Kurdî  ■  كوردی  ■  عربي
SAT, 11 JUL 2020 04:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"بەرزبوونەوەی نرخی نەوت ئاماژەیەكی دلخۆشكەرە بۆ زیاتربوونی داهاتی كوردستان"
| KDP.info


هەولێر- KDP.info-  ڕاوێژكاری نووسینگەی سەرۆكی حكوومەت بۆ كاروباری وزە لەبارەی بەرزبوونەوەی نرخی نەوت و دانانی وەزیری تازەی نەوت لە عێراق و هەمەچەشنكردنی داهاتی هەرێمی كوردستان، بۆ ماڵپەڕی فەرمیی پارتی دیموكراتی كوردستان گوتی، بەرزبوونەوەی نرخی نەوت بۆ سەرووی 40 دۆلار ئاماژەیەكی دڵخۆشكەرە بۆ زیاتربوونی داهاتی هەرێمی كوردستان و باشتربوونی ڕەوەشەكە.

دكتۆر بێوار خنسی بە ماڵپەڕی فەرمیی پارتی دیموكراتی كوردستانی ڕاگەیاند: ''بەهۆی پابەندبوونی وڵاتانی بەرهەمهێنی نەوت بە ڕێككەوتنامەی ئۆپێك پڵەس، نرخی نەوت ئێستا بە 42 دۆلار مامەڵەی پێوە دەكرێت و ئەمڕۆش كۆبوونەوەی وڵاتانی ئۆپێك و دەرەوەی ئۆپێك بە سەركردایەتیی ڕووسیا بەڕێوە دەچێت لەسەر سنوورداركردن و كەمكردنەوەی بەرهەمهێنانی بڕی 10 ملیۆن بەرمیل نەوت لە ڕۆژێكدا و درێژكردنەوەی ڕێکكەوتنامەی ئۆپێك پڵەس، ئەمە وا دەكات هاوسەنگی لە نێوان خواست و خستنە بازاڕ بێتە كایەوە و نرخی نەوت هێشتا بەرزتر ببێتەوە، ئەمەش بۆ وڵاتانی بەرهەمهێنی نەوت بەگشتی و عێراق و هەرێمی كوردستان بەتایبەتی دەبێتە قۆناغێكی تازە بۆ زیاتربوونی داهات و باشتربوونی ئابووریەكەیان، بۆیە هیوادارین بەشداربووانی كۆبوونەوەی ئۆپێك پڵەس ئەم بڕیارە بدەن و هاوسەنگی بۆ بازاڕی نەوت بگەڕێـتەوە."

دەشڵێت: ''دانانی وەزیری نەوتی عێراق كاریگەریی دەبێت لەسەر پەیوەندییە نەوتییەكانی نێوان هەرێمی كوردستان و عێراق، هیوادارین لەسەر ئەم سێكتەرە بەروەپێشچوونی باش بێتە پێشەوە لە گفتوگۆكانی داهاتوودا كە سەقامگیریی ئابووری بەدوای خۆیدا دەهێنێت."

بێوار خنسی دەشڵێت: "بەرزبوونەوەی داهاتی نەوتی عێراق وا دەكات حكوومەتی عێراق زووتر شایستە داراییەكانی هەرێمی كوردستان بنێرێت و باشتریش پابەندی ڕێككەوتنەكان بێت، بۆیە بەگشتی بەرزبوونەوەی نرخی نەوت لە بەرژەوەندیی هەرێمی كوردستان و گوزەرانی هاووڵاتییاندایە، بەڵام لەگەڵ ئەوەشدا دەبێ ئێمە وەك حكوومەتی هەرێم سەرچاوە داراییەكانمان هەمەچەشن بكەین، لە نەوت و گەشتوگوزار و بازرگانی و داهاتی ناوخۆیی و هەموو سێكتەرەكانی دیكە بۆ ئەوەی لە كاتی دابەزینی نرخی نەوتدا تووشی كورتهێنانی زۆر نەبین."

ھێدی کاکەیی

 




دوایین هەواڵەکان

"شەش‌ھەزار خانووی زێدەڕۆ لە دھۆک تاپۆ دەکرێن"

THURSDAY, 09 JULY 2020 18:07:30

دهۆک-KDP.info-  بەپێی بڕیاری حکوومەتی ھەرێمی کوردستان شەش‌ھەزار خانووی زێدەڕۆ لە سەنتەری شاری دھۆک تاپۆ دەکرێن و بەرپرسێکی سەرۆکایەتیی شارەوانیی دھۆکیش دەڵێ، ڕێکاری تاپۆکردنیان تەواو بووە و چاوەڕێی ڕێنماییی حکوومەتین بۆ دەستپێکردنی پڕۆسەی تاپۆ.

 
یەکساڵ بەسەر کابینەی نۆ تێدەپەڕێت

THURSDAY, 09 JULY 2020 14:07:56

هەولێر-KDP.info-  یه‌كساڵ به‌سه‌ر كابینه‌ی نۆیه‌می حكوومه‌تی هه‌رێمی كوردستان تێده‌پەڕێت، بەگوێرەی لایەنە سەرەکییەکانی بەشدار لە کابینە، ھەریەک لە هه‌نگاوی چاكسازی و ڕوئیایی حكوومه‌ت بۆ چاره‌سه‌ری گرفته‌كانی هه‌ولێر و به‌غدا و، پرسی ڕووبه‌ڕووبوونه‌وه‌ی نه‌خۆشیی كۆرۆنا لە گرنگترین هه‌نگاوه‌كانی حكوومه‌ت بوون.

 
پەرلەمان: بە ھۆی شەڕی توركیا و پەكەكەوە ١٦٢ ھاووڵاتی لە دھۆك شەھید بوونە

THURSDAY, 09 JULY 2020 14:07:11

دهۆك-KDP.info- رۆژی ١٦ی مانگی رابردوو سوپای توركیا ئۆپەراسیۆنێكی سەربازیی دژی چەكدارانی پارتی كرێكارانی كوردستان "پەكەكە" لەنێو سنووری ھەرێمی كوردستان ئەنجام دا و بووە ھۆی زیانی گیانی و ماڵی بۆ خەڵكی ناوچەكە، ئەندامێكی لیژنەی بەدواداچوونی كێشەكانی سنووریش دەڵێ، بە ھۆی سیاسەتی پەكەكە و ھێرشەكانی توركیاوە، دەیان گوند چۆڵ كراون و نزیكەی ٢٠٠ ھاووڵاتیش بوونەتە قوربانی.

 
لیوا بەهجەت زانیاری لەسەر جێگیركردنی هێزی زێرەڤانی لە سنوورەكان ئاشكرا دەكات

THURSDAY, 09 JULY 2020 12:07:13

هەولێر-KDP.info- بەرپرسی هەواڵگریی گشتیی فەرماندەیی پێشمەرگەی زێرەڤانی، ئاماژە بە هەماهەنگیی هێزی پێشمەرگە و پاسەوانی سنوور دەكات لە سنوورەكانی كوردستان و، روونكردنەوەش لەسەر جێگیركردنی هێزی زێرەڤانی دەدات لەو سنوورانە، پێشی وایە دەبێت هێزی پێشمەرگە لە ناوچە كێشەلەسەرەكانیش رۆڵیان هەبێت.

 
ھێمن قادر: ھەولێر لە دۆخێكی مەترسیدار دایە.. لە شەممەوە بەرنامەی نوێمان دەبێت

THURSDAY, 09 JULY 2020 11:07:08

ھەولێر-KDP.info- وتەبێژی ژووری ئۆپەراسیۆنی ھەولێر رایدەگەیەنێت، دوو رۆژی دیكە بڕیار لە رێكار و رێنمایی نوێ لەبارەی خۆپارێزی لە ڤایرۆسی كۆرۆنا دەدەن.

 


 
© 2020 Kurdistan Democratic Party, KDP