Kurdî  ■  كوردی  ■  عربي
WED, 27 JAN 2021 23:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ملله‌ت ب ده‌نگێ كیژ بلوورا وان‌ بره‌قسیت؟!
| KDP.info


په‌رله‌مانتار: ژیان طاهر زێوه‌ی

سیاسه‌ت ئه‌و رێكار، به‌رنامه‌ و بڕیارن یێن كو بۆ برێڤه‌برنا كاروبارێن جڤاكی، درستكرنا په‌یوه‌ندیان دناڤبه‌را خه‌لكێ جوراوجوردا، كارێن گشتی( سیاسه‌تا بودجه‌ی، سیاسه‌تا ئابووری، سیاسه‌تا نه‌فتێ، سیاسه‌تا كارگێڕی...) دهێنه‌ بكارئینان. ژ بۆ ڤێ چه‌ندێ ژی سیستمه‌كێ یاسایی و رێسایی پێتڤیه‌ كو جێبه‌جێ كرنا بخورتی یا وان لسه‌ر تاكه‌ كه‌سان بسه‌پینیت، دا كو مرۆڤ بشێن پێكڤه‌ بژین و ئاریشێن خۆ چاره‌سه‌ر كه‌ن و هنده‌ك ژ به‌رژه‌وه‌ندیێن خۆ قوربانی پێكڤه‌ژیانێ  بكه‌ن. هه‌ر ئه‌ڤ سیستەمێن یاسایێ نه‌ كو جیاوازیێ دئێخنه‌ دناڤبه‌را مرۆڤێن سه‌رده‌می و یێن چاخێن به‌رێدا،  و خورتی یا یاسایی به‌شه‌كێ گرنگ و سه‌ره‌كی یێ هه‌ر سیاسه‌ته‌كێ یه‌. سیاسه‌ت دبیت یا ئه‌رێنی و سه‌ركه‌فتی بیت و ملله‌تی و وەلاتی به‌ره‌ڤ پێشڤه‌چوونه‌كا سیستماتیك ببه‌ت و دبیت ژی یا نه‌رێنی بیت و ببیته‌ ئه‌گه‌رێ بهه‌ڤ چوون و نه‌ ئارامیێ دناڤ ملله‌تاندا. 

سیاسه‌تا سه‌ركه‌فتی ئه‌وه‌ یا كو ب شه‌فافیه‌ت به‌رنامه‌یێن كارێن گشتی مینا دارایی، نه‌فت، ئابووری، ته‌ندروستی، جڤاكی دارێژیت و ب شێوه‌كێ سیستماتیك و ژیرانه‌ به‌رهنگاری ئاسته‌نگان ببیت یێن كو گرێدای هه‌می جڤاكینه‌ و سه‌ركه‌فتیانه‌ ملله‌ت پێ بهێته‌ برێڤه‌ برن. هه‌ر سیستمه‌كێ یاسایی یێ كو بۆ برێڤه‌برنا وەلاتان دهێته‌ دانان پێتڤی یه‌ یێ روون و ئاشكرا بیت و ژلایێ هه‌ر تاكه‌كێ جڤاكیڤه‌ رێز ل شه‌رعیه‌تا بنچینه‌یی یا وی سیستمی بهێـته‌گرتن. پێگیری ب یاسا و رێسایا و یه‌كسانیا سه‌پاندنا وان لسه‌ر هه‌می ئه‌ندامێن جڤاكی بێی جیاوازیا چینایه‌تی، نیشانا پێشكه‌فتنا وەلاتان و سیاسه‌تا سه‌ركه‌فتی یه‌. ب گوتنه‌كا دی، سیاسه‌تا سه‌ركه‌فتی ب ئارمانجێن خۆ یێن دیار، گشتگیر، پایه‌دار ب به‌رنامه‌یه‌كا به‌رفراوان بۆ پاشه‌رۆژێ دیار دبیت و ده‌نگه‌ك ب ریتمه‌كا رێكوپێك ژ بلوورا وێ دهێـت و بڤی ره‌نگی رێ  لبه‌ر ملله‌تی ژی به‌رزه‌ نابیت و هه‌ر تاكه‌ك دێ زانیت ئه‌رك و مافێن وی/وێ دجڤاكیدا چنه‌. ل پرانیا ده‌وله‌تێن دیموكرات ئه‌ڤ جۆرێ سیاسه‌تێ دهێـته‌ بكار ئینان. 

سیاسه‌تا نه‌رێنی و سه‌قه‌ت ئه‌و سیاسه‌ته‌ یا كو به‌هرا پتر گرێدای به‌رژه‌وه‌ندیا تاكه‌كه‌سان بیت و مه‌ره‌م ژێ بتنێ بده‌ستڤه‌ ئینانا ئارمانجێن به‌رته‌نگێن تاكه‌كه‌سی یان حزبی بن. نه‌بوونا ئاسۆ و به‌رنامه‌ك دیار و به‌رچاڤ دسیاسه‌ته‌كێ دا نیشانێن سه‌قه‌تیا وێ سیاسه‌تێنه‌.  ئه‌و سیاسه‌تا لسه‌ر بنه‌مایێ دره‌وا  و دسه‌ردابرنا ملله‌تی دهێته‌ ئاڤاكرن، دژی بنه‌مایێن ره‌وشتی یێن سیاسه‌تمه‌دارینه‌ و خیانه‌ت كرنه‌ ب وان دروشمێن كو سیاسه‌تمه‌داری بۆ ملله‌تی بلند كرین و ئه‌ڤ جۆرێ سیاسه‌تێ بنه‌مایێ وێ هه‌رده‌م یێ لبه‌ر مه‌ترسی یا هه‌ڕفینێدا و یا دومدرێژ نابیت. گه‌له‌ك پارت و لایه‌نێن سیاسی درویشمێن ره‌نگاوره‌نگ داینه‌ ملله‌تی بتنێ ژ بۆ بده‌ستڤه‌ ئینانا هێزێ یان ده‌ستهه‌لاتێ و ئه‌نجام هه‌ر په‌شیمانی یا ملله‌تی بوویه‌، چونكو بۆ وان دیار بوویه‌ كو دبێژن، به‌س ناپێژن. گوفتار و كردار دوو په‌یڤێن هه‌ڤ دژ بووینه‌ د سیاسه‌تا واندا(Talks the talk, but does not walk the walk). هه‌ر وه‌سا هه‌رده‌مێ د سیاسه‌تێ دا هێزا خورتیێ جهێ هێزا یاسایێ گرت دێ ئه‌نجام بهه‌ڤچوونا ملله‌تان، به‌ر به‌لاڤ بوونا دیاردا دزی و گه‌نده‌ڵیێ د ناڤ ئورگانێت حكومی و حزبی دا، نه‌یه‌كسانی و نه‌بوونا دادپه‌روه‌ریێ  و به‌رزه‌بوونا رێكێن درست لبه‌ر ملله‌تی بیت. 

ل هه‌رێما كوردستانێ ژی سیاسه‌ت ژ لایێ هنده‌ك پارت و لایه‌نانڤه  بتنێ ‌ یا بوویه‌ ئامیره‌ك بۆ دسه‌ردابرنا ملله‌تی و هه‌ر جارێ ب ره‌نگه‌ك و درویشمه‌كێ بێ بنه‌ما و ب مه‌ره‌ما تێكدانا ئیرادا ملله‌تی سازێ لێ دده‌ن. ده‌ست دانانه‌ سه‌ر برینێن ملله‌تی و بكارئینانا حه‌زێن ملله‌تی و ئه‌و كێماسی یێن دناڤ جڤاكیدا هه‌نه‌ ژ بۆ ئارمانجێن نه‌دیار ژ خرابترین و كێم بهاترین ره‌فتارێن سیاسینه‌ كو  مخابن هنده‌ك پارت و لایه‌نێن سیاسی  ل هه‌رێمێ بكار دئینن. جار دێ گهوڕن، به‌لێ پا گهوڕین ب تنێ د زێده‌تر كرنا ده‌ستهه‌لاتا خۆدا كرن. جار دێ روخینین، به‌لێ پا ب تنێ هزرا ملله‌تی و ده‌رونێ ملله‌تی یێ روخاندی. چه‌ند ساله‌ ب گه‌رمی بلوورا "دێ چاكسازیێ كه‌ین و گه‌نده‌ڵی و نادادپه‌روه‌ریێ ناهێلین" لێ دده‌ن  و نها دژبه‌رێن سه‌ره‌كینه‌ بۆ جێبه‌جێ كرنا یاسایا چاكسازیێ. د ده‌مه‌كێ دیدا ب بلوورا "یاسا د ووڵاتێ مه‌ دا نینه‌ و دێ كار ژ بۆ سه‌روه‌ری یا یاسایێ كه‌ین" ملله‌ت راكره‌ ره‌قاسێ، به‌لێ پا ده‌مێ یاسا ژوان بخو دگریت، دبنه‌ پێشلكارێن سه‌ره‌كیێن یاسایێ. بنپێكرنا یاسایێ ژ لایێ سه‌روكا په‌رله‌مانی ڤه‌ كو بلندترین ده‌ستهه‌ڵاتا یاسادانانێ و چاڤدێری كرنا كار و ئه‌دائا حكومه‌تێ یه‌، نموونه‌كا به‌رچاڤ و ئاشكرایه‌ ژ بۆ ڤێ چه‌ندێ.  ل شوونا سه‌روه‌ر كرنا یاسایێ و سه‌پاندنا هێزا یاسایی ژ بۆ ئاڤاكرنا رێڤه‌به‌ریه‌كا شارستانی، مودێرن و سیستماتیك ل وڵاتی، هێزا خورتیا نه‌یاسایی  بكار دئینن بتنێ ژ بۆ ئارمانجێن وان لبن دروشمێن خۆ یێن ره‌نگاوره‌نگڤه ڤه‌شارتین‌. ڤان جۆره‌ پارت و لایه‌نان ب لێدانا چه‌ند جۆرێن بلوورێن تێكه‌ل و پێكه‌ل و بێ ریتم و بنه‌ما لبه‌ر خه‌لكی به‌رزه‌ كریه‌ كا ب ده‌نگێ كیژ ئاوازا وان بره‌قسن.  

