Kurdî  ■  كوردی  ■  عربي
SAT, 19 SEP 2020 15:55 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەڵامێک لە بەشی رۆژنامەوانیی دەزگای رۆشنبیری و راگەیاندنی پارتی دیموکراتی کوردستانەوە بۆ مونیرە عەلی عەبدولعەزیز
| KDP.info


وەڵامێک لە بەشی رۆژنامەوانیی دەزگای رۆشنبیری و راگەیاندنی پارتی دیموکراتی کوردستانەوە بۆ  مونیرە عەلی عەبدولعەزیز.

مونیرە عەلی عەبدولعەزیز ئەندامی مەکتەبی سیاسی بزووتنەوەی ئیسلامی کوردستان، لە ئەکاونتی خۆی لە تۆڕی کۆمەڵایەتی فەیسبوک،  پۆستێکی نەشیاوی، بە ھەڵچونێکی دەروونی نا سروشتی و، دوور لە بنەمای رەوشتی نووسین لە سەر پارتی دیموکراتی کوردستان نووسیوە، کە پێدەچێ دەمێک بێت راھێنانی بۆ کردبێ، تا بەو فکر و ئاراستە پۆپۆلیستیە زمانی بگەڕێت!
ئێمە لە وەڵامدا دەڵێین:
لە ململانێی سیاسی و کەشی ئازادی ھەرێمی کودستاندا زۆرێک لە پەرلەمانتار و کادیر و سەرکردەی ھێز و لایەنە سیاسییەکان بە ھەندێ لێدوان و دەربڕینیان ھەستی ئێمە و خەڵک و تەنانەت جەماوەرەکەی خۆشیان ئازارداوە، بەڵام ناکرێت ھەموو ئەوانە لەسەر خودی حزبەکان حیساب بکرێن و بکرێنە دەرفەت بۆ دنەدانی رق و پشێوی! برایانمان لە بزووتنەوەی ئیسلامی کوردستان باش لەم راستیەدەگەن بەتایبەتی کە پەیوەندیی دێرین و لە مێژینەی نێوان پارتیمان و بزووتنەوە پەیوەندیەکی جێگیر و رێزلێگیراوە.
بە حوکمی ئەو رابردوو و پەیوەندیەی نێوانمان، ئێمە لە پارتی دیموکراتی کوردستان واینابینین کە نووسینەکەی مونیرە عەلی عبدولعەزیز ھەڵوێستی فەرمیی بزووتنەوەی ئیسلامی کوردستان بێت، وەلێ بەداخەوە ناوبراو کە ئەندامی مەکتەبی سیاسی بزووتنەوەکەیە بەبێ رەچاوکردنی ئەو پەیوەندیە مێژووییە و پەرێزی پڕ شانازی پارتی، لە ئاستێکی نزمی دەربڕین و بە زمانێکی زبر و ناتەندروست و پێچەوانەی عورفی دەربڕینی سیاسی و بنەماکانی ئاینی پیرۆزی ئیسلامیش، بابەتێک دەکاتە دەرفەت بۆ لەکەدارکردنی پارتیمان! ئەمە لە کاتێکدا کە لای خەڵکی کوردستان و یار و نەیار و خودی بزووتنەوەی ئیسلامی کوردستانیش زانراوە کە پارتی دیموکراتی کوردستان لە رابردوو تا ئێستا بەگرتنەبەری رێباز و راستەڕێیەکی دروستی خەبات و تێکۆشان، پارێزەری کولتووری جوانی کوردەواری و رێزگرتنە لە بیروباوەڕە ئاینی و ئایدۆلۆژیە جیاوازەکان و، ھەروەھا ھاندەری پێکەوەژیان و زامنی ئاشتی و ئارامی کوردستانیشە.
مێژوو رابردویەکی نەگۆڕە، جگە لە توێژینەوە و بەڵگەی دانپێدانراوی زانستی و لۆژیکی، ھیچ رێگایەکی دیکە نیە بۆ جوانکردن یاخود ناشرینکردنی ئەو زەمەن و رابردوە، بۆیە لە جیاتی تەشھیر و لەکەدارکردن باشترە خاتوو مونیرە و ھاوشێوەکانی لە سەرنج و رەتکردنەوە و وڵامی وتە و دەربڕینی ھەر کەس و لایەنێک پەنا بۆ شێواز و رێگای دروست و باوەڕھێنەر ببەن و بەلایەنی کەمەوە لە ئاکاری ئیمانداری دەرنەچن، چونکە بەپێچەوانەوە ئەو زمان و ئاراستە خراپە خزمەت بە پێکەوەیی و ئارامی و رەوشی ئێستای کوردستان ناکات. 

