Kurdî  ■  كوردی  ■  عربي
MON, 30 NOV 2020 17:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

په‌یامى سه‌رۆكى هه‌رێمى كوردستان بۆ یادى ئه‌نفالكردنى بارزانییان
| KDP.info


ھەولێر-KDP.info- ئه‌مڕۆ یادى ئه‌نفالكردنى هه‌شت هه‌زار سڤیلى بێتاوانى بازرانى ده‌كه‌ینه‌وه‌ كه‌ به‌رله‌ سى و حه‌وت ساڵ 31/7/1983 له‌ ماوه‌ى ده‌ ڕۆژدا له‌ ئۆردوگا زۆره‌ملێكانى قوشته‌په‌ و به‌حركه،‌ هه‌ریر و دیانا له‌ سنوورى پارێزگاى هه‌ولێر، ڕژێمى به‌عس جینۆسایدى كردن و بۆ هه‌میشه‌ ڕاپێچى مه‌رگستانى بیابانه‌كانى باشوورى عێراق كران.

دواى ئه‌وه‌ دایكان، ژنان و خوشكانى ئه‌نفالكراوان، بارى قورسى ژیانێكى تاڵ و چاره‌نووسێكى ئازاربه‌خشیان كه‌وته‌ ئه‌ستۆ. ده‌بووایه‌ بۆ منداڵانیان ببنه‌ باوك و برا و به‌ ڕه‌نجى خۆیان بژێوى ژیان په‌یدا بكه‌ن. له‌م ڕۆژه‌دا به‌وپه‌ڕى ڕێز و پێزانینه‌وه‌ له‌ ڕۆڵى ئه‌و دایك و خوشكه ڕووسپییانه‌‌ ده‌ڕوانین كه‌ به‌رگه‌ى ژیانێكى مه‌رگه‌ساتباریان گرت، به‌ڵام هه‌رگیز كۆڵیان نه‌دا.

هه‌ر له‌م یاده‌دا به‌ ڕێز و پێزانینه‌وه‌ ڕۆڵى جوامێرانه‌ى خه‌ڵكى هه‌ولێر و ده‌وربه‌رى، خه‌ڵكى هه‌ریر و باتاس و دیانا و ده‌وروبه‌ریان به‌ بیر ده‌هێنینه‌وه‌ كه‌ هه‌موو هاوكارییه‌كان پێشكه‌ش به‌ خێزان و كه‌سوكارى ئه‌نفالكراوان كرد. بوونه‌ پشت و په‌نایان و ده‌رفه‌تى كار و په‌یداكردنى بژێوى ژیانیان بۆ ڕه‌خساند. جوامێریى ئه‌وان بۆ هه‌میشه‌ له‌ یاده‌وه‌ریى ئێمه‌ و كه‌سوكارى ئه‌نفالكراوان و كوردستانییاندا ده‌مێنێته‌وه‌.

به‌ شكۆوه‌ گیانى پاكى ئه‌نفالكراوان و ته‌واوى شه‌هیدانى كوردستان به‌ بیر ده‌هێنینه‌وه‌، سڵاو و ڕێز بۆ خێزان و كه‌سوكاریان ده‌نێرین. له‌ هه‌وڵه‌كانمان له‌ ئاستى عێراق و جیهان به‌رده‌وام ده‌بین بۆ ئه‌وه‌ى جارێكى دى له‌ هیچ شوێنێك مرۆڤایه‌تى ئازار و مه‌رگه‌ساتى وه‌ك ئه‌نفال و كیمیاباران نه‌بینێته‌وه‌، حكوومه‌تى عێراقیش ده‌بێت پابه‌ندى قه‌ره‌بووكردنه‌وه‌ى قوربانییان بێت.

 

نێچیرڤان بارزانى

سه‌رۆكى هه‌رێمى كوردستان

31/7/2020

 




دوایین هەواڵەکان

پرسەنامەی مەكتەبی سیاسی پارتی بۆ كۆچی دوایی هەڤاڵی تێكۆشەر سەعدی مەولود

MONDAY, 30 NOVEMBER 2020 16:11:01

بەڕێزان/ خانەوادەی كەسایەتی نیشتیمانپەروەر و هەڤاڵی تێكۆشەر(سەعدی مەولود)

 

شنگال..هێزەکانی پەکەکە لە بارەگاکانیان کرانە دەرەوە

MONDAY, 30 NOVEMBER 2020 16:11:49

شنگال- KDP.info - دوای ڕێککەوتنی شنگال لە نێوان حکوومەتی عێراق و هەرێمی کوردستان، هێزە عێراقییەکان پەکەکە لە بارەگانیان لە ناوەندی شنگال کرانە دەرەوە.

 

کۆمەڵەی قوربانیانی چەکی کیمیاوی داوا دەکات چاکسازی لە فایلی بەرکەوتووان بکرێت

MONDAY, 30 NOVEMBER 2020 15:11:16

هەڵەبجە-KDP.info- ئەمڕۆ ڕۆژی جیهانیی بەرکەوتووانی چەکی کیمیاوییە و لە کوردستان بەهۆی ڕەفتارە دڕندەکانی ڕژێمەکانی عێراقەوە هەزاران هاووڵاتیی بەرکەوتووی چەکی کیمیاوی هەیە، کۆمەڵەی قوربانیانی هەڵەبجە داوا دەکەن ڕژێمی عێراق قەرەبووی بەرکەوتووانی هەڵەبجە بکاتەوە.

 
گوتەبێژی وەزارەتی ئاوەدانکردنەوە: شوقە لەسەر کەمدەرامەتان دابەش دەکرێت

MONDAY, 30 NOVEMBER 2020 15:11:18

ھەولێر-KDP.info-  دوای ئەوەی لە قەلادزێ یەکەکانی نیشتەجێبوون بەسەر خەڵکی کەمدەرامەتدا دابەش کران، بڕیارە لە ڕاپەڕینیش شوقە دابەش بکرێت و گوتەبێژی وەزارەتی ئاوەدانکردنەوەش دەڵێت، لە زۆربەی شارەکان یەکەی نیشتەجێبوون دروست دەکەن.

 
سه‌رۆكی په‌رله‌مانی كوردستان بانگهێشتی په‌رله‌مانتاران ده‌كات

MONDAY, 30 NOVEMBER 2020 12:11:04

هەولێر-KDP.info- د.رێواز فایق حوسێن سه‌رۆكی په‌رله‌مانی كوردستان بانگهێشتی په‌ڕله‌مانتارانی كوردستان ده‌كات بۆ كۆبوونه‌وه‌ی ڕۆژی  چوارشه‌ممه‌ى داهاتوو.



 
© 2020 Kurdistan Democratic Party, KDP

Contact