Kurdî  ■  كوردی  ■  عربي
SUN, 12 JUL 2020 09:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌
| KDP.info


به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق، لیوا عه‌بدولخالق ته‌ڵعه‌ت، بۆ ماڵپه‌ڕی فه‌رمیی پارتی دیموكراتی كوردستان گوتی: "ئۆپراسیۆنێكی هاوپه‌یمانان و هێزی عێراقی له‌ هه‌موو ناوچه‌كان ده‌ستی پێ كردووه،‌ به‌تایبه‌ت له‌ ناوچه‌ حه‌مرین و ئه‌و هێڵه‌ی ده‌گاته‌ نزیك‌ ناوچه‌ی شۆرا كه‌ نزیكه‌ له‌ كه‌لار و درێژ ده‌بێته‌وه‌ تا ده‌گاته‌ مه‌خموور و به‌رده‌وامیش ده‌بێت. ئه‌و ئۆپراسیۆنه‌ به ‌ئاگاداریی هێزی پێشمه‌رگه‌ ده‌بێت."

لیوا عه‌بدولخالق ته‌ڵعه‌ت گوتیشی: "هێزی پێشمه‌رگه‌ له‌و ئۆپراسیۆنه‌ به‌شدار نییه‌، چونكه‌ ناگاته‌ سنووری ئێستای پێشمەرگەی كوردستان.''

گوتیشی: "هه‌ركاتێك گه‌یشته‌ ئه‌و قۆناغه‌ هه‌ماهه‌نگی له‌ نێوان هێزی پێشمه‌رگه‌ و هێزی عێراقی ده‌بێت و ئێستا هه‌ماهه‌نگیی باش هه‌یه‌ و هێشتا نه‌گه‌یشتوونه‌ته‌ سنووره‌كانی پێشمه‌رگه‌ و تا ئێستا له مه‌خمور و قه‌ره‌چووغ ئۆپراسیۆن ده‌ستی پێ كردووه‌."

نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق ڕوونیشی كرده‌وه‌: "دوێنی له‌ كۆی 26 گورز كه‌ له ‌داعش وه‌شێندراوه‌ له‌ چیای قه‌ره‌چووغ كه‌ هێڵی ته‌ماسن له‌گه‌ڵ هێزی پێشمه‌رگه،‌ به‌وهۆیه‌وه‌ 19 داعش كوژراون و چه‌ندین مۆڵگه‌شیان خاپوور كراون و ئۆپراسیۆنه‌كه‌شی به‌رده‌وام ده‌بێت."

بڵند ئیبراهیم

 




دوایین هەواڵەکان

راگه‌یندراوێك له‌ ژووری ئۆپه‌راسیۆنی پارێزگای هه‌ولێر

SATURDAY, 11 JULY 2020 20:07:05

هەولێر-KDP.info- دوای نیوه‌ڕی ئه‌مڕۆ شه‌ممه‌ 2020.7.11، به‌سه‌رپه‌رشتی د.فرسه‌ت سۆفی پارێزگاری هه‌ولێر و به‌ ئاماده‌بوونی د.عه‌لی ڕه‌شید سه‌رۆكی ئه‌نجومه‌نی پارێزگای هه‌ولێر، ژووری ئۆپه‌راسیۆنی پارێزگای هه‌ولێر كۆبۆوه‌ و كۆبوونه‌وه‌ گه‌یشته‌ ئه‌م ده‌رنجامانه‌ی خواره‌وه‌و بۆماوه‌ی یه‌ك هه‌فته‌ ڕێكاره‌كان به‌مشێوه‌یه‌ی خواره‌وه‌ ده‌بێت:-

به‌ردی بناغه‌ی پڕۆژه‌یه‌كی ستراتێژی له‌ سلێمانی داندرا

SATURDAY, 11 JULY 2020 17:07:22

سلێمانی -KDP.info-  ئه‌مڕۆ له ‌پارێزگای سلێمانی سه‌رۆكوه‌زیرانی هەرێمی کوردستان، مه‌سروور بارزانی، به‌ ئاماده‌بوونی، جێگری سه‌رۆكی حكوومه‌ت، قوباد تاڵه‌بانی و ساسان عه‌ون، وه‌زیری شاره‌وانی و گه‌شتوگوزار و هه‌ڤاڵ ئه‌بووبه‌كر پارێزگاری سلێمانی، به‌ردی بناغه‌ی شه‌قامی 100 مه‌تری له‌ سلێمانی دانا به ‌گوژمه‌ی 400 ملیار دینار.

کارگەی تەماتەی ھەریر: سبەی دەست بە وەرگرتنی تەماتە لە جووتیاران دەکەین

SATURDAY, 11 JULY 2020 16:07:25

ھەریر-KDP.info-  بەڕێوبەری کارگەی تەماتەی ھەرێر گوتی، لە سبەیەوە دەست بە وەرگرتنی تەماتەی جووتیارانی ھەرێمی کوردستان دەکەن و ڕۆژانە ٢٠ تۆن تەماتە وەردەگرن و بەگشتی دەتوانن ١٥٠ تۆن وەرگرن و عەمباری دەکەن تا کەوتنە کاری کارگەکە کە ئامادەکاری بۆ وەگەڕخستنەوەی دەکرێت و نرخی ھەر سندووقێک تەماتەش کە لە جووتیاران وەردەگیرێت ٣ھەزار دینار دەبێت کە لە بازاڕ گرانترە وەکو پاڵپشتییەک بۆ جووتیارانی ھەرێمی کوردستان."

 
مەسرور بارزانی: پرۆژەی شەقامی 100 مەتری یەکێکە لە پرۆژە گەورەکانی حکومەت

SATURDAY, 11 JULY 2020 15:07:35

سلێمانی-KDP. info-  مەسرور بارزانی لە مەراسیمی دانانی بەردی بناغەی شەقامی 100 مەتری لە سلێمانی رایگەیاند، پرۆژەکە یەکێکە لە پرۆژە گەورەکانی حکومەت و خەڵکی سلێمانی شایەنی پرۆژەی زیاترن.

پرسه‌نامه‌ى سه‌رۆك بارزانى بۆ سه‌رۆكى وه‌قفى سوننى

SATURDAY, 11 JULY 2020 15:07:11

به‌بۆنه‌ى كۆچكردنى خاتوو غه‌یدا كمبش، ئه‌ندامى ئه‌نجوومه‌نى نوێنه‌رانى عێراق و هاوژینى دكتۆر سه‌عد كمبش سه‌رۆكى وه‌قفى سوننى، سه‌رۆك مسعود بارزانى پرسه‌نامه‌یه‌كى ئاراسته‌ى سه‌رۆكى وه‌قفی سوننى كرد، ئه‌مه‌ ده‌قه‌كه‌یه‌تى :



 
© 2020 Kurdistan Democratic Party, KDP