Kurdî  ■  كوردی  ■  عربي
SAT, 6 JUN 2020 07:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆك بارزانی: ئه‌گه‌ر عه‌للاوی به‌بێ به‌شداریی كورد و سووننه‌ كابینه‌كه‌ی پێك هێنا، پیرۆزی بێت
| KDP.info


هه‌ولێر-KDP.info- سه‌رۆك مه‌سعود بارزانی، له‌ گفتوگۆیه‌كدا له‌گه‌ڵ كه‌ناڵی زاگرۆسی عه‌ره‌بی، باسی له‌ چه‌ند پرسێكی هه‌نووكه‌یی ئێستای هه‌رێمی كوردستان و عێراق و ناوچه‌كه‌ كرد و هه‌ڵوێستی خۆیشی له‌هه‌مبه‌ریان ده‌ربڕی.

سه‌رۆك بارزانی رایگه‌یاند، خۆپیشاندانه‌كانی ئێستا په‌رچه‌كرداری شكسته‌كانی رابردوون و پێویسته‌ كار له‌سه‌ر چاككردنه‌وه‌ی هه‌ڵه‌كان بكه‌ن، كه‌ بوونه‌ته‌ هۆی ئه‌و شكستانه‌ و گوتیشی: "له‌ سه‌ره‌تاوه‌ پشتیوانیی خۆمان بۆ خۆپیشانده‌ران و داوا ره‌واكانیان ده‌ربڕیوه‌، به‌ڵام له‌گه‌ڵ ئه‌وه‌شدا داوامان كردووه‌، چاره‌سه‌ره‌كه‌ ئاشتییانه‌ بێت و رێگه‌ به‌ كه‌سانی هه‌ڵپه‌رست نه‌ده‌ن سواری شه‌پۆله‌كه‌ ببن".

سه‌رۆك بارزانی جه‌ختی له‌وه‌ش كرده‌وه‌، هه‌ولێر ده‌بێته‌ شوێنێكی گونجاو بۆ میوانداریكردن و كۆبوونه‌وه‌ی نێوان سه‌ركرده‌ سیاسییه‌كان و نوێنه‌رانی خۆپیشانده‌ران، بۆ دۆزینه‌وه‌ی چاره‌سه‌رێكی گونجاو و ده‌رچوون له‌و قه‌یرانه‌ی ئێستای وڵات تێی كه‌وتووه‌".

عه‌للاوی و پێكهێنانی حكوومه‌ت

سه‌رۆك بارزانی، له‌ باره‌ی محه‌ممه‌د ته‌وفیق عه‌للاوی و میكانیزمی پێكهێنانی كابینه‌ی نوێی حكوومه‌ت گوتی: "عه‌للاوی له‌ خێزانێكی دیاره‌، به‌ڵام میكانیزمی ده‌ستنیشانكردنی وه‌زیره‌كانی حكوومه‌ته‌كه‌ی سه‌ركه‌وتوو نییه‌ و قه‌بووڵ ناكرێت، پێویسته‌ كار له‌گه‌ڵ دامه‌زراوه‌ ده‌ستوورییه‌كانی هه‌رێمی كوردستان بكات بۆ پێكهێنانی كابینه‌ و ده‌ستنیشانكردنی وه‌زیره‌كان، هه‌موو سه‌رپێچییه‌كیش ره‌ت ده‌كه‌ینه‌وه‌، كه‌ ده‌بنه‌ هۆی پێشێلكردنی مافه‌ ده‌ستوورییه‌كانی هه‌رێمی كوردستان و پێكهاته‌كانی دیكه‌ی عێراق".

