پەیامی سەرۆك بارزانی بەبۆنەی جەژنی ڕەمەزانی پیرۆز

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

SAT, 23 MAY 2020 15:11 | KDP.info

بەناوی خودای بەخشندە و میهرەبان

بەبۆنەی هاتنی جەژنی ڕەمەزانی پیرۆزەوە گەرمترین پیرۆزبایی ئاراستەی موسڵمانانی جیهان و عێراق بە گشتی و موسڵمانانی كوردستان بە تایبەتی دەكەم. پیرۆزبایی جەژنی ڕەمەزان لە خانەوادەی سەربەرزی شەهیدان و پێشمەرگە قارەمانەكان و هەروەها كارمەندانی دەزگا ئەمنی و تەندروستییەكانی كوردستان و هەموو لایەنە پەیوەندیدارەکان دەكەم كە لە ماوەی چەند مانگی ڕابردوو لەپێناو پاراستنی سەلامەتیی هاووڵاتیان زەحمەت و شەونخونیی زۆریان بینیوە.

بەداخەوە بەهۆی پەتای كۆرۆنا و قەیرانە سیاسییەكانی عێراق و دۆخی خەراپی ئابووریی ناوخۆیی و جیهانی، هەرێمی كوردستان لە دۆخێكی ناهەموار و هەستیار و لەبەردەم تەحەددیاتی تازەدایە. جەژنی ڕەمەزانی پیرۆز بە دەرفەت دەزانم كە داوا لە لایەنە سیاسییەكانی هەرێمی كوردستان بكەم، لەپێناو ڕووبەڕووبوونەوەی تەحەدییات و تێپەڕاندنی ئەم دۆخە ناهەموارە لە ئاست بەرپرسیارێتیی نەتەوەیی و نیشتیمانیدا بن و ڕێگەی تەبایی و برایەتی و یەكڕیزی بگرنە بەر. داوا لە گشت لایەك دەكەم لەبری یەكترشكاندن و دروستكردنی گرژی و ناكۆكیی زیاتر، پێكەوە و بۆ چارەسەركردنی گرفتەكانی خەڵك و نەهێشتنی كۆسپ و تەگەرەكانی بەردەم گەلی كوردستان هاوكاری یەكتر بن. ئەوە چاوەڕوانیی خەڵكی كوردستانە لە هەموو لایەنە سیاسییەكان و هەرچی دەستكەوت و سەركەوتنی گەلی كوردستانیش هەبووە لە سایەی یەكڕیزی و هەست بە بەرپرسیارێتی لایەنەكان هاتووەتە كایەوە. لەوەیش دڵنیام كە گەلی كوردستان پشت بە خودای گەورە بە سەربەرزییەوە ناخۆشی و قەیرانەكان تێدەپەڕێنێت.

لەو بۆنە پیرۆزەدا هیوای خۆشی و بەختەوەری بۆ گشت هاووڵاتیانی خۆشەویستی كوردستان دەخوازم و ئومێدی ئەوە دەخوازم خودای گەورە ڕۆژوو و عیبادەتی هەموو موسڵمانانی قبووڵ كردبێت و ئەو جەژنە ببێتە مایە كۆتایهاتنی تیرۆر و نەخۆشی و نەهامەتییەكان و گەڕانەوەی ئارامی و ئاشتی بۆ سەرجەم مرۆڤایەتی.

مسعود بارزانی

30ـی ڕەمەزانی 1441ـی كۆچی

23ـی 5ـی 2020ـی زایینی

دوایین هەواڵەکان

خوێندنی باڵا داوای لیستی ناوی سێ یەکەمە دانه‌مه‌زراوەکانی زانكۆ و په‌یمانگاكان دەکات

FRIDAY, 10 MAY 2024 23:05:32

هه‌ولێر-KDP.info- وەزارەتی خوێندنی باڵا و توێژینەوەی زانستی بۆ جێبەجێکردنی فەرمانی سه‌رۆكی حكوومه‌تی هه‌رێمی كوردستان مەسروور بارزانی بۆ داواکردنی تەرخانکردنی دارایی لە وەزارەتی دارایی فیدراڵ بۆ دامەزراندنی سێ یەکەمە دانه‌مه‌زراوەکانی زانكۆ و په‌یمانگاكانی هه‌رێمی كوردستان، داوای لیستی ناو و زانیاریییەکان لە تۆماری زانکۆکان دەکات.

لیوا عەبدولخالق بۆ KDP: کێشەی جووتیارانی کەرکووک چارەسەر دەبێت

FRIDAY, 10 MAY 2024 22:05:47

بەغدا-KDP.info- نوێنەری حکوومەتی ھەرێمی کوردستان لە فەرماندەی ئۆپڕاسیۆنی ھاوبەشی عێراق دەڵێت، ھۆکاری کێشەکانی جووتیارانی سنووری کەرکووک سەربازین و بە سیاسی کراون، بەڵام لەسەر خەتین و چارەسەری ئەو کێشەیە دەکەین و کاتێک دیاری دەکرێت بۆ ئەوەی جووتیارانی کورد بتوانن بێ کێشە کاری دروێنەی خۆیان بکەن و ڕێگریان لێ نەکرێت.

خورماڵییەکان بۆ KDP: سوپاسی سەرۆکى هەرێم و سەرۆکى حکوومەت دەکەین

FRIDAY, 10 MAY 2024 15:05:33

خورماڵ-KDP.info- هاووڵاتیانى خورماڵ خۆشحاڵن بە واژۆکردنى مەڕسوومى سەرۆکایەتیى هەرێمى کوردستان بە هێنانەکایەى بەقەزابوونى لەلایەن سەرۆکى هەرێمى کوردستانەوە، داواکاریشن حکوومەتى هەرێمى کوردستان پڕۆژەى گرنگ بۆ بووژانەوەى زیاترى قەزاکەیان جێبەجێ بکات.

وه‌زاره‌تی پێشمه‌رگه‌ له‌ پڕۆژه‌ی هه‌ژماری مندا پێشه‌نگ بووە

FRIDAY, 10 MAY 2024 11:05:51

ھەولێر-KDP.info- وه‌زاره‌تی پێشمه‌رگه‌ رایده‌گه‌یه‌نێت، تائێستا له‌ سه‌دا 75ـی پێشمه‌رگه‌ كارتی بانكی هه‌ژماری منیان وه‌رگرتووه‌ته‌وه‌.

دكتۆر سالار عوسمان: (پایانیانی) چارەگە سەدەیەکی بۆ ئەم پڕۆژە مەزنە تەرخانکرد

THURSDAY, 09 MAY 2024 21:05:28

ھەولێر-KDP.info- ڕۆژی 8ـی 5ـی 2024 بەئامادەبوونی د. سالار عوسمان، بەرپرسی بەشی ڕۆشنبیری و ڕاگەیاندن و کەسایەتی حزبی، حکوومی، ڕۆشنبیران، نووسەر و ئەکادمیست، ڵێکوڵەران و میدیاکاران، مەراسیمی “فەرهەنگی زارەکیی موکریان شاکارێک لە مێژووی فەرهەنگنووسی کوردیدا” بەڕێوەچوو.

بێشکچی بۆ KDP: كورد دەتوانێت ململانێی زلهێزەكان بۆ بەرژەوەندیی دۆزی خۆی بقۆزێتەوە

ھەولێر-KDP.info- ئیسماعیل بێشکچی، نووسەر و بیرمەندی گەورە و دۆستی گەلی کورد كە توانا و ئەزموونی بەشێكی تەمەنی لەپێناو مافەكانی گەلی كورددا خەرج كردووە و لەو پێناوەشدا تووشی ئەشكەنجە و دەردەسەریی زۆر بووەتەوە، لە نوێترین هەڤپەیڤینیدا باسی ڕۆڵی سەرۆک بارزانی دەكات لەم دۆخەی ئێستا كوردستانی تێ كەوتووە و دەشڵێت، گرنگە کورد لە هەموو کاتێکدا و لە هەموو شوێنێکدا پێگەی کوردستانیی بوونی خۆی بپارێزێت.

سەرۆکی ھەرێمی کوردستان گەیشتە تاران

سەرۆکی ھەرێمی کوردستان گەیشتە تاران
تاران-KDP.info- نێچیرڤان بارزانی، سەرۆکی ھەرێمی کوردستان، بە سەردانێکی فەرمیی گەیشتە تاران.
نێچیرڤان بارزانی، سەرۆکی هەرێمی کوردستان گەیشتە تارانی پایتەختی ئێران و لەلایەن بەرپرسانی ئەو وڵاتەوە پێشوازی لێکرا.

پەرلەمانتارێکی ڕووسی بۆ KDP: سەرۆک بارزانی عەشقی کوردستانی لە دڵی ھەموواندا چاند

ڕووسیا-KDP.info- میشا خالدیان، پەرلەمانتاری پەرلەمانی شاری یۆرسلاڤی ڕووسیا دەڵێت، مەلا مستەفا بارزانی، قەزیەی کوردی ھێنایە بوون و، ئێستا سەرۆک مەسعوود بارزانی رابەرایەتی ئەو پرسە لە جیھان دەکات و ھەرێمی کوردستانی کردە نموونەیەکی جوان لە تەواوی جیھان دا.