Kurdî  ■  كوردی  ■  عربي
FRI, 22 JAN 2021 03:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خەتای پارتی نییە مانۆرە ئیعلامییەکە جەماوەری نەبوو!
| KDP.info


هەكار هەركی

ماڵپەڕی یەکێتی نیشتمانی کوردستان، لە بابەتێکدا بەناوی "ھەموو کوردستان مەیدانی خەباتی یەکێتییە، پایتەختیش چەقی ئەو خەباتەیە"، بەچەند رستەی نا لۆژیکی، پەڕەگرافێکی پڕ لە موزایەدەی سیاسی بە تەعریفی کەسانێک کە پێدەچێ بۆ پەردەپۆشکردنی شکستی مانۆرێکی ئیعلامی پێشوەختە نووسرابێ، لەبارەی ھەرێمی کوردستان و ھەولێر و تێکۆشانی پارتی دیموکراتی کوردستان لە پارێزگاریکردن لە قەوارەی ھەرێم، وشەی نابەجێیان ھەڵڕشتوون، ئەم بەیاننامەنووسانە لە ناخی خۆیاندا باش دەزانن کە سەنگی پارتی لە پای پارێزگاریکردن لە قەوارەی ھەرێمی کوردستان چەندە سەنگینە، بۆیە بەبێ ئەوەی کەس لەسەر ھەڵبژاردندا باسێکی ئەوانی کردبێ کە قەبارەی کورسییەکانیان لە ماوەی چەند ساڵی رابردوو کەمی کردووە، دێن باسی ئەوەدەکەن کە یەکێتی لە ھەڵبژاردن لە ھەولێر نە دۆڕاوە و،  بە ھەڵبژاردنیش نە چووەتە دەر، کەس نەیگوتووە یەکێتی با ھەولێر چۆڵ بکات، ئەمە ئەم ھەولێرەیە کە کەسانێک دەیانگوت گوندێکی گەورە و ئێستاش دەڵێن ئێمە چەقی ململانێی سیاسی و قورسایی دێنینەوە ھەولێر کەچی مانۆرەکە گوناحی پارتی تێدانییە کە ئەنجامی نەبووە، لە پرەنسیپی پارتیدا ململانێی دیموکراسی لەھەر شارێکدا بەبێ جیاوازی بۆ ھەر پارتێکی سیاسی رەوایە، پارتی لای ئاساییە ھەر کەسێک بێتە ھەولێر و رووی لە ھەولێر بێت باشترە لەوەی راکێشەری لەشکرێکی ئیقلیمی یان ئەو ھێزە بێ کە لە شازدەی ئۆکتۆبەر رایان کێشایە کەرکووک و ناوچە کوردستانییەکانی دیکە و کەسانێکیش لە رابردوو بەرچاوروونیان دەدایە بەغدا کە قوتی خەڵکی کوردستان ببڕن  ھەندێ لە نوێنەرانیشیان لە بەغدا ئێستایشی لەگەڵ دابێ رێکلام بۆ گەمارۆی زیاتری سەر قوتی خەڵکی کوردستان دەکەن.

 ھەرێمی کوردستان بەسەرجەم شارەکانەوە لای پارتی یەک قەوارەیە و، ئەمەش لەساتەوەختی رۆژانی شازدەی ئۆکتۆبەر بە ڕوونی دیاربوو کە پارتی لە کوێی سەنگەری بەرگریکردن لە قەوارەی ھەرێمی کوردستان بوو، کەسانێکیش لە کوێی چاوساغیکردن و چۆڵکردنی مەیدانی سەنگەر بوون بۆ حەشدی شەعبی، زۆریش روون بوو کە برقیەی دەستخۆشی لە بەغداوە چۆن بۆ ئەو کەسانە لێدەدران بەبۆنەی چۆڵکردنی کەرکووک و رێخۆشکردن بۆ حەشدی شەعبی تا ھێرش بکاتە سەر ھەولێر و درعی پارتیش روون بوو کە چۆن بە قارەمانێتی پێشمەڕگە رێگری کرد لە داگیرکاری و، دواتریش روون بوو کە کەناڵی دیپلۆماسی پارتی چۆن گەمارۆی زەمینی و ئاسمانی لەسەر ھەرێمی کوردستان شکاند کە لە ئەنجامی خیانەتی شازدەی ئۆکتۆبەر و لێکەوتەکانی ھەرێم تووشی ئەم گەمارۆیە کرا.

پارتی دیموکراتی کوردستان و زۆربەی لایەنە سیاسییەکان باش دەزانن قەوارەی هەرێمی کوردستان یەکە و دەبێ بە یەکگرتوویی بمێنێت و بەبێ جیاوازی بەرگری لێبکرێ، بەڵام سەیر ئەوەیە بەگوێرەی ئەم بابەتەی ماڵپەری (ی.ن.ک) تازە بانگەشەی ئەوە دەکرێ هەرێمی کوردستان تەنیا شارێک نییە! ئەمە جێی دڵخۆشی پارتییە کە نیەت پارێزگاری لە قەوارەی هەرێم بێت ئەگەر ئەمە دروشم نەبێت.

ئەوەی گرنگە بزانن، پێویستە ئەو بەربەستانە هەڵگرن و ئازادی کار و خەبات بۆ هەموو لایەنێک هەبێت کە سلێمانیش وەکو هەموو شارەکانی دیکەی کوردستان بۆ سارجەم حزبە سیاسییەکان ئازاد بکرێ، ئەو ھێرشەی لەوێ دەکرێتە سەر بارەگاکانی پارتی بە تەقەکردن و رێگە نەدان بە ئازادی کارکردنی ھەڤاڵانی پارتی لە قۆناغە جیاوازییەکانەوە دەبوو ئەمەش روون بێ.

لەو کاتەی ئەو ھێرشە ناڕەوایەی کە لە مێدیای یەکێتی دەکرێتەسەر پارتی دەبوو ئەو کەسانەی نێو یەکێتی کە داڕێژەری ئەو جۆرە بابەتەن لە قوڵایی ستراتیژیی لە بابەتکەیان روانیبووا، ئاخر کەی رەوایە حزبێک بەبێ حسابکردن بۆ کەرتی پەروەردە بێت و تەدەخول لە کاروباری حکومەت بکات و کردنەوەی قوتابخانەیەک رابگەیەنێ، کاتێکیش لایەنی پێوەندار کە پەروەردەیە بڵێ ئەمە رەوانییە و تەدەخولە، ئەمە چ رەبتێکی بە پارتی ھەیە. 

سەبارەت بە ھاتنی سوپای تورکیا بۆ ناوچە سنوورییەکان، یەکێتی لە رێگەی تیمی خۆی لە حکوومەتدا باش دەزانێت کە ھەڵوێستی حکوومەت چۆنەو چەندجار دواکراوە کە تورکیاو پەکەکە گۆڕەپانی ھەرێم نەکەنە ململانێی شەڕی نێوخۆیانەوە، ئەگەر مەبەست لە لولەی دەبابەکانیش لەوەبێ کە رووی لە یەکێتی بووبێ لە سەردەمێکدا،  ئەوا داڕێژەری ئەو بابەتە باشدەزانێ کە یەکێتی چۆن ئیستغلالی پەکەکەی دەکرد بۆ راکێشانی تورکیا و، چۆنیش ھێزێکی ئیقلیمی راکێشایە ھەرێم بۆ داگیرکردنی ھەولێر لە رابردوودا، خۆزگە ئەو سەردەمەیشیان باسکردبا کە چۆن لە رابردوو ھێزێکی ئیقلیمیان دەھێناو ھێرشیان پێدەکردە سەر خاکی کوردستان، کە ئەوکاتیش پارتی بوو نەیھێشت ھەولێر چۆڵ بێت لە خەباتی کوردایەتی و، ئەم ئەزموونەی کە ھەیە بە زمانێکی دیکەی بیانی تەرجەمە بکرێت بەبەرچاوی جیھانداو کوردستان بکەوێتە بەرداگیرکاری.

خەتای پارتی نییە کە دارێژەری بیرۆکەی ئەم بابەتەی ماڵپەڕی یەکێتی، لە مانۆڕێکی مێدیایی سەرکەوتوو نەبوون لە ھەولێر، ئەوەی بۆی ھاتن لە ھەولێر دەستیان نەکەوت، پارتی دەرگای ھیچ شارێک بەسەر کەس داناخات، ئەوە ئەم شارەیە کە پێدەگوترێ ھەولێر کە کەسانێک پێیان دەگوت دواکەوتوو و گاڵتەیەن بە فەرھەنگی ئەم شارە دەکرد، ئەرێ خێرە ئێستاش کەسانێک کە ھاتوونە ھەولێر تازە دەڵێن ململانێی سیاسی و دروشمی پڕ لە موزایەدەی سیاسی بەرزدەکەنەوە و بە سەردەمی گوند لێی دەڕوانن و پێشکەوتنی مەلتی کەلچەری ھەولێریان پێ ھەزم ناکرێت. ئێرە ھەولێرە و ھەولێریش پێێناسەی ھەر حزبێکی سیاسی بە گوێرەی روئیاو پەیامی ئەو حزبە دەزانێ و، پێویست بە موزایەدە ناکات، لێرە کردار دەخوات نەوەک دروشم.

