Kurdî  ■  كوردی  ■  عربي
FRI, 11 JUL 2025 10:30 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

دواین زانیاری دەربارەی شارۆچکەی خەلیفان
| KDP.info


خەلیفان -KDP.info-بەڕێوەبەری ناحیەی خەلیفان دەڵێت، ڕەوشی کەرەنتیەکردنی شارۆچکەی خەلیفان بەردەوامە و ئەمڕۆ سێیەم ڕۆژی تێپەڕاندووە و ھاووڵاتیان بە شێوەیەکی زۆر باش پابەندی ڕێنماییەکانن. ئەو سوپاسی خۆڕاگریی ھاووڵاتیان دەکات و دەربارەی مووچەخۆرانیش دەڵێت، بە ھاوکاریی گەنجینەی سۆران مووچە بە شێوەی دیلێڤەری دابەش دەکرێت.

کاروان کەریم خان گوندەژۆری، بە ماڵپەڕی فەرمیی پارتی دیموکراتی کوردستانی ڕاگەیاند: "کەرەنتینەکردنی شارۆچکەی خەلیفان لەژێر کۆنتڕۆڵدایە، خۆشبەختانە ڕێکارەکان بە شێوەیەکی چڕتر و بەوردی پەیڕەو دەکرێن، ھەوڵمان داوە بە ھەماھەنگیی حکوومەتی ھەرێمی کەردستان ھانی دەزگا خێرخوازییەکان بدەین بۆ ھاوکاریکردنی کەسانی ھەژار و کەمدەرامەت لە سنوورەکەمان."

ناوبراو دەشڵێت: "لیژنەکانی ئابووری بەردەوام چاودێریی بازاڕی خەلیفان دەکەن بۆ کۆنتڕۆڵکردنی نرخی شتومەک لە بازاڕ. تا ئێستا ھەموو نرخەکان وەک خۆیەتی و ھیچ گۆڕانکارییەکیان بەسەردا نەھاتووە. ڕۆژانەش شتومەکی پێویست بۆ بازاڕ دەھێندرێت."

ھەرێم صدیق، جێگری بەڕێوەبەری تەندروستیی سۆران، بۆ ماڵپەڕی فەرمیی پارتی دیموکراتی کوردستان گوتی: "تیمەکانی تەندروستی 24 کاتژمێر لە ئەرکدان بۆ خزمەتکردنی ھاووڵاتیان و ڕەوشی ھاووڵاتیان بەگشتی باشە و لە چەند ڕۆژی ڕابردوودا ھەموو حاڵەتە پشکنراوەکان نێگەتیڤ بوون ."

جێگری بەڕێوەبەری تەندروستیی سۆران گوتیشی: "لە ماوەی چەند ڕۆژی ڕابردوودا پشکنین بۆ 187 ھاووڵاتی کراوە، خۆشبەختانە ھەموویان نێگەتیڤ بوون. ئەمڕۆش پشکنین بۆ 99 ھاووڵاتی کراوە، سبەینێ دەرەنجامەکانی دەردەچن."

نێچیر عەبدلواحید گوانی، نوێنەری دەزگای خێرخوازیی بارزانی لە سۆران، بە ماڵپەڕی فەرمیی پارتی دیموکراتی کوردستانی ڕایگەیاند: "بە ھەماھەنگیی قایمقامی قەزای سۆران و بەڕێوەبەری ناحیەی خەلیفان، تاوتوێی بارودۆخەکەمان کردووە، کە بە چ شێوازێک کۆمەک و ھاوکاری دابەش دەکەین، تەنھا لەناو شارۆچکەی خەلیفان سەرووی 3800 خێزان نیشتەجێن، بەڵام مەرج نییە ھەموویان پێویستیان بە کۆمەک و ھاوکاری ھەبێت و چاوەڕێی داتا و زانیاری لە دەزگا پەیوەندیدارەکانی دەڤەرەکە دەکەین.''

نوێنەری دەزگای خێرخوازیی بارزانی لە سۆران ئەوەیشی خستە ڕوو: "پێویستە ھەڵسەنگاندن بۆ داتا و زانیارییەکان بکرێت، کە ئەو ھاووڵاتیانەی پێویستیان بە کۆمەک و ھاوکاریی ڕۆژانەی وەکو ئازووقەی خواردن و برنج و ڕوون و شەکر و چەندین ئازووقەی تریش هەیە چەندن، ئێستا خەریکی تاوتوێکردنی بارودۆخەکەین و دەبێ بە پڵانێکی تۆکمە و تەندروست لە ڕۆژانی داھاتوودا جێبەجێ بکرێت."

سیروان سابیر

 




دوایین هەواڵەکان

کابینەی نۆیه‌م بۆ پاراستنی ئاسایشی ئاو هەنگاوی ستراتیژیی ناوه‌

FRIDAY, 11 JULY 2025 10:07:58

ھەولێر-KDP.info- لە ساڵی 2019 کابینەی نۆیەمی حکوومەتی هەرێمی کوردستان بە سەرۆکایەتیی مەسروور بارزانی پێکهێندرا، دوای سوێندخواردنی لە بەردەم نوێنەرانی خەڵكی کوردستان، کارنامەیەکی پڕ لە پلان و ئامانجی درێژخایه‌نى پێشکەش بە نوێنەرانی خەڵكی کوردستان کرد و ئامانجی خودی سەرۆکی حکوومەتی هەرێمی کوردستان و کابینەی نۆیەمیش، کوردستانێکی بەهێز بوو.

 
سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

 
کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین." 

 
شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان. 

 
ڕوونكردنەوەیەك لە وەزارەتی ناوخۆی حكوومەتی هەرێمی كوردستانەوە

THURSDAY, 10 JULY 2025 13:07:31

ھەولێر-KDP.info- وەزارەتی ناوخۆی هەرێمی کوردستان بڵاویکردەوە، لە ئەنجامی ناکۆکیی نێوان چەند کەسێک لە سەر کێشەی زەوی و زار، گرژی و نائارامی لە ناوچەی خەباتی سەر بە پارێزگای هەولێر دروست بوو کە بە داخەوە بووە هۆکاری زیانی گیانی و ماددی.

 


 
© 2023 Kurdistan Democratic Party, KDP

Contact