Kurdî  ■  كوردی  ■  عربي
FRI, 11 JUL 2025 10:29 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سه‌رۆكى هه‌رێمى كوردستان داكۆكى له‌ مافى پێكهاته‌كان ده‌كاته‌وه‌
| KDP.info


هەولێر-KDP.info- ئه‌مڕۆ یه‌كشه‌ممه‌، 17/5/2020 به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ نوێنه‌رانى پێكهاته‌ نه‌ته‌وه‌یى و ئایینییه‌كانى هه‌رێمى كوردستان له‌ په‌رله‌مان و حكوومه‌ت كرد.

سه‌رۆك نێچیرڤان بارزانى وێڕاى دڵنیاكردنه‌وه‌یان و نیشاندانى هه‌موو پشتیگرییه‌كى خۆى و سه‌رۆكایه‌تیى هه‌رێمى كوردستان بۆ پێكهاته‌ نه‌ته‌وه‌یى و ئایینییه‌كان، دووپاتى كرده‌وه‌ كه‌ ئه‌وان هاووڵاتیى ڕه‌سه‌نى هه‌رێمى كوردستانن و ده‌بێ ڕێز له‌ بڕیاریان بگیرێت و ئازادییان پارێزراو بێت، هه‌روه‌ها نابێت بكرێنه‌ به‌شێك له‌ ناكۆییه‌ سیاسییه‌كان، هه‌روه‌ك چۆن نابێت و قبوول ناكرێت هێرشیان بكرێته‌ سه‌ر.

له‌ كۆبوونه‌وه‌یه‌كدا، نوێنه‌رانى پێكهاته‌كان، دید و سه‌ر‌نج و ڕوانینى خۆیان بۆ دۆخى ئێستاى هه‌رێمى كوردستان خسته‌ ڕوو و باسیان له‌ ڕۆڵ و پێگه‌ى پێكهاته‌كان له‌ ژیانى سیاسى و كارگێڕیى هه‌رێمى كوردستاندا كرد، هه‌روه‌ها جه‌ختیان له‌ پاراستنى ماف و شایسته‌كانیان له‌ بوارى نوێنه‌رایه‌تیكردنیان له‌ دامه‌زراوه‌ فه‌رمییه‌كانى هه‌رێمى كوردستان و ده‌سته‌به‌ركردنى شایسته‌ و به‌ركه‌وته‌ كارگێڕییه‌كاندا كرده‌وه‌.

نوێنه‌رانى پێكهاته‌كان، وێراى دووپاتكردنه‌وه‌ى پێزانین و سوپاسگوزارییان بۆ سه‌رۆكایه‌تیى هه‌رێمى كوردستان كه‌ وه‌ك چه‌ترى كۆكۆه‌ره‌وه‌ى هه‌موو لایه‌ن و پێكهاته‌كان و له‌پێناو پێكه‌وه‌ژیان و ته‌بایى و یه‌كترقبووڵكردن له‌ هه‌رێمى كوردستان كار ده‌كات، چه‌ندین كێشه‌ و گرفتیشیان خسته‌ ڕوو كه‌ له‌ڕووى سیاسى و كارگێڕییه‌وه‌ ڕووبه‌ڕوویان ده‌بنه‌وه‌ و ئاماژه‌یان به‌ كه‌موكورتى و پێداویستیى خزمه‌تگوزارى له‌ چه‌ند ناوچه‌یه‌ك كرد و داوایا‌ن كرد سه‌رۆكایه‌تیى هه‌رێمى كوردستان له‌ به‌دواداچوون و چاره‌سه‌ركردنیاندا، هاوكار و یارمه‌تیده‌ر بێت.

لاى خۆیه‌وه‌ به‌ڕێز نێچیرڤان بارزانى، سه‌رۆكى هه‌رێمى كوردستان، جه‌ختى له‌ پاراستنى یه‌كڕیزى و ته‌بایى و پێكه‌وه‌ژیان و یه‌كترقبووڵكردن و جێگریكردنى ماف و شایسته‌كانى پێكهاته‌كان له‌ ده‌ستوورى داهاتووى هه‌رێمى كوردستاندا كرده‌وه‌ و هه‌بوونى پێكهاته‌ نه‌ته‌وه‌یى و ئاینییه‌كانى به‌ مایه‌ى شانازى و ده‌وڵه‌مه‌ندى و وێنه‌یه‌كى جوانى هه‌رێمى كوردستان له‌ قه‌ڵه‌م دا كه‌ ده‌بێ بپارێزێت و به‌رگرى لێ بكرێت.

سه‌رۆك نێچیرڤان بارزانى هه‌روه‌ها داكۆكى له‌وه‌ كرده‌وه‌ هه‌رێمى كوردستان به‌ دۆخێكدا تێده‌په‌ڕێت كه‌ ئه‌وپه‌ڕى پێویستى به‌ ئارامى و سه‌قامگیریى سیاسى و یه‌كڕیزى و ته‌بایى و كارى پێكه‌وه‌ییى هه‌موو لایه‌نه‌ سیاسییه‌كان و پێكهاته‌كان هه‌یه‌ بۆ ئه‌وه‌ى هه‌مووان پێكه‌وه‌ له‌گه‌ڵ حكوومه‌ت و دامه‌زراوه‌كانى هه‌رێمى كوردستان هاوكار بن و هه‌وڵى تێپه‌ڕاندنى سه‌ختییه‌كانى ئه‌م قۆناغه‌ بده‌ن، بۆ ئه‌م مه‌به‌سته‌ش سه‌رۆكایه‌تیى هه‌رێمى كوردستان له‌گه‌ڵ هه‌موو لایه‌ن و پێكهاته‌كان و له‌گه‌ڵ په‌رله‌مان و حكوومه‌ت، له‌ كار و هه‌وڵه‌كانى به‌رده‌وام ده‌بێت.

-

-

-




دوایین هەواڵەکان

کابینەی نۆیه‌م بۆ پاراستنی ئاسایشی ئاو هەنگاوی ستراتیژیی ناوه‌

FRIDAY, 11 JULY 2025 10:07:58

ھەولێر-KDP.info- لە ساڵی 2019 کابینەی نۆیەمی حکوومەتی هەرێمی کوردستان بە سەرۆکایەتیی مەسروور بارزانی پێکهێندرا، دوای سوێندخواردنی لە بەردەم نوێنەرانی خەڵكی کوردستان، کارنامەیەکی پڕ لە پلان و ئامانجی درێژخایه‌نى پێشکەش بە نوێنەرانی خەڵكی کوردستان کرد و ئامانجی خودی سەرۆکی حکوومەتی هەرێمی کوردستان و کابینەی نۆیەمیش، کوردستانێکی بەهێز بوو.

 
سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

 
کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین." 

 
شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان. 

 
ڕوونكردنەوەیەك لە وەزارەتی ناوخۆی حكوومەتی هەرێمی كوردستانەوە

THURSDAY, 10 JULY 2025 13:07:31

ھەولێر-KDP.info- وەزارەتی ناوخۆی هەرێمی کوردستان بڵاویکردەوە، لە ئەنجامی ناکۆکیی نێوان چەند کەسێک لە سەر کێشەی زەوی و زار، گرژی و نائارامی لە ناوچەی خەباتی سەر بە پارێزگای هەولێر دروست بوو کە بە داخەوە بووە هۆکاری زیانی گیانی و ماددی.

 


 
© 2023 Kurdistan Democratic Party, KDP

Contact