سه‌رۆك بارزانی روونیشی كرده‌وه‌، سووننه‌ و كورد و ژماره‌یه‌كی زۆر له‌ شیعه‌كان له‌و شێوازه‌ی عه‌للاوی بۆ پێكهێنانی كابینه‌كه‌ی رازی نین، چونكه‌ گوایه‌ به‌ناوی سه‌ربه‌خۆیی و بێلایه‌نیی وه‌زیره‌كان ده‌ستنیشان ده‌كه‌ن، به‌ڵام دواتر به‌ ئاره‌زووی خۆیان به‌كاریان ده‌هێنن.

گوتیشی: "ئه‌گه‌ر عه‌للاوی به‌بێ به‌شداریی كورد و سووننه‌ كابینه‌كه‌ی پێك هێنا، ئه‌وا پیرۆزی بێت".

سه‌رۆك بارزانی گوتیشی: "رێككه‌وتنی عه‌للاوی له‌گه‌ڵ دوو لایه‌ن، یان سێ لایه‌ن، نابێته‌ هۆی پابه‌ندبوونی ئه‌و لایه‌نانه‌ی كه‌ له‌ رێككه‌وتنه‌كه‌دا نین".

پرسی داعش

له‌ باره‌ی هه‌ڕه‌شه‌كانی داعش و گه‌ڕانه‌وه‌ی مه‌ترسییه‌كانی رێكخراوه‌كه‌ش، له‌و گفتوگۆیه‌دا سه‌رۆك بارزانی به‌ روونی ئاماژه‌ی به‌وه‌ كرد، كه‌ رێكخراوه‌كه‌ هێشتا مه‌ترسییه‌ و گوتی: "داعش ئێستاش هه‌ڕه‌شه‌یه‌كی جددییه‌ بۆ سه‌ر عێراق و هه‌رێمی كوردستان، ئه‌گه‌ر هێزه‌كانی ئه‌مه‌ریكا له‌ عێراق بكشێنه‌وه‌، ئه‌وا رێكخراوه‌كه‌ جارێكی دیكه‌ و به‌ هێزێكی زیاتره‌وه‌ ده‌گه‌ڕێته‌وه‌، بۆیه‌ بڕیاری كشانه‌وه‌ی هێزه‌كانی ئه‌مه‌ریكا، بڕیارێكی چاره‌نووسسازه‌ و نابێت بكه‌وێته‌ ژێر هه‌ست و سۆز و موزایه‌دات".

هه‌روه‌ها گوتیشی: "نابێت عێراق، یان هه‌رێمی كوردستان ببێته‌ گۆڕه‌پانی ململانێی ئه‌مه‌ریكی – ئێرانی، له‌سه‌ر عێراق پێویسته‌ راسپارده‌كانی ئێران، یان هه‌ر وڵاتێكی دیكه‌ ره‌ت بكاته‌وه‌".

په‌یوه‌ست به‌ پرسی ناوخۆیی عێراقیش، سه‌رۆك بارزانی ده‌ڵێت: "عێراق به‌ده‌ست نه‌بوونی سیاسه‌تێكی یه‌كگرتووی ناوخۆیی و ده‌ره‌كییه‌وه‌ ده‌ناڵێنێت، ئێمه‌ش له‌گه‌ڵ هه‌مواری ده‌ستووریین ئه‌گه‌ر ئامانج لێی ده‌وڵه‌مه‌ندكردن و چاكسازیی بێت، به‌ڵام به‌ هه‌موو شێوه‌یه‌ك ئه‌و كاره‌ ره‌ت ده‌كه‌ینه‌وه‌، ئه‌گه‌ر ببێته‌ هۆی زیانگه‌یاندن به‌ مافه‌كانی گه‌لی كورد و هه‌رێمی كوردستان و دیموكراسیه‌ت".

سه‌رۆك بارزانی داوا له‌ هه‌موو لایه‌نه‌كان ده‌كات، كه‌ ده‌ستبه‌رداری ناكۆكییه‌كان بن و هه‌وڵی گه‌یشتن بده‌ن به‌ میكانیزمێكی گونجاو بۆ چاره‌سه‌ری گرفته‌كان.




دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP