Kurdî  ■  كوردی  ■  عربي
SAT, 28 MAR 2020 15:41 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پسپۆڕێکی ئابووری: بازاڕ پڕە لە پێداویستی
| KDP.info


هه‌ولێر-KDP.info-  لەگەڵ دژواربوونی ڕەوشەکە ھێشتا بازاڕەکانی ھەرێمی کوردستان پڕن لە پێداویستیی ڕۆژانە و حکوومەتی ھەرێمی کوردستانیش ھەموو ئاسانکارییەکی کردووە بۆ ھێنانی خۆراک و دابەشکردنی بەسەر مارکێت و بازاڕەکاندا. پسپۆڕێکی ئابووریش پێی وایە، ھەرێمی کوردستان ناگاتە ئەو ئاستەی پێداویستیی نەمێنێ و بازاڕ ھەموو شتێکی تێدایە.

بەپێی بەدواداچوونێکی ماڵپەڕی فەرمیی پارتی دیموکراتی کوردستان لە سنووری ئیبراھیم خەلیل بە درێژاییی ٨٠ کیلۆمەتر بارھەڵگرەکان سەرەیان گرتووە بێنە نێو ھەرێمی کوردستان و زۆربەشیان خۆراک و کەلوپەلی ڕۆژانەیان ھێناوە.

دکتۆر عەبدلڕەحمان زرار، پسپۆڕی ئابووری، بە ماڵپەڕی فەرمیی پارتی دیموکراتی کوردستانی ڕاگەیاند: "بازاڕەکانی ھەرێمی کوردستان پێداویستیی ڕۆژانەیان تێدایە، بەتایبەتی ئەوەی پێی دەگوترێت خواردنی وشک، لەبەر ئەوەش نیگەرانیی ھەندێ لە ھاووڵاتیان لەجێی خۆیدا نییە، چونکە باوەڕ ناکەین ڕەوشەکە بگاتە ئەو ئاستەی خۆراک بەدەست ھاووڵاتیان نەکەوێت، لەبەر ئەوەی ھەموو پێداویستییەکانی ڕۆژانە لەبەردەستن و ھاووڵاتیان دەتوانن بەئاسانی بەدەستیان بگات."

لەبارەی کاریگەریی ڤایرۆسی کۆرۆنا بۆ سەر ئابووریی جیھانیش ئەو پسپۆڕە دەڵێت: "کۆرۆنا کاریگەریی کردووەتە سەر کەرتی ئابووری لە جیھاندا، چونکە بەشێکی زۆری مامەڵەکان بەھۆی کۆرۆناوە وەستاون."

پەیوەست بە ھەرێمی کوردستانیش دکتۆر عەبدولڕەحمان زرار گوتی: "ئێمە وڵاتێکی بچووکین بەراورد بە وڵاتانی جیھان، کاریگەریی ئەوتۆی نابێت بۆسەر ئابووریی ھەرێمی کوردستان، لەگەڵ کەمبوونەوەی کاریگەرییەکانی ڤایرۆسی کۆرۆنا ڕەوشەکە بەرەو باشتر دەچێت، بەتایبەتی ئەگەر نرخی نەوت جارێکی دیکە بەرز بێتەوە."

قائید میرۆ




دوایین هەواڵەکان

سەندیکای کرێکاران: مافی کرێکاران نافەوتێت.. حکوومەت لەھەوڵدایە بۆ چارەسەرکردنی

SATURDAY, 28 MARCH 2020 13:03:43

هەولێر-KDP.info- ئەندامێکی مەکتەبی تەنفیزی سەندیکای کرێکاران دەڵێ، بەھۆی قەدەغەی ھاتووچۆوە ژمارەیەکی بەرچاوی کرێکاران ناتوانن بچنە سەرکارەکانیان، بەپێی یاساش تا دوو مانگ ئەرکی خاوەن کارە مووچە و کرێی کرێکاران خەرج بکات.

 
د. سامان بۆ KDP: تا ئێستا زیاتر له‌ 50 نه‌خۆشی كۆرۆنا چاكبوونه‌ته‌وه‌

SATURDAY, 28 MARCH 2020 13:03:16

هەولێر-KDP.info- ئه‌و كه‌سانه‌ی له‌ هه‌رێمی كوردستان تووشی نه‌خۆشی كۆرۆنا ده‌بن به‌رده‌وام له‌چاكبوونه‌وه‌ دان و تاوه‌كو ئێستاش 51كه‌س چاكبوونه‌ته‌وه‌، وه‌زیری ته‌ندروستی حكوومه‌تی هه‌رێمی كوردستانیش ده‌ڵێ، دۆخی هه‌رێمی كوردستان له‌كۆنترۆڵدایه‌ و هه‌موو رێكاره‌كانیان گرتۆته‌به‌ر، بۆیه‌ رێنمایه‌كان تاڕاده‌یه‌كی باش جێبه‌جێ ده‌كرێن.

 
جەلال کاکەشین بۆ KDP: مافی قوتابیان نافەوتێت.. خەریکی چارەسەرکردنی خوێندنی ئەمساڵین

SATURDAY, 28 MARCH 2020 13:03:47

هەولێر-KDP.info- وەزارەتی پەروەردە بەھۆی درێژکردنەوەی پشووی ناوەندەکانی خوێندن بەدوای ئالیەتێکدا دەگەڕێت بۆ یەکلاکردنەوەی چارەنووسی خوێندنی ئەمساڵ، بەرپرسێکی وەزارەتەکەش دەڵێ، گرینگ ئەوەیە مافی قوتابیان نافەوتێت.

 
كۆرۆنا ڤایرۆس یا پۆست داعش به‌به‌رگی بایۆ سیاسیی

FRIDAY, 27 MARCH 2020 20:03:01

د.محه‌مه‌د خدر مه‌ولوود 

وەڵامێک لە گوتەبێژی حکومەتی هەرێمی کوردستانەوە بۆ فراکسیۆنی گۆڕان لە بەغدا

FRIDAY, 27 MARCH 2020 19:03:47

هه‌ولێر-KDP.info- جووتیار عادل، گوته‌بێژی حكوومه‌تی هه‌رێمی كوردستان له‌ ڕاگه‌یاندراوێكدا وه‌ڵامی لێدوانێكی فراكسیۆنی بزووتنه‌وه‌ی گۆڕان له‌ په‌رله‌مانی عێراق ده‌داته‌وه‌.



 
© 2020 Kurdistan Democratic Party, KDP