Kurdî  ■  كوردی  ■  عربي
SAT, 6 JUN 2020 07:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

په‌یامی سه‌رۆكى هه‌رێمى كوردستان به‌بۆنه‌ی هاتنه‌وه‌ی جه‌ژنی نه‌ورۆزه‌وه‌
| KDP.info


هه‌ولێر-KDP.info- نێچیرڤان بارزانی سه‌رۆكى هه‌رێمى كوردستان، لە پەیامێكدا پیرۆزباییى جه‌ژنى نه‌ورۆز و ساڵى تازه‌ى كوردى له خێزانى سه‌ربه‌رزى شه‌هیدانى كوردستان و ته‌واوى گه‌لى كورد و كوردستانییان  و هه‌موو ئه‌و گه‌ل و میلله‌تانه‌ ده‌كات كه‌ جه‌ژنى نه‌ورۆز ده‌گێڕن.

ئەمەش دەقی پەیامەكەیە:

كوردستانییانى خۆشه‌ویست..

به‌ گه‌رمى پیرۆزباییى جه‌ژنى نه‌ورۆز و ساڵى تازه‌ى كوردى له خێزانى سه‌ربه‌رزى شه‌هیدانى كوردستان و ته‌واوى گه‌لى كورد و كوردستانییان له‌ هه‌ر كوێ بن و هه‌موو ئه‌و گه‌ل و میلله‌تانه‌ ده‌كه‌م كه‌ جه‌ژنى نه‌ورۆز ده‌گێڕن.

له‌م بۆنه‌یه‌دا ده‌مه‌وێ به‌تایبه‌تى پیرۆزباییى جه‌ژنى نه‌ورۆز و سوپاس و ده‌ستخۆشى له‌ ته‌واوى تیمه‌ پزیشكى و ته‌ندروستییه‌كان و پۆلیس و ئاسایش و زێره‌ڤانى و پێشمه‌رگه‌ و كارمه‌ندانى فڕۆكه‌خانه‌ و ده‌روازه‌ سنوورییه‌كان و هه‌موو ئه‌و لایه‌نه‌ په‌یوه‌ندارانه‌ بكه‌م كه‌ له‌ ڕیزى پێشه‌وه‌دا به‌ره‌نگارى په‌تاى كۆرۆنا و مه‌ترسییه‌كانى بوونه‌ته‌وه‌، بۆ ئه‌وه‌ى گیانى هاووڵاتییان بپارێزن. ئه‌وان بۆ پاراستن و ڕزگاركردنى ئێمه‌ له‌سه‌ر كارن و ئێمه‌ش بۆ هاوكاریى هه‌مووان، ده‌بێ له‌ ماڵ بمێنینه‌وه‌.

نه‌ورۆزى ئه‌مساڵ له‌ دۆخێكى سه‌ختدا دێته‌وه‌ كه‌ هه‌رێمى كوردستانیش وه‌ك زۆربه‌ى وڵاتانى جیهان ڕووبه‌ڕووى مه‌ترسییه‌كانى بڵاوبوونه‌وه‌ى ئه‌م په‌تایه‌ بووه‌ته‌وه‌. له‌م دۆخه‌دا ده‌بێ هه‌موومان پابه‌ندى ڕێنماییه‌كانى ڕێكخراوى ته‌ندروستیى جیهانى و وه‌زاره‌تى ته‌ندروستى و لایه‌نه‌ په‌یوه‌نداره‌كانى حكوومه‌تى هه‌رێمى كوردستان بین.

