Kurdî  ■  كوردی  ■  عربي
SUN, 7 JUN 2020 03:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شنگال لە پارەی کەرتی تەندروستیی مووسڵ بێبەش کراوە
| KDP.info


شنگال-kdp.INFO- له‌ مووسڵ حکوومەت شه‌ش ملیار دیناری بۆ كه‌رتی ته‌ندروستی ته‌رخان كردووه‌ و له‌و پاره‌یه‌ یه‌ك دینار بەشی شنگال نه‌دراوه‌  و، ڕێكخراوێكی بیانی له‌سه‌ر ئه‌ركی خۆی سێ نه‌خۆشخانە بۆ به‌ره‌نگاربوونه‌وه‌ی نه‌خۆشیی كۆرۆنا لە شنگال دروست ده‌كات.

مه‌حما خه‌لیل، قایمقامی قه‌زای شنگال، بۆ ماڵپه‌ڕی فه‌رمیی پارتی دیموكراتی كوردستان گوتی: ''،حکوومەت له‌ مووسڵ شه‌ش ملیار دیناری بۆ كه‌رتی ته‌ندروستی ته‌رخان كردووه‌ و کاربەدەستانی مووسڵیش شنگالیان لەو پارەیە بێبه‌ش كردووه‌ و هیچ بڕه‌پاره‌یه‌كیان بۆ شنگال ته‌رخان نه‌كردووه‌، ئه‌مه‌ش جێگه‌ی نیگه‌رانییه‌ و ناڕه‌زایه‌تیمان ده‌ربڕیوه‌ و پێویسته‌ به‌شی شنگالیش بدرێت."

مه‌حما خه‌لیل گوتیشی: ''ڕێكخراوێكی بیانی بڕیاره‌ له‌ شنگال به ‌كه‌ره‌ڤانه‌ سێ نه‌خۆشخانه‌ دروست بكات، له‌ شنگال و سنوونێ به ‌بڕی 30ملیۆن دینار، بۆ ئه‌وه‌ی ئاماده‌ بن بۆ به‌رنگاربوونه‌وه‌ی نه‌خۆشیی كۆرۆنا، بۆیه‌ ئاماده‌یییان ده‌ربڕیووه‌ و ئه‌و نه‌خۆشخانانه‌ دروست ده‌كه‌ن، چونكه‌ ئێمه‌ توانای دروستكردنی نه‌خۆشخانه‌مان نییه‌."

سه‌رۆكی پێشووی ئه‌نجومه‌نی قه‌زای شنگال، وه‌یس نایف، بۆ ماڵپه‌ڕی فه‌رمیی پارتی دیموكراتی كوردستان گوتی: "زوڵمێكی گه‌وره‌ له‌ شنگال ده‌كرێت و نایانه‌وێت به ‌هیچ شێوه‌یه‌ك شنگال ئاوه‌دان بكرێته‌وه‌ و له ‌ساڵی 2017ــەوە شنگال بێ حکوومەتی شه‌رعییه‌ و ‌ئێستا شنگال دوو حکوومەتی هه‌یه؛‌ شه‌رعی و ناشه‌رعی. ڕێگا به ‌ناشه‌رعییه‌كه‌ ده‌ده‌ن كار بكات و ڕێگری له‌ حکوومەتی شه‌رعی ده‌گرن، بۆیه‌ به ‌هه‌مووان دژایەتیی شنگال ده‌كه‌ن."

وه‌یس نایف گوتیشی: "ئه‌و بودجه‌یەی بۆ شنگالیش ته‌رخان ده‌كرێت مانگانه‌ ته‌نها 20%ی سه‌رف ده‌كرێت و ئه‌وه‌ی دیكەی هه‌مووی به ‌گه‌نده‌ڵی سه‌رف ده‌كرێت، بۆیه‌ تا شنگال به‌و جۆره‌ بێت، خراپتر ده‌بێت و باشتر نابێت و مه‌ترسیی گه‌وره‌ له‌ شنگال هه‌یه‌."

لەسەدا ٧٠ی خه‌ڵكی شنگال له‌ كه‌مپه‌كانی هه‌رێمی كوردستاندان و ئەوانەی  له ‌شنگالیشن هیچ خزمه‌تگوزارییه‌كیان پێشكه‌ش ناكرێت و له ‌دۆخێكی زۆر خراپدا ده‌ژین و حکوومەتیش هیچ هاوكاریان ناكات."

بڵند ئیبراهیم




دوایین هەواڵەکان

راگەیەندراوێک له‌ گوته‌بێژی حكومه‌تی هه‌رێمی كوردستان

SATURDAY, 06 JUNE 2020 22:06:18

هەولێر- KDP.info- رۆژی یه‌كشه‌ممه‌ ٧ حوزه‌یرانی ٢٠٢٠، ده‌وامی فه‌رمی له‌ داموده‌زگا‌كانی هه‌رێمی كوردستان به‌ میكانیزمی پابه‌ندبوون بە رێنماییه‌ ته‌ندروستییه‌كانی به‌ره‌نگاربوونه‌وه‌ی ڤایرۆسی كۆرۆنا ده‌ستپێده‌كاته‌وه‌.

"ئەمڕۆ نەخۆشخانەیەكی دیكەی تایبەت بە کۆرۆنا لە دھۆک دەکرێتەوە"

SATURDAY, 06 JUNE 2020 17:06:15

دهۆک – KDP.info-  ئەمڕۆ نەخۆشخانەی لالاڤی تایبەت بە کۆرۆنا لە شاری دھۆک دەکرێتەوە و گوتەبێژی تەندروستیی دھۆکیش دەڵێ، لە دھۆک سێ نەخۆشخانە تایبەتن بە چارەسەری ڤایرۆسی کۆرۆنا و ڕەوشێ سێ نەخۆشیش ناجێگیرە.

 

"بەرزبوونەوەی نرخی نەوت ئاماژەیەكی دلخۆشكەرە بۆ زیاتربوونی داهاتی كوردستان"

SATURDAY, 06 JUNE 2020 17:06:28

هەولێر- KDP.info-  ڕاوێژكاری نووسینگەی سەرۆكی حكوومەت بۆ كاروباری وزە لەبارەی بەرزبوونەوەی نرخی نەوت و دانانی وەزیری تازەی نەوت لە عێراق و هەمەچەشنكردنی داهاتی هەرێمی كوردستان، بۆ ماڵپەڕی فەرمیی پارتی دیموكراتی كوردستان گوتی، بەرزبوونەوەی نرخی نەوت بۆ سەرووی 40 دۆلار ئاماژەیەكی دڵخۆشكەرە بۆ زیاتربوونی داهاتی هەرێمی كوردستان و باشتربوونی ڕەوەشەكە.

 

"کاکەییەکان ئاینێک لەبەردەم مەترسیی هەڕەشەدا"

SATURDAY, 06 JUNE 2020 16:06:15

مووسڵ- KDP.info-  جگە لە هەرێمی کوردستان، لە تەواوی خاکی عێراقدا بستێک نییە ببێ بە شوێن و پەناگەیەکی ئارام بۆ ئایینێکی کۆن و ڕەسەن.

 

فوئاد حوسێن بە وەزیری دەرەوەی عێراق ھەڵبژێردرا

SATURDAY, 06 JUNE 2020 15:06:02

بەغدا-KDP. info-  ئەنجومەنی نوێنەرانی عێراق دەنگی بە بەربژێری ھەرێمی کوردستان د.فوئاد حوسێن بۆ وەزیری دەرەوەی عێراقی فیدڕاڵ دا.



 
© 2020 Kurdistan Democratic Party, KDP