Kurdî  ■  كوردی  ■  عربي
MON, 28 SEP 2020 14:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیامی پیرۆزبایی مەکتەبی سیاسیی پارتی دیموکراتی کوردستان بەبۆنەی ھاتنەوەی جەژنی نەتەوەیی نەورۆز
| KDP.info


هه‌ولێر-KDP.info- بەبۆنەی ھاتنەوەی جەژنی نەتەوەیی نەورۆز و سەری ساڵی كوردی، پیرۆزبایی گەرمی پارتی دیموکراتی کوردستان لە ھاونیشتیمانیانی خۆشەویستی کوردستان، تایبەت لە خانەوادەی سەربەرزی شەهیدان و پێشمەرگە قارەمانەکان دەکەین و هیوادارین وەک ھەمیشە، جەژنی نەورۆز ببێ بە ھەوێنی نوێبوونەوە و ژیاندۆستی و قوڵکردنەوەی پتری گیانی پێکەوەژیان و، بە ئومێدەوە ھەموومان، بە گیانی یەکڕیزیی و تەبایی سیاسی و کۆمەڵایەتی و، دەرککردن بە قورسی قۆناغەکە، پێ بنێینە نێو ساڵێکی نوێ، ساڵێكی پڕ هات و خێر و خۆشی بۆ کوردستان.

جەژنی نەورۆز، وەک چۆن لە مێژوودا سەرچاوەی ھێز و شیان و  مانەوە و خۆراگری بووە، ئومێدەوارین ئەمساڵیش، کە گەلەکەمان، لەگەڵ ھەموو گەلانی دونیا ڕووبەڕووی ڤایرۆسی کۆڕۆنا (COVID - 19) بۆتەوە و نموونەیەکی باشیشی لەو ڕووبەڕووبوونەوەیەدا پیشکەش کردووە، بتوانێت بە ھەمان ھێز و شیان و گیانی خۆڕاگرییەوە ئەم قۆناغەیش تێپەڕێنێت و ڕووە وەدیھێنانی مافە ڕەواکان و دەسکەوتی پتر لە بواری خۆشگوزەرانی ھاوڵاتیان ھەنگاو بنێت.

ھەر لێرەدا و لەم جەژنە پیرۆزەدا، سوپاسی پشوودرێژیی و پابەندیی و دڵسۆزیی جەماوەری گەلەکەمان دەکەینەوە، کە بە گیانی بەرزیی خۆپارێزییەوە ھاوکاربوون لەگەڵ حکومەتی ھەرێمی کوردستان و بەوپەریی پەرۆشییەوە ڕێنماییەکانی وەزارەتی تەندروستی و ڕێکارەکانی وەزارەتی ناوخۆ جێبەجێ دەکەن و دڵنیاین، بەم گیانی پەرۆشییەوە، ھەمدیس بەم ھەماھەنگییە بەرزەی، کە لە نێوان حکومەتی ھەرێمی کوردستان و ھاوڵاتییاندا ھەیە دەتوانین زاڵ بین بەسەر ئەم پەتا جیھانییە و وەک چۆن لە ڕابردوودا ھەرێمی کوردستان بەرگەی سەختییەکانی گرتووە، ھەر بە ھەمان شێوە لەم قۆناغەیشدا نموونەیەکی سەرکەوتوو پێشکەش بکات و ھەر لێرەوە بەپێویستی دەزانین، وێڕای سوپاس، پشتگیریی لە ھەنگاوەکانی حکومەتی ھەرێمی کوردستان بکەین و ھیوای سەرکەوتنیان بۆ بخوازین.

ھەر لەگەڵ گڕ و کڵپەی کوردانەی جەژنی نەورۆزدا، یادی تاجی سەرکەوتنەکانی ڕاپەڕینی بەھاری (1991) ی گەلی کوردستان دەکەینەوە، کە بریتیە لە ڕاپەڕین و ئازادکردنی شاری کەرکووکی دڵی کوردستان و وێڕای ڕەوشی ناھەمواری ئەم شارە کوردستانییە خۆشەویستە، ھیوای چارەسەریی گرفتە کەڵەکەبووەکانی دەخوازین و سڵاو و پیزانینیشمان بۆ دانیشتوانی ئازیز و خۆڕاگری کەرکووک، کە ھەمیشە بە نزیکترینەکانی خۆمانیان دەزانین.

لە جەژنی نەتەوەیی نەورۆزدا، جەخت لەسەر پەیامی ئاشتییانەی ڕێبازی بارزانی دەکەینەوە و بە گیانی دیموکراسییەوە سوورین لەسەر خەبات پێخەمەت وەدیھێنانی مافە ڕەواکانمان و  بە گیانی بەیەکەوەییش ھاریکار دەبین بۆ تێپەڕاندن و چارەسەرکردنی ڕەوشی نالەباری سیاسیی عێراق و وەک ھەمیشە فاکتەری ئارامی و سەقامگیریی دەبین و لەو پێناوەیشدا بەردەوام دەبین لە ھەوڵەکانماندا.

