Kurdî  ■  كوردی  ■  عربي
FRI, 26 APR 2024 21:28 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

د. ڤیان ئاکرەیی: پڕۆژەیاسای بودجەی عێراق ڕەوانەی پەرلەمان دەکرێت
| KDP.info


بەغدا - KDP.info -  بڕیارە لە ڕۆژانی داھاتوو پڕۆژەیاسای بودجەی گشتیی عێراق ڕەوانەی پەرلەمان بکرێت و سەرۆکی فراکسیۆنی پارتیش دەڵێ، گەشبینە بەوەی ھەرێم و بەغدا دەگەنە ڕێککەوتن و پشکی ھەرێمی کوردستانیش لەنێو بودجەدا دیاری دەکرێت.

د. ڤیان ئاکرەیی، سەرۆکی فراکسیۆنی پارتی لە پەرلەمانی عێراق، بە ماڵپەڕی فەرمیی پارتی دیموکراتی کوردستانی ڕاگەیاند: "بڕیارە لە ڕۆژانی داھاتوو پڕۆژەیاسای بودجەی گشتیی عێراق بێتە پەرلەمان بۆ ئەوەی دانوستانی لەسەر بکرێت و دواتر پەسەند بکرێت، ئێمەش لەگەڵ ئەوەداین بودجە بێتە ناو پەرلەمان و لەلایەن پەرلەمانەوە پەسەند بکرێت."

سەرۆکی فراکسیۆنی پارتی گوتیشی: "ئەگەر پڕۆژەیاسای بودجەی گشتیی عێراق بێتە پەرلەمان، ئەوکات مافی ھەرێمی کوردستانیش دیار دەبێت، ھەروەک پێشتر لەلایەن ھەردوو حکوومەتی ھەرێمی کوردستان  و فیدراڵەوە دانوستانی لەسەر کراوە، من گەشبینم لەسەر پرسە داراییەکان دەگەنە ڕێککەوتنی کۆتایی."

دەربارەی پشکی کورد لەنێو بودجەی عێراقدا سەرۆکی فراکسیۆنی پارتی ڕوونی کردەوە: "بەپێی ڕێککەوتنی نێوان ھەردوو حکوومەت، پشکی کورد دیاری دەکرێت، ئێمە پێمان وایە ئەگەر بودجە لە پەرلەمانەوە دیاری بکرێت و پەسەند بکرێت زۆر باشترە بۆ ھەرێمی کوردستان، چونکە ئەوکات پارەی مووچەی فەرمانبەران و بودجەی پەرەپێدانی پارێزگاکان و شایستەی جووتیاران و ھەموو ئەو پشکانە دیار دەبن."

دەربارەی سەردانی شاندی ھەرێمی کوردستان بۆ بەغدا، د. ڤیان ئاکرەیی دەڵێت: "بەر لە جەژنی ڕەمەزان سێ جار لە نێوان ھەرێمی کوردستان و بەغدا کۆبوونەوە ھەبووە، ھەنگاوی باش نراون، بەڵام نازانین کەی دەگەڕێنەوە بەغدا."

قائید میرۆ

 




دوایین هەواڵەکان

چلەی ماتەمینی تێکۆشەر و خەباتگێڕ دکتۆر جەرجیس حەسەن بەڕێوەچوو

FRIDAY, 26 APRIL 2024 01:04:37

ھەولێر-KDP.info- ڕۆژی پێنجشەممە لە شاری هەولێر بە ئامادەبوونی نوێنەری سەرۆک بارزانی چلەی ماتەمینی تێکۆشەر و خەباتگێڕ (دکتۆر جەرجیس حەسەن) بەڕێوەچوو.

 

فازڵ میرانی: پارتی به‌ سه‌رۆكایه‌تیی سه‌رۆك بارزانی دوو ئه‌ركی له‌ ئه‌ستۆدایه‌

THURSDAY, 25 APRIL 2024 21:04:43

ھەولێر-KDP.info- به‌رپرسی ده‌سته‌ی كارگێڕیی مه‌كته‌بی سیاسیی پارتی ئاماژه‌ به‌وه‌ ده‌كات، پارتی به‌ سه‌رۆكایه‌تیی سه‌رۆك بارزانی له‌م هه‌لومه‌رجەدا دوو ئه‌ركی له‌ ئه‌ستۆدایه‌، ده‌شڵێت، ده‌بێت ئه‌مڕۆ بپارێزن بۆ ئه‌وه‌ی سه‌رفرازییه‌كانی دوێنێ به‌رده‌وام بن.

 
شێروان دوبەردانی" ھەندێ لایەن لە نەینەوا دەیانەوێ زێدەڕۆیی بکەنە سەر مافەکانی کورد و پارتی"

THURSDAY, 25 APRIL 2024 20:04:44

نەینەوا -KDP.info- پەرلەمانتارێکی پارتی دەڵێت، ھەندێ لایەن لە نەینەوا دەیانەوێ  دەستوەردان لە پۆستە کارگێڕییەکانی نەیەنەوا بکەن و گۆڕانکاری لەو پۆستانە بکەن کە پشکی پارتی و کوردن..دەشڵێت، ئێمە بەرەنگاریان دەبینەوە.

 
مەکتەبی سیاسی پرسەنامەیەک ئاراستەی خانەوادەی (سەید مەحموود تاوەگۆزی) دەکات

THURSDAY, 25 APRIL 2024 19:04:31

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (سەید مەحموود سەید حسێن تاوەگۆزی) دەکات.

 
بەڕێوەبەری کوشتارگەی هەولێر"بڕیاری سەرۆکی حکوومەت کاریگەری لەسەر نرخی گۆشت دەبێت

THURSDAY, 25 APRIL 2024 17:04:26

ھەولێر-KDP.info-  بەڕێوەبەری کوشتارگەی هەولێر دەڵێت، نرخی گۆشت لە بازاڕەکانی هەرێم دادەبەزێت..دەشڵێت، بڕیاری سەرۆکی حکوومەت کاریگەری لەسەر نرخی گۆشت دەبێت.

 


 
© 2023 Kurdistan Democratic Party, KDP

Contact