Kurdî  ■  كوردی  ■  عربي
SUN, 7 JUN 2020 02:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قه‌ده‌غه‌ی هاتوچۆ تا ئه‌مڕۆ سەعات 12ی شه‌و به‌رده‌وام ده‌بێت
| KDP.info


هه‌ولێر-KDP.info- وه‌زیری ناوخۆی حكوومه‌تی هه‌رێمی كوردستان گوتی، قه‌ده‌غه‌ی هاتوچۆ تاوه‌كو سەعات 12ی شه‌و به‌رده‌وام ده‌بێت و تا ئه‌وكاته‌ ورده‌كاری و ڕێنماییه‌كان بڵاو ده‌كه‌نه‌وه‌ و هیوادارن تا ئه‌وكاته‌ خه‌ڵك پابه‌ندی قه‌ده‌غه‌ی هاتوچۆ بن و نه‌یەنه‌ ده‌ره‌وه‌ و جه‌ختیشی كرده‌وه‌، لیژنه‌یه‌ك له‌سه‌ر پزیشكه‌كه‌ی سلێمانی پێك هێندراوه‌ و لێكۆڵینه‌وه‌ له ڕووداوه‌كه‌ ده‌كه‌ن.

ڕێبه‌ر ئه‌حمه‌د، وه‌زیری ناوخۆی حكوومه‌تی هه‌رێمی كوردستان، له‌ كۆنگره‌یه‌كی ڕۆژنامه‌وانیدا گوتی: "دوای وه‌رگرتنی پێشنیار و تێبینیی پارێزگار و ئیداره‌ سه‌ربه‌خۆكان و كۆبوونه‌وه‌ی لیژنه‌ی باڵای به‌ره‌نگاربوونه‌وه‌ی كۆرۆنا و له‌پێناو پاراستنی ئاسایشی ته‌ندروستیی  هه‌رێمی كوردستان بڕیارمان دا، قه‌ده‌غه‌ی هاتوچۆ به‌رده‌وام بێت به‌و شێوه‌یەی ئێستا تا سەعات 12ی شه‌و و هیوادارین هاووڵاتیانیش پابه‌ندی ڕێنماییه‌كان بن و له‌ ماڵه‌وه‌ بمینێنه‌وه‌."

ڕێبه‌ر ئه‌حمه‌د گوتیشی: "ده‌سه‌ڵات ده‌درێته‌ پارێزگا و ئیداره‌ سه‌ربه‌خۆكان به‌پێی ئه‌و پێشنیاره‌ی كردوویانه‌ له‌ سەعات 12ی شه‌و تا سەعات ٦ی ئێواره‌ به مه‌به‌ستی كردنه‌وه‌ی شوێنه‌ خزمه‌تگوزارییه‌كان كه‌ پێویستن بۆ هاووڵاتیان و هاتوچۆكردنی ئۆتۆمبێله‌ خزمه‌تگوزارییه‌كان به‌پێی پێویست."

ئه‌وه‌ش خراوه‌ته‌ ڕوو، قه‌ده‌غه‌ی هاتوچۆ له‌ شه‌شی ئیواره‌ تا 12ی شه‌و له ‌سه‌رتاسه‌ری هه‌رێمی كوردستان به‌ته‌واوی جێبه‌جێ ده‌كرێت و ته‌نها ڕێگه‌ ده‌درێت به‌ تیمه‌ ته‌ندروستی و ئه‌منیه‌كان و ئه‌مبولانس و ئه‌وانه‌ی له ‌ئه‌ركدان و ئاڵوگۆڕی بازرگانی به‌پێی ڕێنماییه‌كان كه‌ پێشووتر بڕیاری لێ درابوو به‌رده‌وام ده‌بێت و ئه‌م بڕیارانه‌ش له‌ سبه‌یه‌وه‌ جێبه‌جێ ده‌كرێت."

باسی له‌وه‌ش كرد: "ئه‌و هێزانه‌ی له‌ سلێمانی هێرشیان كردووەته‌ سه‌ر پزیشكێك له‌ بازگه‌یه‌ك، لیژنه‌یه‌ك پێك هێندراوه‌ و پارێزگاریش ڕاسپێردراوه‌ بۆ لێكۆڵینه‌وه‌ له‌ ڕووداوه‌كه‌."

گوتیشی: "له ‌48 سەعاتی ڕابردوودا هاووڵاتیان پابه‌ندی ڕێنماییه‌كان بوونه‌  و پێشنیاریش كراوه‌ به‌پێی سەعاته‌كان هاتوچۆ هه‌بێت و ڕۆژانه‌ چه‌ند سەعاتێك سێكته‌ره‌كان كار ده‌كه‌ن و پێویسته‌ ده‌ستكێش و ده‌مامك له‌ شوێنه‌كانی كاركردن به‌كار بهێندرێن بۆ ئه‌وه‌ی ئه‌گه‌ر به‌ركه‌وتنیش هه‌بێت زیانی كه‌متر بێت."

ئاماژه‌ی به‌وه‌ش كرد: "ئه‌و خێزانه‌ی له‌ گه‌ڕه‌كی كارێزان كه ‌بوونه‌ هۆی ئه‌وه‌ی 67 كه‌س تووشی كۆرۆنا بن، پێویسته‌ له‌ ڕێگه‌ی دادگاوه‌ سزای خۆیان وه‌ربگرن، ئه‌مه‌ش دوای ئه‌وه‌ی چاك ده‌بنه‌وه.‌"

وه‌زیری ناوخۆ ئاماژه‌یشی دا: "داوا لە هاونیشتمانیان دەکه‌ین کەلوپەل لە خۆیان گران نەکەن و شت تەنها بەشی خۆیان بکڕن، تاوەکو شەش مانگی دیکەش کێشەی خۆراک و کەلوپەلمان نابێت و سبەینێ کە هەڵدەستن ژیان ئاساییە و قەرەباڵخی دروست مەکەن".

بڵند ئیبراهیم




دوایین هەواڵەکان

راگەیەندراوێک له‌ گوته‌بێژی حكومه‌تی هه‌رێمی كوردستان

SATURDAY, 06 JUNE 2020 22:06:18

هەولێر- KDP.info- رۆژی یه‌كشه‌ممه‌ ٧ حوزه‌یرانی ٢٠٢٠، ده‌وامی فه‌رمی له‌ داموده‌زگا‌كانی هه‌رێمی كوردستان به‌ میكانیزمی پابه‌ندبوون بە رێنماییه‌ ته‌ندروستییه‌كانی به‌ره‌نگاربوونه‌وه‌ی ڤایرۆسی كۆرۆنا ده‌ستپێده‌كاته‌وه‌.

"ئەمڕۆ نەخۆشخانەیەكی دیكەی تایبەت بە کۆرۆنا لە دھۆک دەکرێتەوە"

SATURDAY, 06 JUNE 2020 17:06:15

دهۆک – KDP.info-  ئەمڕۆ نەخۆشخانەی لالاڤی تایبەت بە کۆرۆنا لە شاری دھۆک دەکرێتەوە و گوتەبێژی تەندروستیی دھۆکیش دەڵێ، لە دھۆک سێ نەخۆشخانە تایبەتن بە چارەسەری ڤایرۆسی کۆرۆنا و ڕەوشێ سێ نەخۆشیش ناجێگیرە.

 

"بەرزبوونەوەی نرخی نەوت ئاماژەیەكی دلخۆشكەرە بۆ زیاتربوونی داهاتی كوردستان"

SATURDAY, 06 JUNE 2020 17:06:28

هەولێر- KDP.info-  ڕاوێژكاری نووسینگەی سەرۆكی حكوومەت بۆ كاروباری وزە لەبارەی بەرزبوونەوەی نرخی نەوت و دانانی وەزیری تازەی نەوت لە عێراق و هەمەچەشنكردنی داهاتی هەرێمی كوردستان، بۆ ماڵپەڕی فەرمیی پارتی دیموكراتی كوردستان گوتی، بەرزبوونەوەی نرخی نەوت بۆ سەرووی 40 دۆلار ئاماژەیەكی دڵخۆشكەرە بۆ زیاتربوونی داهاتی هەرێمی كوردستان و باشتربوونی ڕەوەشەكە.

 

"کاکەییەکان ئاینێک لەبەردەم مەترسیی هەڕەشەدا"

SATURDAY, 06 JUNE 2020 16:06:15

مووسڵ- KDP.info-  جگە لە هەرێمی کوردستان، لە تەواوی خاکی عێراقدا بستێک نییە ببێ بە شوێن و پەناگەیەکی ئارام بۆ ئایینێکی کۆن و ڕەسەن.

 

فوئاد حوسێن بە وەزیری دەرەوەی عێراق ھەڵبژێردرا

SATURDAY, 06 JUNE 2020 15:06:02

بەغدا-KDP. info-  ئەنجومەنی نوێنەرانی عێراق دەنگی بە بەربژێری ھەرێمی کوردستان د.فوئاد حوسێن بۆ وەزیری دەرەوەی عێراقی فیدڕاڵ دا.



 
© 2020 Kurdistan Democratic Party, KDP