Kurdî  ■  كوردی  ■  عربي
SAT, 6 JUN 2020 08:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د. بێوار خنسی: كاركردن بۆ زیادكردنی به‌رهه‌مهێنانی غازی سروشتی به‌رده‌وامه‌
| KDP.info


هه‌ولێر-KDP.info- ڕاوێژكاری پێشووی ئه‌نجومه‌نی ئاسایشی هه‌رێمی كوردستان بۆ كاروباری وزه‌ گوتی، هه‌رێمی كوردستان یه‌كێكه‌ لەو‌ هه‌رێمانەی كه‌ زۆر ده‌وڵه‌مه‌نده‌ به‌ غازی سروشتی و ئه‌گه‌ر ئەو كارەی ئێستا تێیدا ده‌كرێت، به‌رده‌وام بێت، ده‌تواندرێت له‌ هه‌موو كه‌رته‌كان سوودی لێ وه‌ربگیرێت و ڕه‌وانه‌ی ده‌ره‌وه‌ش بكرێت و له‌ دوای نەوت ببێته‌ دووه‌م سه‌رچاوه‌ی داهات بۆ هه‌رێمی كوردستان.

به‌ڕێوەبه‌ری كۆمپانیای دانه‌غاز له‌ عێراق و هه‌رێمی كوردستان باسی له‌وه‌ كردووه‌، به‌رهه‌مهێنانی غاز له‌ هه‌رێمی كوردستان كه‌می نه‌كردووه‌ و ڕۆژانه‌ 400ملیۆن مه‌تر سێجار غاز ڕه‌وانه‌ی وێستگه‌كانی كاره‌با ده‌كه‌ن و تا ساڵی 2023 ئاستی به‌رهه‌مهێنانی غاز له‌ هه‌رێم ده‌گه‌یەننه‌ یه‌ك ملیار پێ سێجا.

له‌م باره‌یه‌وه‌، ڕاوێژكاری پێشووی ئه‌نجومه‌نی ئاسایشی هه‌رێمی كوردستان بۆ كاروباری وزه‌، د. بێوار خنسی، بۆ ماڵپه‌ڕی فه‌رمیی پارتی دیموكراتی كوردستان گوتی: "له‌به‌ر ئه‌وه‌ی تا ئێستا نه‌خۆشیی كرۆنا هه‌موو جیهانی گرتووەتەوە‌ و هه‌رێمیش پێیه‌وه‌ سه‌رقاڵه‌ بۆ ئه‌وه‌ی كاریگه‌ریی زۆری نه‌بێت، كۆمپانیا بیانیه‌كان له‌ هه‌وڵدان په‌ره‌ به‌ كه‌رتی نەوت و غاز بده‌ن و نرخی نه‌وت دابه‌زیوه‌ و ئه‌گه‌ر زیاتر گرنگی به‌ كه‌رتی غاز بدرێت، ده‌توانن به‌رهه‌می زیاتر په‌یدا بكه‌ن بۆ ناوخۆ و سه‌رچاوه‌یه‌كی سه‌ره‌كیش ده‌بێت بۆ داهات و بۆ كاره‌با و بۆ ژینگه‌ش باشتره‌ و خزمه‌تێكی زۆر ده‌كات و هاوكارێكی باشی حكوومه‌ت ده‌بێت و بازرگانی زیاتر ده‌كات و كاری كۆمپانیا و كارگه‌كانی پیشەسازی زیاتر ده‌كات و كاریگه‌ریی ئیجابیی له‌سه‌ر ئابووریی هه‌رێم ده‌بێت."

د. بێوار خنسی گوتی: "ئه‌گه‌ر گرنگیی پێ بدرێت ده‌تواندرێت غاز هه‌نارده‌ی ده‌روه‌ی بكرێت و بۆ عێراقیش دابین بكرێت، بۆیه‌ داهات له ‌هه‌موو ڕوویه‌كه‌وه‌ زیاد ده‌كات و گرنگی بۆ هه‌موو كه‌رته‌كان ده‌بێت وه‌كو كاره‌با و چاندن و پیشه‌سازیش."

د. خنسی گوتیشی: "هه‌رێمی كوردستان یه‌كێکه‌ له‌و وڵاتانه‌ی زۆر ده‌وڵه‌مه‌نده‌ به‌ غاز و قه‌باره‌ی غاز له‌ هه‌رێمی كوردستان به‌شی سه‌دان ساڵ ده‌كات و ته‌واویش نابێت، بۆیه‌ كاری به‌رده‌وام له‌ لایه‌ن حكوومه‌ت و كۆمپانیاكان ده‌كرێت و لیژنه‌ی نه‌فت وغازیش له‌ حكوومه‌ت به‌رده‌وام كاری بۆ ده‌كات، بۆیه‌ تا ئێستا كاریگه‌ریی كۆرۆناش له‌سه‌ری نه‌بووه‌ و به‌رده‌وامن له‌ كاری خۆیان، بۆیه‌ ئه‌مه‌ داهاتێكی سه‌ره‌كی بۆ هه‌رێم ده‌بێت، چونكه‌ ئه‌وه‌ له‌ نه‌وت باشتره‌ و قازانجی زیاتره‌."

بڵند ئیبراهیم




دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP