Kurdî  ■  كوردی  ■  عربي
FRI, 22 JAN 2021 02:38 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆكی هەرێمی کوردستان به‌دواداچوون بۆ دۆخى پارێزگاى دهۆك ده‌كات
| KDP.info


هەولێر-KDP.info-  به‌ڕێز نێچیرڤان بارزانى، سه‌رۆكى هه‌رێمى كوردستان به‌دواداچوون بۆ دۆخى لێقه‌وماوان و زیانه‌كانى باران و لافاوه‌كانى پارێزگاى دهۆك و پرۆسه‌ى به‌هاناوه‌چوون ده‌كات و هاوكارییه‌كى به‌په‌له‌ ده‌داته‌ ئیداره‌ى پارێزگاى دهۆك.

پاشنیوه‌ڕۆژى ئه‌مڕۆ پێنجشه‌ممه‌ 19/3/2020 له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز فه‌رهاد ئه‌ترووشى، پارێزگارى دهۆك، سه‌رۆك نێچیرڤان بارزانى وێڕاى سه‌ره‌خۆشى و هاوخه‌مى بۆ خێزان و كه‌سوكارى ئه‌و دوو قوربانییه‌ى له‌ ئه‌نجامى لافاوه‌كانى سنوورى پارێزگاكه‌ له‌ سێمێل و زاخۆ گیانیان له‌ ده‌ست دا، به‌ وردى به‌دواداچوونى بۆ دۆخى لێقه‌وماوان و مه‌زه‌نده‌ى زیانه‌كان و كاره‌كانى به‌هاناوه‌چوون و چۆنیه‌تیى هاوكاریكردن و یارمه‌تیدانى لێقه‌وماوان و زیانمه‌ندانی كرد.

به‌ڕێز سه‌رۆكى هه‌رێمى كوردستان، پشتگیرى بۆ كارى داموده‌زگا په‌یوه‌نداره‌كان بۆ به‌هاناوه‌چوونى لێقه‌وماوان دووپات كرده‌وه‌ و بڕیارى دا وه‌ك هاوكارییه‌كى به‌په‌له‌ى به‌هاناوه‌چوون، بڕى (یه‌ك ملیار دینار) له‌ سه‌رۆكایه‌تیى هه‌رێمى كوردستانه‌وه‌، پێشكه‌ش به‌ ئیداره‌ى پارێزگاى دهۆك بكرێت.

لاى خۆیه‌وه‌ به‌ڕێز پارێزگارى دهۆك، سوپاسى به‌ڕێز سه‌رۆكى هه‌رێمى كوردستانى كرد بۆ خه‌مخۆرى و به‌سه‌ركردنه‌وه‌ى دۆخى لێقه‌وماوان و پارێزگاكه‌.

 




دوایین هەواڵەکان

"بەبێ پێشمەرگە ئارامی بۆ عێراق ناگەڕێتەوە"

THURSDAY, 21 JANUARY 2021 15:01:33

به‌غداد - KDP.nfo - له‌ بازاڕێكی شه‌عبیی عێراق دوو ته‌قینه‌وه‌ ڕووی دا و ده‌یان كوژراو و بریندری لێ كه‌وته‌وه‌. هێزه‌ عێراقییه‌كان هه‌ریه‌كه‌ و مه‌رجه‌عێكیان هه‌یه‌، سه‌رۆكوه‌زیران به‌ناو فه‌رمانده‌ی گشتیی هێزه‌ چه‌كداره‌كانه‌، داعش به‌ هێزه‌وه‌ سه‌ری هه‌ڵداوه‌ته‌وه،‌ به‌بێ پێشمه‌رگه‌ ئه‌منییه‌ت بۆ عێراق ناگه‌ڕێته‌وه‌.

 
سەرۆك بارزانی لە پەیامێكدا ئیدانەی كردەوە تیرۆریستییەكانی شاری بەغدا دەكات

THURSDAY, 21 JANUARY 2021 15:01:31

بەناوی خودای بەخشندە و میهرەبان

 
سالیادا دامەزراندنا کۆمارا کوردستان ل دھۆکێ ھاتە ساخکرن

THURSDAY, 21 JANUARY 2021 14:01:26

دھۆک-KDP.info- سالیادا کۆمارا کوردستان (مھاباد) ئەڤرۆ رۆژا ٢١/١/٢٠٢٠١ ب ئامادەبوونا (د.عەلی تەتەر) پارێزگارێ دھۆکێ و لایەنێن سیاسی و دامودەزگەھێن حکومی و کەسایەتیێن دەڤەرێ ژ لایێ رێڤەبەریا گشتی یا رەوشەنبیری و ھونەری ل دھۆکێ ب ھەماھەنگی ل گەل دەزگایێ پاراستنا ئالایێ کوردستانێ ڤە ل ھۆلا سەنتەرێ پێشمەرگە یێ رەوشەنبیری ل باژێرێ دھۆکێ ھاتە ساخکرن 

سەرۆك بارزانی نامەیەك بۆ سەرۆك بایدن دەنێرێت

THURSDAY, 21 JANUARY 2021 14:01:48

ھەولێر-KDP. info-  سەرۆك مەسعود بارزانی لە نامەیەكدا بۆ سەرۆك جۆزێف بایدن سەرۆكی ویلایەتە یەكگرتووەكانی ئەمەریكا، دووبارە پیرۆزبایی لێ كرد بە بۆنەی هەڵبژاردنی وەك سەرۆكی ئەمەریكا و هیوای سەركەوتنی بۆ خواست.

سه‌رۆكایه‌تیى هه‌رێمى كوردستان سه‌ركۆنه‌ى هێرشه‌ تیرۆرستییه‌كانى به‌غدا ده‌كات

THURSDAY, 21 JANUARY 2021 14:01:57

ھەولێر-KDP. info-  به‌ توندی سه‌رکۆنه‌ی ئه‌و هێرشه‌ تیرۆرستییه‌ خۆکوژییانه‌ ده‌که‌ین که‌ ئه‌مڕۆ له‌ به‌غدا به‌ شێوه‌یه‌كى زۆر دڕندانه‌ هاووڵاتیانی کرده‌ ئامانج و ژماره‌یه‌کی زۆریان شه‌هید و بریندار بوون. پرسه‌ و سه‌ره‌خۆشی له‌ خانه‌واده‌کانیان ده‌که‌ین و هاوسۆز و هاوخه‌میانین، هیوای سه‌لامه‌تی و زووچاکبوونه‌وه‌ بۆ برینداران ده‌خوازین. هه‌رێمى كوردستان به‌ هه‌موو شێوه‌یه‌ك ئاماده‌یه‌ له‌ نه‌خۆشخانه‌كانى پێشوازى له‌ برینداران و به‌ركه‌وتووانى هێرشه‌كان بكات و هه‌موو خزمه‌تگوزارییه‌كى پزیشكیى پێویستیان پێشكه‌ش بكات.

 


 
© 2020 Kurdistan Democratic Party, KDP

Contact