 




دوایین هەواڵەکان

"بەبێ پێشمەرگە ئارامی بۆ عێراق ناگەڕێتەوە"

THURSDAY, 21 JANUARY 2021 15:01:33

به‌غداد - KDP.nfo - له‌ بازاڕێكی شه‌عبیی عێراق دوو ته‌قینه‌وه‌ ڕووی دا و ده‌یان كوژراو و بریندری لێ كه‌وته‌وه‌. هێزه‌ عێراقییه‌كان هه‌ریه‌كه‌ و مه‌رجه‌عێكیان هه‌یه‌، سه‌رۆكوه‌زیران به‌ناو فه‌رمانده‌ی گشتیی هێزه‌ چه‌كداره‌كانه‌، داعش به‌ هێزه‌وه‌ سه‌ری هه‌ڵداوه‌ته‌وه،‌ به‌بێ پێشمه‌رگه‌ ئه‌منییه‌ت بۆ عێراق ناگه‌ڕێته‌وه‌.

 
سەرۆك بارزانی لە پەیامێكدا ئیدانەی كردەوە تیرۆریستییەكانی شاری بەغدا دەكات

THURSDAY, 21 JANUARY 2021 15:01:31

بەناوی خودای بەخشندە و میهرەبان

 
سالیادا دامەزراندنا کۆمارا کوردستان ل دھۆکێ ھاتە ساخکرن

THURSDAY, 21 JANUARY 2021 14:01:26

دھۆک-KDP.info- سالیادا کۆمارا کوردستان (مھاباد) ئەڤرۆ رۆژا ٢١/١/٢٠٢٠١ ب ئامادەبوونا (د.عەلی تەتەر) پارێزگارێ دھۆکێ و لایەنێن سیاسی و دامودەزگەھێن حکومی و کەسایەتیێن دەڤەرێ ژ لایێ رێڤەبەریا گشتی یا رەوشەنبیری و ھونەری ل دھۆکێ ب ھەماھەنگی ل گەل دەزگایێ پاراستنا ئالایێ کوردستانێ ڤە ل ھۆلا سەنتەرێ پێشمەرگە یێ رەوشەنبیری ل باژێرێ دھۆکێ ھاتە ساخکرن 

سەرۆك بارزانی نامەیەك بۆ سەرۆك بایدن دەنێرێت

THURSDAY, 21 JANUARY 2021 14:01:48

ھەولێر-KDP. info-  سەرۆك مەسعود بارزانی لە نامەیەكدا بۆ سەرۆك جۆزێف بایدن سەرۆكی ویلایەتە یەكگرتووەكانی ئەمەریكا، دووبارە پیرۆزبایی لێ كرد بە بۆنەی هەڵبژاردنی وەك سەرۆكی ئەمەریكا و هیوای سەركەوتنی بۆ خواست.

سه‌رۆكایه‌تیى هه‌رێمى كوردستان سه‌ركۆنه‌ى هێرشه‌ تیرۆرستییه‌كانى به‌غدا ده‌كات

THURSDAY, 21 JANUARY 2021 14:01:57

ھەولێر-KDP. info-  به‌ توندی سه‌رکۆنه‌ی ئه‌و هێرشه‌ تیرۆرستییه‌ خۆکوژییانه‌ ده‌که‌ین که‌ ئه‌مڕۆ له‌ به‌غدا به‌ شێوه‌یه‌كى زۆر دڕندانه‌ هاووڵاتیانی کرده‌ ئامانج و ژماره‌یه‌کی زۆریان شه‌هید و بریندار بوون. پرسه‌ و سه‌ره‌خۆشی له‌ خانه‌واده‌کانیان ده‌که‌ین و هاوسۆز و هاوخه‌میانین، هیوای سه‌لامه‌تی و زووچاکبوونه‌وه‌ بۆ برینداران ده‌خوازین. هه‌رێمى كوردستان به‌ هه‌موو شێوه‌یه‌ك ئاماده‌یه‌ له‌ نه‌خۆشخانه‌كانى پێشوازى له‌ برینداران و به‌ركه‌وتووانى هێرشه‌كان بكات و هه‌موو خزمه‌تگوزارییه‌كى پزیشكیى پێویستیان پێشكه‌ش بكات.

 


 
© 2020 Kurdistan Democratic Party, KDP

Contact