بەشی رۆژنامەوانیی دەزگای رۆشنبیری و راگەیاندنی
پارتی دیموکراتی کوردستان
٢٩ـی٧ـی٢٠٢٠




دوایین هەواڵەکان

"ڕێگای زاخۆ.ئیبراھم خەلیل نۆژەن دەکرێتەوە"

SATURDAY, 19 SEPTEMBER 2020 15:09:57

ھەولێر -KDP.info- بە گوژمەی ھەشت ملیار دینار ڕێگای سەرەکیی زاخۆ-کۆمەڵگەی ئیبراھیم خەلیل نۆژەن دەکرێتەوە و بەرپرسێکی شارەوانییەکانی دھۆکیش دەڵێت، حکوومەت پارەی پێویستی بۆ ئەنجامدانی پڕۆژەکە تەرخان کردووە.

 

فرۆشتنی دۆلار لەلایەن وەزارەتی دارایی بەشێوەیەكی ئاشكرا دەبێت

SATURDAY, 19 SEPTEMBER 2020 11:09:10

هەولێر-KDP.info- بە بڕیاری وەزیری دارایی و ئابووری، فرۆشتنی دۆلار لەلایەن وەزارەتی دارایی و ئابووری بەشێوەیەكی ئاشكرا دەبێت.

 
وەزارەتی تەندروستی: لە ھەفتەیەكدا 164 كەس بە كۆرۆنا گیانیان لەدەستداوە

SATURDAY, 19 SEPTEMBER 2020 11:09:41

هەولێر-KDP.info- وەزارەتی تەندروستی ھەرێمی كوردستان ئاماری ھەفتەیەكی كۆرۆنای ئاشكرا كرد وبەگوێرەی ئامارەكە، لە 11/9/2020 تا 17/9/2020 39 ھەزار و 316 پشكنین ئەنجامدراوە و 4 ھەزار و 537 كەس وەك ھەڵگری ڤایرۆسی كۆرۆنا لە ھەرێمی كوردستان تۆمار كراون.

 
دیاری حوسێن: دۆخی کەرکووک زۆر خراپە.. چارەسەركردنیشی بە چەند رێگایەك دەكرێت

SATURDAY, 19 SEPTEMBER 2020 10:09:49

كەركووك-KDP.info- جێگری سەرۆكی ئەنجومەنی سەركردایەتیی كەركووك - گەرمیانی پارتی دیموكراتی كوردستان رایدەگەیەنێت، دۆخی كەركووك رۆژ بە رۆژ بەرەو خراپتر دەچێت و تاوەكو تا دەستوور و ماددەی ١٤٠ـیش جێبەجێ نەكرێن، دۆخەكە بەو شێوەیە بەردەوام دەبێت.

 
گۆڕانكارییە جەوھەرییەكانی ھەمواركردنەوەی دەستووری عێراق لە KDPیەوە بزانە

SATURDAY, 19 SEPTEMBER 2020 10:09:44

هەولێر-KDP.info- ئەندامێكی لیژنەی ھەمواركردنەوەی دەستووری عێراق رایگەیاند، لیژنەی ھەمواركردنەوەی دەستووری عێراق لە كۆتایی كارەكانیدایە و ھیچ گۆڕانكارییەك لەو ماددانە نەكراوە كە پەیوەندییان بە ھەرێمی كوردستان و مافەكانی ھەرێمەوە ھەیە.

 


 
© 2020 Kurdistan Democratic Party, KDP

Contact