‌‌ی ڕۆژئاوا ته‌‌رخان بكرێت بۆ نه‌‌خۆشه‌‌كانی كۆرۆنا وه‌‌ك به‌‌شێك له‌‌ چاره‌‌سه‌‌ری ئه‌‌و لۆده‌‌ زۆره‌‌ی له‌‌ سه‌‌ر نه‌‌خۆشخانه‌‌ی ڕزگاری دروست بووه‌.                                                                     

 

لێژنه‌ی لێكۆڵینه‌وه‌و به‌دواداچوونی

ڕوداوی ڕۆژی ٧/٣٠ی نه‌خۆشخانه‌ی رزگاری له‌هه‌ولێر

٢٠٢٠/٨/٧




دوایین هەواڵەکان

شاندێكی حكوومه‌تی هه‌رێمی كوردستان به‌شداریی کۆڕبەندی ئابووریی توركیا و عێراق ده‌كات

THURSDAY, 17 SEPTEMBER 2020 15:09:52

مێرسین-KDP.info-  وه‌زیری هه‌رێم بۆ كاروباری پێكهاته‌كان كه‌ به‌شداری کۆڕبەندی ئابووریی توركیا- عێراقە، ڕایگەیاند، بۆ پته‌وكردنی په‌یوه‌ندیی بازرگانی و ئابووریی نێوان توركیا و هه‌رێمی كوردستان ئه‌مڕۆ له‌ شاری مێرسین شاندێكی حكوومه‌تی هه‌رێمی كوردستان به‌شداریی کۆڕبەنده‌كه‌ی كرد.

 

ڕێگای نێوان دهۆك و مووسڵ، سیانە دەکرێتەوە

THURSDAY, 17 SEPTEMBER 2020 15:09:56

دهۆك-KDP.info- به‌ڕێوه‌به‌ری گشتیی ڕێگاوبانی دهۆك ڕایگەیاند، لەسه‌ر ئه‌ركی حكوومه‌تی هه‌رێمی كوردستان له‌ قۆناغی یه‌كه‌مدا ڕێگای سه‌ره‌كیی نێوان دهۆك_مووسڵ سیانه‌ ده‌كرێته‌وه‌ و داواشمان له‌ پارێزگاری دهۆك كردووه‌ كه‌ نووسراو ئاراسته‌ی پارێزگاری مووسڵ بكات بۆ ئه‌وه‌ی شه‌قامه‌كه‌ دووباره‌ قیرتاو بکرێتەوە.

 

بەڕێوەبەری ئاوی ھەولێر: ئەمشەو ئاو دەگەڕێتەوە بۆ شاری ھەولێر

THURSDAY, 17 SEPTEMBER 2020 15:09:42

هەولێڕ-KDP.info- دوای گواستنەوەی هێڵەکانی ئاوی ئیفراز، بڕیارە ئەمشەو ئاو بگاتەوە شاری ھەولێر و بەڕێوەبەری ئاوی ھەولێریش دەڵێت، کارکردن لە گواستنەوەی بۆڕییەکان کۆتاییی ھاتووە.

 
زاگرۆس: ھەفتەی داھاتوو دەچینە بەغدا و ھەوڵدەدەین دواھەمین کۆبوونەوە بکەین لەبارەی بودجەوە

THURSDAY, 17 SEPTEMBER 2020 13:09:19

هەولێر-KDP.info- نوێنەری کورد لە لیژنەی ئامادەکردنی پڕۆژە یاسای بودجەی گشتی عێراق بۆ ساڵی داھاتوو گوتی، بڕیارە ھەفتەی داھاتوو سەردانی بەغدا بکەین و گفتووگۆ لەبارەی پشکی ھەرێمی کوردستان لە پڕۆژە یاسای بودجەی گشتی عێراق بکەین.

 
وەزارەت: ھەفتەی داھاتوو چەکەکانی گەنمی جوتیاران وەردەگرین و دەست بەدابەش کردنی دەکەین

THURSDAY, 17 SEPTEMBER 2020 12:09:50

هەولێر-KDP.info- بەڕێوەبەری گشتی وەزارەتی بازرگانی حکوومەتی ھەرێمی کوردستان گوتی، حکوومەتی عێراق بڕیاریداوە کە وەجبەی دووەمی پارەی گەنمی جوتیارانی ھەرێم خەرج بکات کە زیاتر لە٢٨ملیار دینارە و ھەفتەی داھاتوو دەگات و دەست بە دابەش کردنی دەکرێت.

 


 
© 2020 Kurdistan Democratic Party, KDP

Contact