Kurdî  ■  كوردی  ■  عربي
WED, 27 JAN 2021 22:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چاكبوویەکی كۆڕۆنا: حکوومەت بە دڵسۆزی چارەسەری کردین
| KDP.info


هه‌ڵه‌بجه‌ - KDP.info - حكوومه‌تی هه‌رێمی كوردستان له‌ ڕێگه‌ی وه‌زاره‌تی ته‌ندروستییەوە ته‌واوی هه‌وڵه‌كانی خۆی خستووه‌ته‌ گه‌ڕ بۆ كۆنتڕۆڵكردنی ڤایرۆسی كۆرۆنا و چاره‌سه‌ركردنی ئه‌و كه‌سانه‌ی هه‌ڵگری ڤایرۆسه‌كه‌ن، چاكەوەبوویەكی ڤایرۆسی كۆرۆنا ده‌ڵێ، حكوومه‌ت به‌ دڵسۆزییه‌وه‌ كار ده‌كات بۆ چاره‌سه‌ركردنی نه‌خۆشانی كۆرۆنا.

تاریق ئه‌حمه‌د، چاكەوەبووی كۆرۆنا، خه‌ڵكی شارۆچكه‌ی ته‌وێڵه‌، بە ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "له‌ پاش ئه‌وه‌ی له‌ وڵاتی ئێرانه‌وه‌ ده‌گه‌ڕێته‌وه‌ ماوه‌ی 14 ڕۆژ كه‌ره‌نتین ده‌كرێت، پاشان ده‌نێردرێته‌وه‌ بۆ ماڵه‌وه‌، به‌ڵام پاش چه‌ند ڕۆژێك له‌ نه‌خۆشخانه‌وه‌ ئاگادار ده‌كرێته‌وه‌ و داوای لێ ده‌كرێت بگه‌ڕێته‌وه‌ بۆ نه‌خۆشخانه‌ی كۆرۆنا له‌ سلێمانی، پاش پشكنین بۆی ده‌رده‌كه‌وێت، هه‌ڵگری كۆرۆنایه و‌ ده‌خرێته‌ ژێرچاودێریی وردی پزیشكی و چاره‌سه‌ری بۆ ده‌كرێت".

تاریق ئه‌حمه‌د گوتیشی: "له‌ ماوه‌ی مانه‌وه‌م له‌ نه‌خۆشخانه‌ هه‌ستم به‌ ئازار و كۆكه‌ و تا و ته‌نگه‌نه‌فه‌سی نه‌كرد، به‌ڵام له‌ نه‌خۆشخانه‌كه‌ له‌و ژووره‌ی منی تێدا بووم، هاوڕێیەكم له‌گه‌ڵ بوو، ته‌نگه‌نه‌فه‌سی و كۆكه‌ و تای له‌گه‌ڵ بوو، پزیشك و كارمه‌ندانی ته‌ندروستی زۆر به‌چڕی چاودێرییان ده‌كردین و هه‌وڵی چاره‌سه‌كردنیان ده‌داین".

تاریق ده‌ڵێ: "ئه‌وانه‌ی له‌گه‌ڵ من له ‌ماڵه‌وه‌ به‌ركه‌وته‌ بوون، پشكنینیان بۆ كرا، سوپاس بۆ خوا هیچ كه‌س له‌ ماڵه‌وه‌ تووشی ڤایرۆسی كۆرۆنا نه‌بوون، كه‌ له‌گه‌ڵم هه‌ڵسوكه‌وتیان بوو."

ناوبراو گوتیشی: "ئیراده‌ی هه‌ڵگرانی ڤایرۆسی كۆرۆنا له‌ كوردستان و هاووڵاتیانی كوردستان به‌گشتی به‌رامبه‌ر كۆرۆنا زۆر به‌رزه‌، ئه‌وه‌ش وا ده‌كات نه‌خۆشییه‌كه‌ نه‌توانێت كاریگه‌ریی گه‌وره‌ بكاته‌ سه‌ر نه‌خۆشه‌كان".

ئاماژه‌ی به‌وه‌ش كرد: "حكوومه‌تی هه‌رێمی كوردستان و كه‌رتی ته‌ندروستی و كارمه‌ند و پزیشكانی سلێمانی، زۆر به‌ده‌م نه‌خۆشانی هه‌ڵگری ڤایرۆسی كۆرۆناوه‌ن، ته‌واوی هه‌وڵه‌ ته‌ندروستییه‌كانی خۆیان ده‌خه‌نه‌ گه‌ڕ بۆ چاره‌سه‌ری هه‌ڵگرانی ڤایرۆسی كۆرۆنا، حكوومه‌تی هه‌رێم توانی زۆر زوو هه‌وڵه‌كانی بخاته‌گه‌ڕ بۆ كۆنتڕۆڵكردنی هه‌ڵگرانی ڤایرۆسی كۆرۆنا و ته‌شه‌نه‌نه‌كردنی، تا ڕاده‌یه‌كی زۆر باشیش هاووڵاتیان بۆ خۆپاراستن پابه‌ندن به‌ ڕێنماییه‌كانی حكوومه‌تەوە."

