Kurdî  ■  كوردی  ■  عربي
FRI, 18 SEP 2020 18:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

راگەیاندراوێک لە بەشی ڕۆژنامەوانیی دەزگای ڕۆشنبیری و ڕاگەیاندنی پارتی دیموكراتی كوردستانەوە
| KDP.info


شەش ساڵ بەر لە ئێستا تیرۆریستانی داعش پەلاماری دەڤەری شنگال و كوردستانیان دا و تاوانی دڕندانەیان بەرانبەر خوشك و برا ئێزدییەكانمان لەو دەڤەرەدا ئەنجام دا. جێگەی داخە كە دوای تێپەڕینی شەش ساڵ لە بابەتی ئەو كارەساتەدا هێشتا گوێمان لە موزایەدات و لێكدانەوەی ناحەق و بێویژدانانە دەبێ كە ئامانجیان لێ لەكەداركردنی پارتی دیموكراتی كوردستان و كەمبایەخكردنی سەركەوتنەكانی هێزی پێشمەرگەیە. لە وەڵامی ئەو موزایەدات و ناحەقییەدا دەڵێین، هەموو خەڵكی كوردستان دەزانێت كە ئەگەر كار گەییشتە بەرگریكردن و شەڕ لەپێناو كوردستان، ئەوە پارتییە شەڕی دوژمن و ناحەزانی كوردستان دەكات و شانیش دەداتە بەرپرسیارێتی و خۆی بە خاوەنی سەركەوتن و شكستەكان دەزانێت. سرووشتی شەڕیش وایە كە سەركەوتن و شكست و پاشەكشێ و شەهیدبوون و قوربانیدانیشی تێدایە.

لە سەرەتاكانی شەڕی داعشدا هێزی پێشمەرگە چەكی پێویستی لەبەردەست نەبوو. عێراق ئابڵۆقەی چەكی خستبووە سەر پێشمەرگە و ئەمەریكایش ڕێگەی نەدەدا وڵاتان چەك بفرۆشنە پێشمەرگە. كەچی داعش چەك و ئیمكانیاتی سوپاكانی دوو دەوڵەتی سووریا و عێراقی كەوتبووە دەست.  لەكاتی داگیركردنی شنگالدا لە لایەن داعشەوە لە 3ـی ئابی 2014 پێشمەرگە تەنیا چەكی سووكی لەبەردەست بوو. شنگالیش حەفتا كیلۆمەتر لە هەرێمی كوردستان دوور بوو و ئەو ڕێگە سەرەكییانەی هەرێمی بە شنگالەوە دەبەستەوە لە لایەن بەشێك لەو هۆزە عەرەبانە گیران كە دەستیان لەگەڵ داعش تێكهەڵ كردبوو و ڕێگە بۆ چوونی هێزی پشتیوانی بۆ شنگال لە ماوەیەكی زۆر كەمدا گیرا. ئەو كات ئەمەریكا و هێزی هاوپەیمانانیش لەناو شەڕدا نەبوون كە بتوانن یارمەتیی پێشمەرگە بدەن.

لەگەڵ ئەوەیشدا ئەو پێشمەرگانەی لە چیا لەگەڵ خەڵكی شنگالدا مانەوە قارەمانانە چیای شنگال و شەرفەدینیان لە پەلامارەكانی داعش پاراست و ڕێگەیان نەدا دەستی داعش بگاتە سەدانهەزار خەڵك كە پەنایان بۆ چیای شنگال بردبوو.

لە 3ـی ئاب كە داعش شنگالی گرت هەتا 14ـی ئابی 2014 پێشمەرگە خەڵكی پاراست و قوربانیشی دا و زۆر لەو كوردە ئێزدیانە ڕزگاركران و بۆ هەرێم گواسترانەوە و دەستی داعش نەگەییشتە یەك كەسی كوردی ئێزدیش. بەڵام كارەساتەكە كاتێك بوو كە لە 14ـی ئاب ژمارەیەك كوردی ئێزدی لەسەر بەڵێنی هەندێ هەلپەرست و سەرۆك هۆزە عەرەبەكان كە بەڵێنیان دابوو داعش ئازاری هیچ كەس نادات، لە چیا هاتنە خوار و هانی بەشێك لە كوردە ئێزدییەكانیان دا كە بۆ ناوچەكانیان لە باشووری شنگال بگەڕێنەوە. پاش ئەوەی گەڕانەوە و كەوتنە دەست داعش، داعش و هۆزە عەرەبەكان پشتیان لە بەڵێنەكەیان كرد و تاوان و زوڵمی زۆر گەورەیان لەدژی هاووڵاتیانی كوردی بێتاوانی ئێزدی ئەنجام دا كە لەسەر بەڵێنی ئەوان گەڕابوونەوە.

