Kurdî  ■  كوردی  ■  عربي
MON, 21 SEP 2020 06:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پڕۆژەی ئاوی ئیفرازی نوێ بە شێوەی تێست خرایە كارەوە
| KDP.info


هەولێر-KDP.info- بەڕێوەبەری شارەدێی كەسنەزان ڕایدەگەیەنێت، پڕۆژەی ئاوی ئیفرازی نوێ بە شێوەی تێست خرایە كارەوە و، لە ماوەی یەك هەفتەشدا ئەنجامی كارەكان بەدیار دەكەوێت.

ساهیب هاڕوون، بە ماڵپەڕی فەرمیی پارتی دیموكراتی كوردستانی ڕاگەیاند: "رۆژی سێشەممە ژمارەی ترومپاكانی پڕۆژەی ئاوی ئیفرازی نوێ كرا بە دوو ترومپا و بە شێوەی تێست خرایە كارەوە، چاوەڕێ دەكەین بۆ ئەوەی لە ماوەی یەك هەفتەدا ئەنجامی كارەكان ببینین بۆ چارەسەری كێشەی ئاو لە چەند گەڕەكێكدا".

هاڕوون دەشڵێت: "پڕۆژەكە ستراتیژییە و كێشەی ئاوی چەند گەڕەك و شارەدێیەك لە سنووری شاری هەولێر چارەسەر دەكات، بە تایبەت ئاوی كەسنەزان و قەرەبوو و قەڵای نوێ".

ئاماژەی بەوەش دا: "بۆ ئەم ناوچانە هێشتا بیری ئاو كاری پێ دەكرێت و پشتی پێ دەبەسترێت، تا ئەو كاتەی ئەنجامی ئەو تێستە دەردەچێت، كە لەسەر ئیفرازی نوێ تاقی دەكرێتەوە بۆ دابینكردنی ئاوی خاوێن بۆ كەسنەزان و چەند شوێنێكی دیكە، چونكە گرفتی پچڕانی ئاو هەیە لە سنووری قەرەبوو و كەسنەزان، بەڵام ئێستا لە هەوڵی چارەسەركردنیدان و بە تەواوبوونی پڕۆژەكەش، كێشەی كەمیی ئاو لەو ناوچانە تا رادەیەكی باش چارەسەر دەبێت". 

لای خۆیەوە، ئەندازیار ئاری محەمەد، بەڕێوەبەری ئاوی هەولێر، لەسەر هەمان پرس، بە ماڵپەری فەرمیی پارتی دیموكراتی كوردستانی ڕاگەیاند: "ئەو تاقیكردنەوەیەی لە چەند رۆژی رابردوودا لەسەر پڕۆژەی ئاوی ئیفرازی نوێ كراوە، تا ئێستا سەركەوتوو بووە و دەتوانێت هەمان بڕە ئاو دابین بكات، كە ئێمە پلانمان بۆ دانابوو، كە راستەوخۆ دوای جەژنیش تاقیكردنەوەی دووەمی لەسەر ئەنجام دەدەین، بە تایبەت بۆ گەڕەكی قەرەبوو، كە ئەگەر ئەویش سەركەوتوو بوو، ئەوا پڕۆژەكە بە تەواوكراوی دەچێتە بواری جێبەجێكردنەوە و كێشەی ئاوی ئەو گەڕەكانە بە تەواوی چارەسەر دەبێت، كە ئاویان دەكەوێتە سەر ئەم پڕۆژەیە".

 

هێدی كاكەیی ‌




دوایین هەواڵەکان

پەیامی سەرۆکی هەرێمی کوردستان له‌ یادى دامەزراندنی یەکێتیی زانایانی ئایینی ئیسلامیی کوردستاندا

MONDAY, 21 SEPTEMBER 2020 00:09:48

هەولێر-KDP.info- نێچیرڤان بارزانی سەرۆکی هەرێمی کوردستان، له‌ یادى په‌نجا ساڵه‌ى دامه‌زراندنى یەکێتیی زانایانی ئایینی ئیسلامیی کوردستاندا، پەیامێكی پیرۆزبایی ئاراستەی سەرۆک و ئەندامانی مەکتەبی تەنفیزی و ئەنجومەنی ناوەندیی یەکێتیی زانایانی ئایینی ئیسلامیی کوردستان و سەرجەم مامۆستایان و زانایانی بەڕێزی ئایینی ئیسلامیی کوردستان دەکات.

پەیامی پیرۆزبایی مەكتەبی سیاسی پارتی دیموكراتی كوردستان بۆ ساڵیادی دامەزراندنی یەكێتی زانایانی ئایینی ئیسلامی كوردستان

MONDAY, 21 SEPTEMBER 2020 00:09:00

هەولێر-KDP.info- مەكتەبی سیاسی پارتی دیموكراتی كوردستان پەیامێكی پیرۆزبایی بەبۆنەی یۆبێلی زێڕین و (50)هەمین ساڵیادی دامەزراندنی یەكێتی زانایانی ئایینی ئیسلامی كوردستان بڵاودەكاتەوە، ئەمەی خوارەوە دەقی پەیامەكەیە:

سەرۆك بارزانی پێشوازی لە كونسوڵی تازەی ئەڵمانیا لە شاری هەولێر دەكات

SUNDAY, 20 SEPTEMBER 2020 22:09:36

هەولێر-KDP.info- ڕۆژی یەكشەممە 20ـی ئەیلوولی 2020 لە سەلاحەددین سەرۆك مەسعود بارزانی پێشوازی لە كونسوڵی تازەی ئەڵمانیا لە هەولێر كرد.

لێکۆڵەرێکی میسری بۆ KDP.info: هەرێمی کوردستان ئەلقەی گرێدانی نەوت و غازە لە نێوان ئاسیا و ئەورووپا

SUNDAY, 20 SEPTEMBER 2020 17:09:39

دهۆک -KDP.info- لێکۆڵەرێکی میسری دەڵێت، هەرێمی کوردستان شوێنێکی جوگرافیاییی گرنگی هەیە و فۆکسی جیهان لەسەر هەرێمە کوردستانە، بۆیەش وڵاتانی جیهان دەیانەوێت پەیوەندییەکانیان لەگەڵ هەرێمی کوردستان پتەو و بەهێز بکەن.

 
هێمن هەورامی پێشوازی لە باڵیۆزی فلیپین لە عێراق دەکات

SUNDAY, 20 SEPTEMBER 2020 16:09:47

ھەولێر-KDP. info-  دوای نیوەڕۆی ئەمڕۆ ٢٠/٩/٢٠٢٠ هێمن هەورامی جێگری سەرۆکی پەرلەمانی کوردستان، پێشوازی لەجێنۆڕۆسۆ کاڵۆنج، باڵیۆزی فلیپین لە هەرێمی کوردستان و شاندێکی یاوەری کرد.

 



 
© 2020 Kurdistan Democratic Party, KDP

Contact