Kurdî  ■  كوردی  ■  عربي
SUN, 12 JUL 2020 10:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

داواكارى گشتى: هەرکەس بانگەشەی نەبوونی کۆرۆنا بکات سزادەدرێت
| KDP.info


هەولێر-KDP.info- سەرۆکایەتیی داواكارى گشتى دەڵێ، هەموو ئەو کەس و لایەنانە سزادەدرێن کە دەڵێن ڤایرۆسی کۆرۆنا نییە یان هاونیشتمانییان لە پابەندبوون بە رێکارەکانی خۆپارێزی سارد دەکەنەوە.

دادوه‌ر پشتیوان سمكۆ، گوته‌بێژى سه‌رۆكایه‌تیى داواكارى گشتى، بە ماڵپەڕی فەرمیی پارتی دیموكراتی كوردستانی ڕاگەیاند: "هەرکەسێک بەپێچەوانەی رێکارەکانی خۆپارێزی لە ڤایرۆسی کۆرۆنا قسە بکات یان بانگەشەی ئەوە بکات کە ڤایرۆسی کۆرۆنا نییە، رێکاری یاسایی بەرامبەر دەگرینەبەر.

گوتەبێژی داواکاری گشتی ئاماژەی بەوە دا: "رێکارەکان بەپێی جۆری بانگەشەکە دەبن، ئەو کەسەی چ لە رێگەی راگەیاندنەکان یان تۆڕە کۆمەڵایەتییەکان یان بە هەر رێگەیەکی دیکە هانی خەڵک بدات لە دژی بڕیارەکانی حکوومەت و رێکارەکانی خۆپارێزیی هاونیشتمانییان، بەپێی یاسا سزا دەدرێت. 

گوته‌بێژى سه‌رۆكایه‌تیى داواكارى گشتى لەبارەی سزاکانیشەوە ئەوەی خستەڕوو: "سزاکانیش چەندین جۆرن، لەوانە پێبژاردنی ماددی بە چەندین ملیۆن دینار و بەندکردنیشی بۆ ماوەی شەش مانگ تا پێنج ساڵ تێدا دەبێت".

ئەم دادوەرە داوایش لە هاونیشتمانییان دەکات هەر سەرپێچییەکیان بینی ئاگاداریان بکەنەوە، ئەوانیش رێکاری یاسایی بەرامبەر کەسی سەرپێچیکار دەگرنەبەر. 

 

سیروان سابیر




دوایین هەواڵەکان

راگه‌یندراوێك له‌ ژووری ئۆپه‌راسیۆنی پارێزگای هه‌ولێر

SATURDAY, 11 JULY 2020 20:07:05

هەولێر-KDP.info- دوای نیوه‌ڕی ئه‌مڕۆ شه‌ممه‌ 2020.7.11، به‌سه‌رپه‌رشتی د.فرسه‌ت سۆفی پارێزگاری هه‌ولێر و به‌ ئاماده‌بوونی د.عه‌لی ڕه‌شید سه‌رۆكی ئه‌نجومه‌نی پارێزگای هه‌ولێر، ژووری ئۆپه‌راسیۆنی پارێزگای هه‌ولێر كۆبۆوه‌ و كۆبوونه‌وه‌ گه‌یشته‌ ئه‌م ده‌رنجامانه‌ی خواره‌وه‌و بۆماوه‌ی یه‌ك هه‌فته‌ ڕێكاره‌كان به‌مشێوه‌یه‌ی خواره‌وه‌ ده‌بێت:-

به‌ردی بناغه‌ی پڕۆژه‌یه‌كی ستراتێژی له‌ سلێمانی داندرا

SATURDAY, 11 JULY 2020 17:07:22

سلێمانی -KDP.info-  ئه‌مڕۆ له ‌پارێزگای سلێمانی سه‌رۆكوه‌زیرانی هەرێمی کوردستان، مه‌سروور بارزانی، به‌ ئاماده‌بوونی، جێگری سه‌رۆكی حكوومه‌ت، قوباد تاڵه‌بانی و ساسان عه‌ون، وه‌زیری شاره‌وانی و گه‌شتوگوزار و هه‌ڤاڵ ئه‌بووبه‌كر پارێزگاری سلێمانی، به‌ردی بناغه‌ی شه‌قامی 100 مه‌تری له‌ سلێمانی دانا به ‌گوژمه‌ی 400 ملیار دینار.

کارگەی تەماتەی ھەریر: سبەی دەست بە وەرگرتنی تەماتە لە جووتیاران دەکەین

SATURDAY, 11 JULY 2020 16:07:25

ھەریر-KDP.info-  بەڕێوبەری کارگەی تەماتەی ھەرێر گوتی، لە سبەیەوە دەست بە وەرگرتنی تەماتەی جووتیارانی ھەرێمی کوردستان دەکەن و ڕۆژانە ٢٠ تۆن تەماتە وەردەگرن و بەگشتی دەتوانن ١٥٠ تۆن وەرگرن و عەمباری دەکەن تا کەوتنە کاری کارگەکە کە ئامادەکاری بۆ وەگەڕخستنەوەی دەکرێت و نرخی ھەر سندووقێک تەماتەش کە لە جووتیاران وەردەگیرێت ٣ھەزار دینار دەبێت کە لە بازاڕ گرانترە وەکو پاڵپشتییەک بۆ جووتیارانی ھەرێمی کوردستان."

 
مەسرور بارزانی: پرۆژەی شەقامی 100 مەتری یەکێکە لە پرۆژە گەورەکانی حکومەت

SATURDAY, 11 JULY 2020 15:07:35

سلێمانی-KDP. info-  مەسرور بارزانی لە مەراسیمی دانانی بەردی بناغەی شەقامی 100 مەتری لە سلێمانی رایگەیاند، پرۆژەکە یەکێکە لە پرۆژە گەورەکانی حکومەت و خەڵکی سلێمانی شایەنی پرۆژەی زیاترن.

پرسه‌نامه‌ى سه‌رۆك بارزانى بۆ سه‌رۆكى وه‌قفى سوننى

SATURDAY, 11 JULY 2020 15:07:11

به‌بۆنه‌ى كۆچكردنى خاتوو غه‌یدا كمبش، ئه‌ندامى ئه‌نجوومه‌نى نوێنه‌رانى عێراق و هاوژینى دكتۆر سه‌عد كمبش سه‌رۆكى وه‌قفى سوننى، سه‌رۆك مسعود بارزانى پرسه‌نامه‌یه‌كى ئاراسته‌ى سه‌رۆكى وه‌قفی سوننى كرد، ئه‌مه‌ ده‌قه‌كه‌یه‌تى :



 
© 2020 Kurdistan Democratic Party, KDP