 




دوایین هەواڵەکان

سبه‌ى پەرلەمان لەگەڵ دەزگای ھەڵبژاردنی لایەنە سیاسییەکان کۆ دەبێتەوە

WEDNESDAY, 27 JANUARY 2021 19:01:59

هه‌ولێر-KDP.info- سەرۆکی لیژنەی ناوچە کوردستانییەکانی ده‌ره‌وه‌ى ئیداره‌ى هه‌رێم له‌ په‌رله‌مانى كوردستان دەڵێت، ''وه‌كو ده‌ستپێشخه‌رییه‌كى نیشتمانى و نه‌ته‌وه‌یى بۆ یه‌كده‌نگیى كورد له‌ هه‌ڵبژاردنى ئه‌نجومه‌نى نوێنه‌رانى عێراق، ده‌زگاى هه‌ڵبژاردنى هه‌موو حیزبه‌كانمان بانگهێشت كردووه‌ له‌سه‌ر ئاستى به‌رپرسى یه‌كه‌مى ده‌زگا بۆ ئه‌وه‌ى سبه‌ى پێنجشه‌ممه‌ له‌ په‌رله‌مان كۆ بینه‌وە."

 

پەیامی پیرۆزبایی سەرۆکی هەرێمی کوردستان بەبونەی جەژنی (قەوڵتاس)

WEDNESDAY, 27 JANUARY 2021 18:01:25

جه‌ژنی قه‌ولتاس له‌ ته‌واوی خوشک و برایانی یٔازیزی کاکه‌یی له‌ کوردستان و له‌ هه‌ر کوێیه‌کی‌ جیهان بن، به‌ گه‌رمی پیرۆز ده‌که‌م.

 
پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی سێ شەوەی یاران (قەوڵتاس)

WEDNESDAY, 27 JANUARY 2021 18:01:35

بەبۆنەی جەژنی سێ شەوەی یاران ( قەوڵتاس)، پیرۆزباییەکی گەرم لە خوشک و برایانی کاکەیی و سەرجەم یارسانەکان لە هەرێمی کوردستان و جیهان دەکەم . هیوادارم یٔەم جەژنە ، ببێتە مایەی خێر و خۆشی و یٔاسوودەیی و کۆتاییهاتنی نەهامەتییەکان و بەهێزبوونی تەبایی و یەکڕیزی نێوان سەرجەم پێکهاتەکانی گەلی کوردستان.

 
فەرماندەیەک: پێشمەرگە باڵانسی شەڕی کۆبانیی گۆڕی و گەورەترین سەرکەوتنی تۆمار کرد

WEDNESDAY, 27 JANUARY 2021 17:01:10

ھەولێر-KDP. info-  شەش ساڵ بەسەر ئازاکردنی شاری کۆبانیی ڕۆژئاوای کوردستاندا تێ دەپەڕێت و فەرماندەیەکی بەشدار لە شەڕەکانی کۆبانیدا دەڵێت، بەسەر چەندین ئاستەنگدا تێ پەڕین و پێشمەرگە توانی باڵانسی شەڕ لە کۆبانی بگۆڕێت.

 

" ٣٥٠ خانوو ڕادەستی خانەوادەی شەھیدانی چەمچەماڵ کران"

WEDNESDAY, 27 JANUARY 2021 17:01:32

چەمچەماڵ-KDP.info- لەسەر فەرمانی سەرۆک بارزانی خانوو بۆ خانەوادەی شەھیدانی قەزای چەمچەماڵ دروست کراوە و بەرپرسێکی پارتییش دەڵێت، تەنیا لە سنووری چەمچەماڵ ئەمڕۆ ٣٥٠ خانوو ڕادەستی خانەوادەی سەربەرزی شەھیدان کرا.

 


 
© 2020 Kurdistan Democratic Party, KDP

Contact