دوای ئەو كارەساتە و موزایەدات و دوژمنكاریی نێوخۆیی لەدژی پێشمەرگە، سەرۆك بارزانی خۆی سەرپەرشتیی بەرەكانی شەڕی كرد و بەڵێنی ئەوەی بە كوردانی ئێزدیدا كە لە ماوەی كەمتر لە سەت ڕۆژ ڕێگەكانی دەڤەری شنگال و چیای شنگال ئازاد بكات و سەری داعشەكان دەكەوێتە ژێر پێی ئێزدیەكان. سەرۆك بارزانی و پێشمەرگە بەڵێنی خۆیان بردە سەر و چیای شنگال و ئەو ڕێگایانەی هەرێمیان بە دەڤەری شنگال دەبەستەوە بە تەواوەتی ئازاد كران. ئێستا ئێمە بەو موزایەدەچییانە دەڵێین كە ئەو كاتانەی پێنجسەت پێشمەرگە گیانی خۆیان بۆ شنگال كردە قوربانی ئێوە لە كوێ بوون؟ ئێوە لە كوێ بوون كە بست بە بستی دەڤەری شنگال بە خوێن و قارەمانێتی ئازاد كرا؟ ئێوە لە كوێ بوون كە پێشمەرگە قارەمانانە تۆڵەی لە داعش كردەوە و ئەفسانەی داعشی شكاند و سەری داعشی خستە ژێر پێی كوردانی ئێزدی؟ بە موزایەدەچییەكان دەڵێین پارتی شەڕ دەكات و بەرگری دەكات و خاوەن بەڵێنی خۆیەتی. ئێوەیش تەنیا موزایەدە و بوختانهەڵبەستن و قسەی بەتاڵتان بۆ ماوەتەوە.

 

بەشی ڕۆژنامەوانیی دەزگای ڕۆشنبیری و ڕاگەیاندنی

 پارتی دیموكراتی كوردستان

4ـی 8ـی 2020

 




دوایین هەواڵەکان

شاندێكی حكوومه‌تی هه‌رێمی كوردستان به‌شداریی کۆڕبەندی ئابووریی توركیا و عێراق ده‌كات

THURSDAY, 17 SEPTEMBER 2020 15:09:52

مێرسین-KDP.info-  وه‌زیری هه‌رێم بۆ كاروباری پێكهاته‌كان كه‌ به‌شداری کۆڕبەندی ئابووریی توركیا- عێراقە، ڕایگەیاند، بۆ پته‌وكردنی په‌یوه‌ندیی بازرگانی و ئابووریی نێوان توركیا و هه‌رێمی كوردستان ئه‌مڕۆ له‌ شاری مێرسین شاندێكی حكوومه‌تی هه‌رێمی كوردستان به‌شداریی کۆڕبەنده‌كه‌ی كرد.

 

ڕێگای نێوان دهۆك و مووسڵ، سیانە دەکرێتەوە

THURSDAY, 17 SEPTEMBER 2020 15:09:56

دهۆك-KDP.info- به‌ڕێوه‌به‌ری گشتیی ڕێگاوبانی دهۆك ڕایگەیاند، لەسه‌ر ئه‌ركی حكوومه‌تی هه‌رێمی كوردستان له‌ قۆناغی یه‌كه‌مدا ڕێگای سه‌ره‌كیی نێوان دهۆك_مووسڵ سیانه‌ ده‌كرێته‌وه‌ و داواشمان له‌ پارێزگاری دهۆك كردووه‌ كه‌ نووسراو ئاراسته‌ی پارێزگاری مووسڵ بكات بۆ ئه‌وه‌ی شه‌قامه‌كه‌ دووباره‌ قیرتاو بکرێتەوە.

 

بەڕێوەبەری ئاوی ھەولێر: ئەمشەو ئاو دەگەڕێتەوە بۆ شاری ھەولێر

THURSDAY, 17 SEPTEMBER 2020 15:09:42

هەولێڕ-KDP.info- دوای گواستنەوەی هێڵەکانی ئاوی ئیفراز، بڕیارە ئەمشەو ئاو بگاتەوە شاری ھەولێر و بەڕێوەبەری ئاوی ھەولێریش دەڵێت، کارکردن لە گواستنەوەی بۆڕییەکان کۆتاییی ھاتووە.

 
زاگرۆس: ھەفتەی داھاتوو دەچینە بەغدا و ھەوڵدەدەین دواھەمین کۆبوونەوە بکەین لەبارەی بودجەوە

THURSDAY, 17 SEPTEMBER 2020 13:09:19

هەولێر-KDP.info- نوێنەری کورد لە لیژنەی ئامادەکردنی پڕۆژە یاسای بودجەی گشتی عێراق بۆ ساڵی داھاتوو گوتی، بڕیارە ھەفتەی داھاتوو سەردانی بەغدا بکەین و گفتووگۆ لەبارەی پشکی ھەرێمی کوردستان لە پڕۆژە یاسای بودجەی گشتی عێراق بکەین.

 
وەزارەت: ھەفتەی داھاتوو چەکەکانی گەنمی جوتیاران وەردەگرین و دەست بەدابەش کردنی دەکەین

THURSDAY, 17 SEPTEMBER 2020 12:09:50

هەولێر-KDP.info- بەڕێوەبەری گشتی وەزارەتی بازرگانی حکوومەتی ھەرێمی کوردستان گوتی، حکوومەتی عێراق بڕیاریداوە کە وەجبەی دووەمی پارەی گەنمی جوتیارانی ھەرێم خەرج بکات کە زیاتر لە٢٨ملیار دینارە و ھەفتەی داھاتوو دەگات و دەست بە دابەش کردنی دەکرێت.

 


 
© 2020 Kurdistan Democratic Party, KDP

Contact