Kurdî  ■  كوردی  ■  عربي
WED, 9 JUL 2025 12:22 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

"هاووڵاتیانی ھەولێر پابەندن بە بڕیاری قەدەغەی هاتوچۆی پیادە"
| KDP.info


هەولێر-KDP.info-  شەوی ڕابردوو ژووری ئۆپەڕاسیۆنەکانی ھەولێر بڕیاری دا قەدەغەی پیادەش بخرێتە واری جێبەجێکردن و هاووڵاتیانیش پابەندبوونی خۆیان ڕادەگەیەنن لەپێناو سەلامەتیی ژیانی خۆیان، ھاوکات پارێزگاری ھەولێریش ھۆشداری دەداتە ئەوکەسانەی سەرپێچیی بڕیارەکە دەکەن.

هاووڵاتی کامەران تەھا، بۆ ماڵپەڕی فەرمیی پارتی دیموکراتی کوردستان گوتی: "من لەگەڵ بڕیاری قەدەغەی ھاتوچۆم بە پیادە و پێویستە ڕێکارەکانی خۆپارێزی توندتر بکرێن بۆ ئەوەی زیاتر بەرەنگاری ڤایرۆسی کۆرۆنا ببینەوە، بەتایبەتی ئێستا ژمارەی تووشبوان لە ھەڵکشانە، چەندی ڕێکارەکان توند بکرێن زیاتر لە بەرژەوەندیی هاووڵاتیاندایە."

کامەران نایشارێنەوە خەڵکێکی زۆر بەبێ ھەستکردن بە بەرپرسیاریەتی دەچنە دەرەوەی ماڵ و لەسەر شەقامەکان دەبیندرێن، بێگومان بەھانەی دەرچوونیان بۆ دابینکردنی پێداویستیی ڕۆژانەیە، بەڵام دەکرێ حکوومەت ئالیەتێک ببینێتەوە بۆ ئەوەی ڕێگە لەو کەسانە بگرێت و بەھانە نەھێننەوە بۆ دەرچوون."

مامۆستا سەمیر ھەمزە، دانیشتووی ھەولێر، بۆ ماڵپەڕی فەرمیی پارتی دیموکراتی کوردستان گوتی: "بەڵێ بەدڵنیاییەوە لەگەڵ بڕیارەکەم بۆ ئەوەی نەبینە ھۆکارێکی ئاسان بۆ گواستنەوەی ڤایرۆسەکە و ببینە ھۆی دروستبوونی کارەساتی تەندروستی و مرۆیی، چونکە ڕۆژانە سەدان کەس لە کۆڵان و شەقامەکان و باخچەی گەڕەکەکان دێن و دەڕۆن، کەسیش نازانێت لەوانەی پیادەن کێ تەندروستە و کێ ھەڵگری ڤایرۆسەکەیە، حکوومەت و وەزارەتی تەندروستی لە دەیان ڕێگای جۆراوجۆرەوە بە ناڕاستەوخۆ بە خەڵکی گوت لە ماڵەوە بمێننەوە، ئەویش بە داخستنی دەرگای فەرمانگە حکوومیەکان و قوتابخانە و زانکۆکان و مزگەوتەکان و بازاڕەکان."

مامۆستا سەمیر ھەمزە دەشڵێت: "بەداخەوە بەشێک لە هاووڵاتیان گوێیان بەو ڕێنمایی و ڕێکارە جیاجیایانەی حکوومەت و وەزارەتی تەندروستی نەدا، بۆیە باشترین بڕیار سەپاندنی قەدەغەی ھاتوچۆیە بە پیادەش، ئەمەش تەنھا و تەنھا بۆ پاراستنی تەندروستیی خودی تاکەکانە و ڕێگریکردنە لە بڵاوبونەوەی زیاتری ڤایرۆسەکە و ھەوڵێکی سەردەمیانەیە بۆ ڕێگرتن لە کارەساتی تەندروستیی مرۆیی."

دکتۆر فرسەت سۆفی، پارێزگاری ھەولێر، دەربارەی شکاندنی بڕیاری قەدەغەی ھاتوچۆ بە پیادە ڕایگەیاند: "ھیوادارین هاووڵاتیان پابەندی بڕیارەکانی حکوومەت بن بۆ جێبەجێکردنی بڕیاری قەدەغەی پیادە و ئەمڕۆ ڕەوشەکە باشترە لە ڕۆژانی ڕابردوو، چونکە ھاوکاریی خۆمان نەکەین ئەوە وەک وڵاتانی دیکە کارەسات ڕوو دەدات."

دکتۆر فرسەت سۆفی دەڵێت: "ئەگەر بێت و ھەندێ کەس بیانەوێ پابەندی بڕیاری حکوومەت نەبن بۆ قەدەغەی هاتوچۆی پیادە، ئەوە ناچارین ڕێکاری زۆر توند بگرینە بەر و وەک چۆن ئۆتۆمبێڵ غەرامە دەکرێت، سزای هاووڵاتیانیش دەدرێت."

قائید میرۆ

 




دوایین هەواڵەکان

ماڵپەڕی KDP کاتی دابەشکردنی ٩ ھەزار یەکەی نیشتەجێبوون بڵاو دەکاتەوە

WEDNESDAY, 09 JULY 2025 12:07:14

ھەولێر-KDP.info- بەڕێوەبەری گشتی لە وەزارەتی ئاوەدانکردنەوەی حکوومەتی ھەرێمی کوردستان دەڵێ، ئامادەکاریی تەواو کراوە و لە چەند ڕۆژی داھاتوودا دەست بە دابەشکردنی زیاتر لە ٩ ھەزار یەکەی نیشتەجێبوون بەسەر خەڵکی ھەژار و کەمدەرامەت دەکرێت، کە دابەشکردنیشی لە ڕێگەی تیروپشکەوە دەبێت.

 
مەسروور بارزانی: تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان

WEDNESDAY, 09 JULY 2025 11:07:38

هەولێر-KDP.info- مەسروور بارزانی سەرۆکی حکوومەتی هەرێمی کوردستان بەبۆنەی فراوان بوونی پڕۆژەی ڕووناکی و سوودمەندبوونی زیاتر لە دوو ملیۆن هاووڵاتی لە کارەبای 24 کاتژمێری لە ئێکس نووسیویەتی، "تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان.

 
پڕۆژەی ڕووناکی گەیشتە زیاتر لە 2 ملیۆن هاووڵاتی

WEDNESDAY, 09 JULY 2025 09:07:18

هەولێر-KDP.info- وه‌زاره‌تی كاره‌بای حكوومه‌تی هه‌رێمی كوردستان ڕایگه‌یاند، زیاتر لە دو ملیۆن هاووڵاتی و 544 هەزار هاوبەش ئێستا سومەندن لە کارەبای 24 کاتژمێری، هەرروەها، زیاتر لە دوو هه‌زار و 100 مۆلیدەی گازوایل لە گەڕەکەکان کوژێنراونەتەوە و تا کۆتایی ساڵی 2026یش، حکوومەتی هەرێم لە پلانیدایە زیاتر لە حه‌وت هه‌زار مۆلیدە بکوژێنێتەوە. 

 
سه‌رۆكى هه‌رێمى كوردستان سه‌ره‌خۆشی له‌ توركیا ده‌كات

TUESDAY, 08 JULY 2025 18:07:58

ھەولێر-KDP.info- سەرۆکی هەرێمی کوردستان لە نامەیەکدا، سه‌ره‌خۆشى له‌ توركیا، خێزان و كه‌سوكارى ئه‌و سه‌ربازانه‌ى وڵاته‌كه‌ كرد، كه‌ ڕۆژانى ڕابردوو له‌ ئه‌شكه‌وتێكى ناوچه‌ شاخاوییه‌كانى هه‌رێمى كوردستان، گیانیان له‌ده‌ست دابوو.

سەرۆکی حکوومەت پێشوازی لە سەرۆکی ئەکادیمیای کوردی کرد

TUESDAY, 08 JULY 2025 16:07:46

هەولێر-KDP.info- سێشەممە 8ـی تەممووزی 2025، مەسروور بارزانی، سەرۆکی حکوومەتی هەرێمی کوردستان، پێشوازی لە حەمەسەعید حەسەن نووسەر و ڕەخنەگری ناسراو و سەرۆکی ئەکادیمیای کوردی کرد.

 
 


 
© 2023 Kurdistan Democratic Party, KDP

Contact