لە دوماھیدا، جارێكیتر جەژنی نەتەوەییمان، جەژنی مێژوویی و مانادارمان، جەژنی نەورۆز و سەری ساڵی (2720) ی کوردی لە هاونیشتیمانیانی ئازیز، كوردستانیانی خۆشەویست، کوردانی تاراوگە و سەرجەم کادیر و ئەندام و لایەنگرانی دڵسۆز و خۆڕاگری پارتیمان پیرۆز دەکەین و خوازیارین دوور بن لە ھەموو دەرد و ناخۆشییەک.

وڵاتمان ئارام و ئاوەدان و بەرز و شەکاوە بێت ئاڵای کوردستان.

 

مەكتەبی سیاسیی

پارتی دیموكراتی كوردستان

1ی خاكەلێوەی2720ی كوردی

21ی ئاداری 2020ی زایینی

 




دوایین هەواڵەکان

هێمن هه‌ورامی پێشوازیی له ‌كونسوڵی گشتیی یۆنان له‌هه‌رێمی كوردستان كرد

MONDAY, 28 SEPTEMBER 2020 13:09:42

ھەولێر-KDP.info- ئه‌مڕۆ دووشه‌مه‌ 2020/9/28، هێمن هه‌ورامی جێگرى سه‌رۆكی په‌رله‌مانى كوردستان، پێشوازیی له‌ ئیفۆپیمۆس كۆستۆپۆڵۆس كونسوڵی گشتیی یۆنان له‌هه‌رێمی كوردستان كرد.

لە ھەولێر گۆرانکاری لە پۆستێکی دیکە دەکرێت

MONDAY, 28 SEPTEMBER 2020 12:09:05

ھەولێر-KDP.info- سەرۆکی ئەنجومەنی پارێزگای ھەولێر گوتی، رۆژی چوارشەممە ئەنجومەنی پارێزگا کۆدەبیتەوەو تێیدا دەنگ لەسەر کاندیدی نوێی قایمقامی قەزای سۆران دەدرێت وقایمقامێکی نوێ بۆ ئەو قەزایە  دیاری دەکرێت.

"سێ پڕۆژەی نوێ لە عەنکاوە جێبەجێ دەکرێن"

MONDAY, 28 SEPTEMBER 2020 11:09:29

ھەولێر-KDP.info- ژمارەیەک پڕۆژەی خزمەتگوزاری لە سنوری ناحیەی عەنکاوەی ھەولێر پێشنیار کراون و بەڕێوەبەری شارەدێی عەنکاوەش ئاشکرایکرد، سێ پڕۆژە رەزامەندیان لەسەر دراوە یەکێک لەوانە دروستکردنی پردی نێوان عەنکاوە و کۆرانە.

کۆردۆ ئیحسان: کێشەی سێ پڕۆژەی وەبەرھێنانی دھۆک چارەسەردەکرێت

MONDAY, 28 SEPTEMBER 2020 11:09:31

دھۆک-KDP.info- ژمارەیەک کێشە لە پڕۆژەکانی وەبەرھێنان ھەن و بەڕێوەبەری گشتی وەبەرھێنانی پارێزگای دھۆکیش دەڵێ، کێشەکان چارەسەر دەکەین و مافی ھیچ ھاوڵاتیەکیش نافەوتێت بەپێچەوانەوە قەرەبووش دەکرێنەوە.

وردەکاری دروستکردنی یەکەیەکی ژمێریاری لە وەزارەتی پێشمەرگە

MONDAY, 28 SEPTEMBER 2020 10:09:46

ھەولێر-KDP.info- جێگری سوپاسالاری پێشمەرگە لە وەزارەتی پێشمەرگەی حکومەتی ھەرێمی کوردستان گوتی، دوای بڕیاری وەزارەتی پێشمەرگە لە چوارچێوەی پرۆسەی چاکسازی بۆ دروستکردنی یەکەیەکی ژمێریاری، بڕیارە بە قۆناغ جێبەجێ بکرێت و لە یەکەم قۆناغیش نەسریەی ھەردوو یەکەی ٧٠و٨٠ دەخرێتە سەر وەزارەتی پێشمەرگە و دواتریش قۆناعەکانی دیکە جێبەجێ دەکرێت تا ھەموو ھێزی پێشمەرگە یەک دەخرێت.



 
© 2020 Kurdistan Democratic Party, KDP

Contact