له‌ هه‌رێمی كوردستان 176 كه‌س تووشی ڤایرۆسی كۆرۆنا بوون، 2 كه‌س گیانیان له‌ده‌ست داوه‌ و، 61 کەسی هه‌ڵگری ڤایرۆسی كۆرۆنا چاك بوونه‌ته‌وه‌.

عه‌زیز ڕه‌سووڵ


 




دوایین هەواڵەکان

سبه‌ى پەرلەمان لەگەڵ دەزگای ھەڵبژاردنی لایەنە سیاسییەکان کۆ دەبێتەوە

WEDNESDAY, 27 JANUARY 2021 19:01:59

هه‌ولێر-KDP.info- سەرۆکی لیژنەی ناوچە کوردستانییەکانی ده‌ره‌وه‌ى ئیداره‌ى هه‌رێم له‌ په‌رله‌مانى كوردستان دەڵێت، ''وه‌كو ده‌ستپێشخه‌رییه‌كى نیشتمانى و نه‌ته‌وه‌یى بۆ یه‌كده‌نگیى كورد له‌ هه‌ڵبژاردنى ئه‌نجومه‌نى نوێنه‌رانى عێراق، ده‌زگاى هه‌ڵبژاردنى هه‌موو حیزبه‌كانمان بانگهێشت كردووه‌ له‌سه‌ر ئاستى به‌رپرسى یه‌كه‌مى ده‌زگا بۆ ئه‌وه‌ى سبه‌ى پێنجشه‌ممه‌ له‌ په‌رله‌مان كۆ بینه‌وە."

 

پەیامی پیرۆزبایی سەرۆکی هەرێمی کوردستان بەبونەی جەژنی (قەوڵتاس)

WEDNESDAY, 27 JANUARY 2021 18:01:25

جه‌ژنی قه‌ولتاس له‌ ته‌واوی خوشک و برایانی یٔازیزی کاکه‌یی له‌ کوردستان و له‌ هه‌ر کوێیه‌کی‌ جیهان بن، به‌ گه‌رمی پیرۆز ده‌که‌م.

 
پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی سێ شەوەی یاران (قەوڵتاس)

WEDNESDAY, 27 JANUARY 2021 18:01:35

بەبۆنەی جەژنی سێ شەوەی یاران ( قەوڵتاس)، پیرۆزباییەکی گەرم لە خوشک و برایانی کاکەیی و سەرجەم یارسانەکان لە هەرێمی کوردستان و جیهان دەکەم . هیوادارم یٔەم جەژنە ، ببێتە مایەی خێر و خۆشی و یٔاسوودەیی و کۆتاییهاتنی نەهامەتییەکان و بەهێزبوونی تەبایی و یەکڕیزی نێوان سەرجەم پێکهاتەکانی گەلی کوردستان.

 
فەرماندەیەک: پێشمەرگە باڵانسی شەڕی کۆبانیی گۆڕی و گەورەترین سەرکەوتنی تۆمار کرد

WEDNESDAY, 27 JANUARY 2021 17:01:10

ھەولێر-KDP. info-  شەش ساڵ بەسەر ئازاکردنی شاری کۆبانیی ڕۆژئاوای کوردستاندا تێ دەپەڕێت و فەرماندەیەکی بەشدار لە شەڕەکانی کۆبانیدا دەڵێت، بەسەر چەندین ئاستەنگدا تێ پەڕین و پێشمەرگە توانی باڵانسی شەڕ لە کۆبانی بگۆڕێت.

 

" ٣٥٠ خانوو ڕادەستی خانەوادەی شەھیدانی چەمچەماڵ کران"

WEDNESDAY, 27 JANUARY 2021 17:01:32

چەمچەماڵ-KDP.info- لەسەر فەرمانی سەرۆک بارزانی خانوو بۆ خانەوادەی شەھیدانی قەزای چەمچەماڵ دروست کراوە و بەرپرسێکی پارتییش دەڵێت، تەنیا لە سنووری چەمچەماڵ ئەمڕۆ ٣٥٠ خانوو ڕادەستی خانەوادەی سەربەرزی شەھیدان کرا.

 


 
© 2020 Kurdistan Democratic Party, KDP

Contact