نه‌ورۆز جه‌ژن و هێماى سه‌ركه‌وتنه‌ و ده‌بێ وه‌ك هه‌میشه‌ هێز و وره‌مان بداتێ. به‌ پابه‌ندى و هاوكاریى هاووڵاتییان له‌گه‌ڵ لایه‌نه‌ په‌یوه‌نداره‌كان، ئه‌م سه‌ختییه‌ش تێده‌په‌ڕێنین و سه‌رده‌كه‌وین. له‌ كۆنه‌وه‌ گه‌لى كورد و كوردستانییان به گه‌شت و سه‌یران و كردنه‌وه‌ى ئاگرى نه‌ورۆز ڕاهاتوون، به‌ڵام بۆ ئه‌م ساڵ و له‌به‌ر ئه‌م دۆخه‌، با هه‌موومان پابه‌ند بین و له‌ ماڵ بمێنینه‌وه‌. با به‌ داگیرساندنى مۆمێك له‌ ماڵ ئاگرى نه‌ورۆز بكه‌ینه‌وه‌ و هیواى سه‌ركه‌وتن و تێپه‌ڕاندنى ئه‌م دۆخه‌ بخوازین، گه‌شت و سه‌یران، بۆ دواى تێپه‌ڕاندنى سه‌ختییه‌كان بن.

هاووڵاتییانى ئازیز..

چ بۆ ئه‌و دۆخه‌ى به‌هۆى په‌تاى كۆرۆنا و لێكه‌وته هه‌مه‌لایه‌نه‌كانییه‌وه‌ هاتووه‌ و دێته‌ ئاراوه‌، چ بۆ مامه‌ڵه‌كردن له‌گه‌ڵ دۆخ و پێشهاته‌ سیاسییه‌كانى عێراقیش بێت، هه‌رێمى كوردستان ده‌بێ ته‌بایى و یه‌كڕیزى و كارى پێكه‌وه‌یى و ئه‌وپه‌ڕى هاوكارى و هه‌ماهه‌نگى له‌نێوان لایه‌نه‌ سیاسییه‌كاندا بپارێزێت. هه‌مووان به‌ گیانێكى به‌رپرسانه‌ى نیشتمانییانه‌ و له‌سه‌ر بنه‌ماى به‌رژه‌وه‌ندیى باڵاى هه‌رێمى كوردستان بجووڵێنه‌وه‌، ئێمه‌ش له‌ سه‌رۆكایه‌تیى هه‌رێمى كوردستان له‌سه‌ر كاركردن بۆ ئه‌م ئامانجه‌ به‌رده‌وام ده‌بین.

له‌سه‌ر ئاستى عێراقیش دووپاتى ده‌كه‌ینه‌وه‌ كه‌ هه‌رێمى كوردستان وه‌ك هه‌میشه‌ هاوكار ده‌بێت بۆ چاره‌سه‌ركردنى كێشه‌ و قه‌یرانه‌كانى وڵات و دروستكردنى سه‌قامگیرى و سازانێكى سیاسى له‌ عێراق، پشتگیریش له‌ حكوومه‌تێك ده‌كات كه‌ داوا و مافه‌ ڕه‌واكانى گه‌ل و پێكهاته‌كانى عێراق ده‌سته‌به‌ر بكات و تایبه‌تمه‌ندى و مافه‌ ده‌ستوورییه‌كانى هه‌رێمى كوردستانیش بپارێزێت.

جیهان ئێستا بەهۆی كۆرۆناوە بە دۆخێكی زۆر خراپدا تێدەپەڕێت. ئەو پەتایە ژیانی مرۆڤی لەڕووی تەندروستی و ئابوورییەوە خستووەتە دۆخێكی یەكجار چاوه‌ڕواننه‌كراوه‌وه‌ كە تێپەڕاندنی پێویستی بە لێكگەیشتن و هاوكارى و هه‌ماهه‌نگییەكی گەورەی جیهانییە، بۆ ئەو مەبەستەش پێویستە ڕێكخراوە نێودەوڵەتی و ناوچەییەكان هەرچی زووە ڕۆڵی خۆیان لەپێناو كەمكردنەوەی زیانەكانیدا بگێڕن، هه‌رێمى كوردستانیش هاوكار ده‌بێت.

خواى مه‌زن كوردستان و كوردستانییان و ته‌واوى گه‌لانى جیهان بپارێزێت. جه‌ژنى نه‌ورۆز له‌ هه‌مووتان پیرۆز بێت، هیوادارم جه‌ژن و بۆنه‌كانى داهاتوو له‌ كه‌ش و دۆخێكى باشتردا بكه‌ینه‌وه‌.

 

نێچیرڤان بارزانى

سه‌رۆكى هه‌رێمى كوردستان

20/3/2020

 




دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP