Kurdî  ■  كوردی  ■  عربي
SUN, 31 MAY 2020 15:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

په‌یامى سه‌رۆكى هه‌رێمى كوردستان بۆ جه‌ژنى ڕه‌مه‌زان
| KDP.info


ھەولێر-KDP. info-  جه‌ژنى ڕه‌مه‌زان له‌ خانه‌واده‌ و كه‌سوكارى سه‌ربه‌رزى شه‌هیدان و پێشمه‌رگه‌ قاره‌مانه‌كان و له‌ ته‌واوى موسڵمانان له‌ كوردستان، عێراق و هه‌موو جیهان پیرۆز ده‌كه‌م. هیوادارم هاتنه‌وه‌ى ئه‌م جه‌ژنه‌ هانده‌رى زیاترى هه‌موومان بێت بۆ ته‌بایى، یه‌كڕیزى، لێبورده‌یى، پێكه‌وه‌ژیان و یه‌كترقبووڵكردن، له‌گه‌ڵ خۆیدا خێر و خۆشى بهێنێت و جه‌ژن و بۆنه‌كانى داهاتوومان له‌ كه‌ش و دۆخێكى باشتردا بكه‌ینه‌وه‌.

جه‌ژن له‌‌ كاتێكدا دێته‌وه‌ كه‌ هه‌رێمى كوردستانیش وه‌ك وڵاتانى ناوچه‌كه‌ و جیهان، ڕووبه‌ڕووى مه‌ترسیى بڵاوبوونه‌وه‌ و په‌ره‌سه‌ندنى زیاترى په‌تاى ڤایرۆسى كۆرۆنا و لێكه‌وته‌ هه‌مه‌لایه‌نه‌كانى بووه‌ته‌وه‌، بۆیه‌ پێویسته‌ هه‌موومان له‌ هه‌رێمى كوردستان پێكه‌وه،‌ یه‌كڕیز و ته‌با كار بكه‌ین و هاوكار و یارمه‌تیده‌ر بین بۆ ڕووبه‌ڕووبوونه‌وه‌ى ئه‌م دۆخه‌ و تێپه‌ڕاندنى سه‌ختییه‌كان. ته‌نها به‌ كارى پێكه‌وه‌یى و ته‌بایى و هاوكاریى هه‌موو لایه‌كمان، وه‌ك قه‌یرانه‌كانى پێشتر ده‌توانین ئه‌م دۆخه‌ش‌ تێپه‌ڕێنین و پێكه‌وه به‌سه‌ریاندا سه‌ركه‌وین.‌

له‌م بۆنه‌یه‌دا دووپاتى ده‌كه‌ینه‌وه‌ كه‌ سەرۆکایەتیی هەرێمى كوردستان وەک چەترێک دەبێت بۆ تەبایی و یەکگرتووییی هەموو هێز و لایەنە سیاسییەکان و پێكهاته‌كانى كوردستان و نوێنه‌رایه‌تیكردنى هاووڵاتیان بە ته‌واوى جیاوازیی ئینتیمای حزبی و سیاسی و نەتەوەیی و ئایینی و کولتوورییه‌وه‌، له‌م پێناوه‌شدا و بۆ چاره‌سه‌ركردنى كێشه‌كان و باشتركردنى ژیان و گوزه‌رانى هاووڵاتیان، له‌ كار و هه‌وڵه‌كانى به‌رده‌وام ده‌بێت.

جه‌ژنى ڕه‌مه‌زان له‌ هه‌مووان پیرۆز بێت، هیواى سه‌لامه‌تى و ته‌ندروستییه‌كى باش بۆ هه‌مووان ده‌خوازم و داوا له‌ هاووڵاتیانى خۆشه‌ویست ده‌كه‌م ڕێنمایییه‌كانى خۆپارێزى ڕه‌چاو بكه‌ن.

خواى مه‌زن كوردستان و هه‌موو لایه‌ك بپارێزێت.

نێچیرڤان بارزانى

سه‌رۆكى هه‌رێمى كوردستان

23/5/2020

 

 




دوایین هەواڵەکان

گومرگی گشتیی كوردستان: كۆرۆنا كاریگه‌ریی له‌سه‌ر جووڵه‌ی بازرگانی هه‌بووه‌

SUNDAY, 31 MAY 2020 15:05:29

هەولێر – KDP.info -  به‌ڕێوه‌به‌ری گشتیی گۆمرگی هه‌رێمی كوردستان، ده‌ڵێ قه‌یرانه‌كانی دارایی و ڤایرۆسی كۆرۆنا كاریگه‌رییان هه‌بووه‌ له‌سه‌ر جووڵه‌ی بازرگانی و، له‌گه‌ڵ باشبوونی ڕه‌وشه‌كه‌ جووڵه‌ی بازرگانی به‌ره‌و هه‌ڵكشان ده‌ڕواته‌وه‌.

 

زیرەک کەمال: ئەوەی دژی چاکسازییە دژی خۆیەتی

SUNDAY, 31 MAY 2020 14:05:05

هەولێر – KDP.info -  بڕیارە لە مانگی ٧ی ئەمساڵ پڕۆژەیاسای چاکسازی لە ھەرێمی کوردستان بکەوێتە بواری جێبەجێکردن و ڕاوێژکارێکی سەرۆکی ھەرێمی کوردستانیش پێی وایە، ھەرکەس و لایەنێک دژی پڕۆژەی چاکسازی بێت ئەوە دژی خۆیەتی.

 

سەرۆکی حکومەتی هەرێمی کوردستان سەرپەرشتی کۆبوونەوەیەکی تایبەت بە قەرز و پابەندییە داراییەکانی هەرێمی کوردستان دەکات

SUNDAY, 31 MAY 2020 14:05:10

ھەولێر-KDP. info-  ئەمڕۆ یەکشەممە 2020/5/31 مەسرور بارزانی سەرۆکی حکومەتی هەرێمی کوردستان، بە ئامادەبوونی قوباد تاڵەبانی جێگری سەرۆکی حکومەت و وەزیرە پەیوەندیدارەکان، سەرپەرشتی کۆبوونەوەیەکی تایبەت بە قەرز و پابەندییە داراییەکانی سەر حکومەتی هەرێمی کوردستان کرد. 

ئەنجوومەنی سەرکردایەتی پارێزگای ھەولێری پارتی وه‌ڵامی تویته‌كه‌ی هادی عه‌لی ده‌داته‌وه‌

SUNDAY, 31 MAY 2020 13:05:51

ئەنجوومەنی سەرکردایەتی پارێزگای ھەولێری پارتی وه‌ڵامی تویته‌كه‌ی هادی عه‌لی ده‌داته‌وه‌، ده‌ڵێت: ھەرێمی کوردستان بە شاھێدی رێکخراوی تەندروستی جیھانی، نمونەیەکی سەرکەوتووی رێکار و رێگری لە بڵاوبوونەوەی پەتای کۆڕۆنابووە لە ناوچەکەدا.

مەكتەبی سیاسیی پارتی پیرۆزبایی لە یەكێتیی نیشتمانیی كوردستان دەكات

SUNDAY, 31 MAY 2020 13:05:17

هەولێر-KDP.info- مەكتەبی سیاسیی پارتی دیموكراتی كوردستان، لە پەیامێكدا چلوپێنجەمین ساڵیادی دامەزراندنی یەكێتیی نیشتمانیی كوردستان پیرۆز دەكات، ئەمەی خوارەوە دەقی پەیامەكەیە:

 


 
© 2020 Kurdistan Democratic Party, KDP