Kurdî  ■  كوردی  ■  عربي
SAT, 6 JUN 2020 18:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

راگەیه‌ندراوی ژمارە (28)ی وەزارەتی تەندروستی
| KDP.info


هەولێر-KDP.info- وه‌زاره‌تی ته‌ندروستی حكوومه‌تی هه‌رێمی كوردستان، ئاماری 48 كاتژمێری رابردووی راگه‌یاند و ئاشكرایكرد، 18 حاڵه‌تی نوێی تووشبوو به‌ كۆرۆنا تۆمار كراوون و كۆی تووشبووان گه‌یشتووه‌ته‌ 103 حاڵه‌ت و تا ئێستا دوو حاڵه‌تی مردن تۆمار كراوون و 27 حاڵه‌تیش چاكبوونه‌ته‌وه‌.

ده‌قی راگه‌یه‌ندراوه‌كه‌

راگەیه‌ندراوی وەزارەتی تەندروستی ژمارە (28)

سەبارەت بە نەخۆشی ڤایرۆسی کۆرۆنای نوێ COVID-19 لە هەرێمی کوردستان، تیمەکانی تەندروستی بۆ دۆزینەوە و پشکنینی گومانلێکراوانی هەڵگری ئەم ڤایرۆسە رۆژانە بەردەوامن بەمەش:

1- ژمارەی هاووڵاتیان لە کەرەنتینەکان (5050) هاووڵاتی بوون لە (34) شوێنی جیاواز، لەئێستادا تەنها (1726) هاووڵاتی لە کەرەنتین ماونەتەوە (789) لە هەولێر، (308) لە سلێمانی، (524) لە دهۆك، (35) لە هەڵەبجە، (12) لە گەرمیان، (38) لە راپەرین، (20) لە کۆیە و (3324) هاووڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەرەنتین کردنی ژمارەیەکی تری 48 کاتژمێری کەرەنتین کراو کە کۆی گشتی بریتی بوو (379) هاووڵاتی.

2- لە ماوەی 48 کاتژمێری رابردوو (929) پشکنین کراوە، (648) لە شاری هەولێر، (198) لە شاری سلێمانی، (83) لە شاری دهۆك.

دەرەنجام (18) تووشبووی نوێ تۆمارکرا و بەم شێوەیەی خوارەوە:

* پارێزگای هەولێر (11) نەخۆش پۆزەتیڤ هەبوو (4) ئافرەت و (5) پیاو و  (2) منداڵ.

* پارێزگای سلێمانی (7) پۆزەتیڤ، کە (3) ئافرەت و (2) پیاو و (2) منداڵ.

3- کۆی گشتی هەڵگرانی ڤایرۆسی کۆرۆنای نوێ COVID-19 لە هەرێمی کوردستان (103) تووشبوو،  لە ناویاندا (2) مردن هەیە و (27) نەخۆش بەتەواوی چاکبووەتەوە، و ئەوانی تر هەموویان لەژێر چاودێری پزیشکی دان.

وێڕای دەستخۆشی بۆ تیمەکانی وەزارەتی ناوخۆ و تیمەکانی پزیشکی کە لە کاردان، تکا دەکەین هاووڵاتیان بە هیچ شێوەیەك نەیەنە دەرەوە لە ماڵەکانیان و پابەندبن بە رێنماییەکانی تەندروستی و بەرکەوتەی کەسی تر نەبن و لە کاتی پێویستدا پەیوەندی بکەبن بە هێڵی گەرمی ژمارە (122).

 

وەزارەتی تەندروستی

حکوومەتی هەرێمی کوردستان

26ی ئازاری 2020




دوایین هەواڵەکان

"ئەمڕۆ نەخۆشخانەیەكی دیكەی تایبەت بە کۆرۆنا لە دھۆک دەکرێتەوە"

SATURDAY, 06 JUNE 2020 17:06:15

دهۆک – KDP.info-  ئەمڕۆ نەخۆشخانەی لالاڤی تایبەت بە کۆرۆنا لە شاری دھۆک دەکرێتەوە و گوتەبێژی تەندروستیی دھۆکیش دەڵێ، لە دھۆک سێ نەخۆشخانە تایبەتن بە چارەسەری ڤایرۆسی کۆرۆنا و ڕەوشێ سێ نەخۆشیش ناجێگیرە.

 

"بەرزبوونەوەی نرخی نەوت ئاماژەیەكی دلخۆشكەرە بۆ زیاتربوونی داهاتی كوردستان"

SATURDAY, 06 JUNE 2020 17:06:28

هەولێر- KDP.info-  ڕاوێژكاری نووسینگەی سەرۆكی حكوومەت بۆ كاروباری وزە لەبارەی بەرزبوونەوەی نرخی نەوت و دانانی وەزیری تازەی نەوت لە عێراق و هەمەچەشنكردنی داهاتی هەرێمی كوردستان، بۆ ماڵپەڕی فەرمیی پارتی دیموكراتی كوردستان گوتی، بەرزبوونەوەی نرخی نەوت بۆ سەرووی 40 دۆلار ئاماژەیەكی دڵخۆشكەرە بۆ زیاتربوونی داهاتی هەرێمی كوردستان و باشتربوونی ڕەوەشەكە.

 

"کاکەییەکان ئاینێک لەبەردەم مەترسیی هەڕەشەدا"

SATURDAY, 06 JUNE 2020 16:06:15

مووسڵ- KDP.info-  جگە لە هەرێمی کوردستان، لە تەواوی خاکی عێراقدا بستێک نییە ببێ بە شوێن و پەناگەیەکی ئارام بۆ ئایینێکی کۆن و ڕەسەن.

 

فوئاد حوسێن بە وەزیری دەرەوەی عێراق ھەڵبژێردرا

SATURDAY, 06 JUNE 2020 15:06:02

بەغدا-KDP. info-  ئەنجومەنی نوێنەرانی عێراق دەنگی بە بەربژێری ھەرێمی کوردستان د.فوئاد حوسێن بۆ وەزیری دەرەوەی عێراقی فیدڕاڵ دا.

دیاری حوسێن: داوا كراوە پێشمەرگە ئۆپەراسیۆن دژی داعش لە كەركووك ئەنجام بدات

SATURDAY, 06 JUNE 2020 13:06:47

كەركووك-KDP.info- چەند رۆژێكە حكوومەتی عێراق ئۆپەراسیۆنێكی لە دەوروبەری كەركووك دژی چەكدارانی داعش دەست پێكردووە، بەرپرسێكی كەركووكیش ئاشكرای كرد، داوا كراوە پێشمەرگەش لەمەودوا لە ئۆپەراسیۆنەكانی دژی داعش بەشدار بێت.

 


 
© 2020 Kurdistan Democratic Party, KDP