Kurdî  ■  كوردی  ■  عربي
SAT, 6 JUN 2020 16:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

روونکردنەوەیەک لە گوتەبێژی حکوومەتی هەرێمی کوردستان
| KDP.info


هەولێر-KDP.info- بڵاوبوونەوەی ڤایرۆسی کۆرۆنا لە زۆربەی وڵاتانی دونیادا، کۆمەڵگای مرۆڤایەتی رووبەرووی دۆخێکی سەختی تەندروستی و ئابووری کرد و هەرێمی کوردستان بەدەر نیە لەو دۆخە نەخوازراوە.

حکوومەتی هەرێمی کوردستان لە پێناو سەلامەتی تەندروستی هاووڵاتیاندا هەموو تواناکانی لە پێناو رووبەڕووبونەوەی ئەم پەتایە خستووەتەگەڕ و هاووڵاتیان دڵنیادەکاتەوە کە پاراستنی گیانیان و دابینکردنی گوزەرانی ژیانیان لە پێشینەی ئەرکەکانیدایە. 

سەبارەت بە دابەشکردنی مووچە، وەزارەتەکانی (پێشمەرگە، تەندروستی، دارایی و ئابوری، ناوخۆ) مووچەیان وەرگرتوە و لە گوژمەی پێویست لە داهاتی هەرێم دابین کرابوو، بۆ وەزارەت و دامەزراوەکانی تر چاوەرێی هاتنی تەمویلەکەی بەغداین، هەرکاتێک گەیشت، راستەوخۆ دەست دەکەین بەدابەشکردنی مووچەی سەرجەم وەزارەت و دامەزراوەکانی تر بە میکانیزمێک کە ڕەچاوی ڕێنماییە تەندروستییەکان بکرێت.

سەرجەمی مووچەی موچەخۆران بۆ هەر مانگێک لە هەرێمی کوردستاندا بریتییە لە ٨٩٤ ملیار دینار، لەو بڕە ٤٥٣ ملیار دینار لە بەغداوە تەمویل دەکرێت، کە دەکاتە نزیکەی ٥١٪ کۆی پارەی پێویست بۆ دابەشکردنی مووچە، بەڵام بەهۆی ئەو دۆخە تەندروستیەو ڕاگیرانی دەوامەوە لەبەغدا، هاتنی ئەو تەمویلە دواکەوتووە، بۆ ئەو مەبەستە بەرێز وەزیری دارایی وئابوری حکوومەتی هەرێمی کوردستان لە پەیوەندی بەردەوامدایە لەگەڵ وەزارەتی دارایی  حکوومەتی فیدرال بۆ چارەسەرکردنی ئەو گرفتە، بۆیە ئێمە چاوەڕێین لە چەند رۆژی داهاتوودا ئەو تەمویلەمان بەدەست بگات بۆ تەواوکردنی دابەشکردنی خشتەی مووچەی سەرجەم وەزارەت و دامەزراوەکان.

حکوومەتی هەرێم بەردەوامە لە هەنگاوەکانی بۆ رووبەرووبونەوەی ئەم پەتایەو کاریگەرییەکانی لەسەر ئابووری هەرێمی کوردستان.  سوپاسی هاووڵاتیان و دانیشتووانی هەرێم دەکەین کە تاکو ئێستا بە سەبر بوونە لەگەڵمان. ئەمڕۆ رۆژی ئەوەیە هەموو تاکەکانی کۆمەڵگا هاوکاری یەکتر بین تاکو هەموو پێکەوە بەسەر مەترسیی ئەم پەتایە و کاریگەرییەکانی زاڵ ببین. بۆیە چاوەڕوانین گشت لایەنەکان واقیعیانە دۆخەکە لێکبدەنەوە و ئەم رەوشەی هاتووەتە پێش نەکرێتە کەرستەی موزایەداتی سیاسی. ئەم هەڕەشەیە تەنیا لەسەر حکوومەت یان لایەنێکی سیاسی نیە، گشتمان پێکەوە ئامانجی ئەم پەتایە و لێکەوتە نەرێنیەکانین، بۆیە پێکەوەش دەتوانین بەسەر ئەم مەترسیە زاڵ ببین.

 

د. جوتیار عادل

گوتەبێژی حکوومەتی هەرێمی کوردستان

٢٦ ئاداری ٢٠٢٠

 




دوایین هەواڵەکان

"کاکەییەکان ئاینێک لەبەردەم مەترسیی هەڕەشەدا"

SATURDAY, 06 JUNE 2020 16:06:15

مووسڵ- KDP.info-  جگە لە هەرێمی کوردستان، لە تەواوی خاکی عێراقدا بستێک نییە ببێ بە شوێن و پەناگەیەکی ئارام بۆ ئایینێکی کۆن و ڕەسەن.

 

فوئاد حوسێن بە وەزیری دەرەوەی عێراق ھەڵبژێردرا

SATURDAY, 06 JUNE 2020 15:06:02

بەغدا-KDP. info-  ئەنجومەنی نوێنەرانی عێراق دەنگی بە بەربژێری ھەرێمی کوردستان د.فوئاد حوسێن بۆ وەزیری دەرەوەی عێراقی فیدڕاڵ دا.

دیاری حوسێن: داوا كراوە پێشمەرگە ئۆپەراسیۆن دژی داعش لە كەركووك ئەنجام بدات

SATURDAY, 06 JUNE 2020 13:06:47

كەركووك-KDP.info- چەند رۆژێكە حكوومەتی عێراق ئۆپەراسیۆنێكی لە دەوروبەری كەركووك دژی چەكدارانی داعش دەست پێكردووە، بەرپرسێكی كەركووكیش ئاشكرای كرد، داوا كراوە پێشمەرگەش لەمەودوا لە ئۆپەراسیۆنەكانی دژی داعش بەشدار بێت.

 
بڕیارەكەی حكوومەت لە سبەیەوە دەچێتە بواری جێبەجێكردنەوە

SATURDAY, 06 JUNE 2020 13:06:01

هەولێر-KDP.info- دوای ئەوەی حكوومەتی هەرێمی كوردستان بڕیاری لێخۆشبوونی پانزە لە سەدی بۆ قەرزەكانی عەقاری و ئاو و كارەبا دەركرد، لە ئێستادا فەرمانگەكان ئامادەكاری دەكەن بۆ جێبەجێكردنی بڕیارەكانی ئەنجوومەنی وەزیران.

 
وەزارەتی تەندروستی راگەیەندراوێكی بڵاوكردەوە

SATURDAY, 06 JUNE 2020 13:06:14

ھەولێر-KDP.info- وەزارەتی تەندروستی ھەرێمی كوردستان راگەیەندراوێكی نوێی بڵاوكردەوە و ئاشكرای كرد، لە ماوەی 24 كاتژمێری رابردوودا 74 كەس تووشی كۆرۆنا بوون و 4 تووشبووش چاكبوونەتەوە.

 


 
© 2020 Kurdistan Democratic Party, KDP