Kurdî  ■  كوردی  ■  عربي
SUN, 13 JUL 2025 08:57 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

داوا ده‌كرێت په‌له‌ بكرێت له‌ جێبه‌جێكردنی رێككه‌وتنی پێشمه‌رگه‌ و سوپای عێراق
| KDP.info


هەولێر- KDP.info- سه‌رۆكی لێژنه‌ی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان له ‌په‌رله‌مانی كوردستان، باس له ‌په‌ره‌سه‌ندنه‌كانی مه‌ترسیی داعش له‌ سنووری كه‌ركووك و مادده‌ی 140 ده‌كات و ناوه‌رۆكی كۆ‌وبوونه‌وه‌ی ئه‌مڕۆش ده‌خاته ‌روو.

تا دێت هه‌ڕه‌شه‌كانی داعش له‌ سنووری مادده‌ی 140 زیاتر ده‌بێت له‌ ماوه‌ی یه‌ك مانگی رابردوودا له‌به‌رانبه‌ر رفاندنی 10 هاووڵاتیی كورددا له‌ سنووری ناوچه‌كانی زنانه‌ و كفری و كه‌ركووك و دووزخورماتوو و سه‌عدیه‌ داعش داوای 100هه‌زار دۆلاری كردووه‌، چالاكیی داعش له‌ سنووری ناوشاری كه‌ركووك نزیك بووه‌ته‌وه‌، به‌تایبه‌ت دوای هێرشه‌كه‌ی بۆ سه‌ر گوندی ''چه‌خماخه'' له‌ دوبس كه‌ به‌هۆیه‌وه‌ چوار كه‌س شه‌هید بوون، چاودێران و حزبه‌ سیاسییه‌كان پێیان وایه‌ بۆشایی و نه‌بوونی پیشمه‌رگه‌ له‌و سنووره‌ وای كردووه‌ داعش به‌هێز ببێته‌وه‌، چونكه‌ سوپای عێراق نه‌یتوانیوە وه‌ك پێویست سنووری ئه‌و ناوچانه‌ كۆنترۆڵی بكات. جوان یونس محه‌مه‌د، سه‌رۆكی لێژنه‌ی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم بۆ ماڵپه‌ڕی فه‌رمیی پارتی دیموکراتی کوردستان گوتی: "من وه‌ك سه‌رۆكی لێژنه‌ی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم به‌شداری كۆبوونه‌وه‌ی ئه‌مڕۆی حزبه‌ كوردستانییه‌كانی كه‌ركووك بووم له‌ لقی 3ی پارتی دیموكراتی كوردستان، ئه‌وانیش هاتوونه‌ته ‌سه‌ر خه‌ت، هه‌رێمی كوردستان چیتر ناتوانێت چاوه‌ڕوانی به‌غدا بكات، چونكه‌ دۆخی عێراق رۆژ به ‌رۆژ كاره‌ساتی به‌دواوه‌یه‌ و ده‌بێت سه‌رجه‌م لایه‌نه‌كان بێنه‌ سه‌رخه‌ت، چونكه‌ داعش مه‌ترسیی جددیی له‌سه‌ر كه‌ركووك دروست كردووه‌ و خەریکە سه‌رهه‌ڵده‌داته‌وه‌".

جوان یونس گوتیشی: "داعش به‌هێز بووه‌، بۆیه‌ گرنگه‌ پێشمه‌رگه‌ بگه‌ڕێته‌وه‌ بۆ ئه‌و ناوچانه،‌ ئه‌مڕۆش له‌ كۆبوونه‌وه‌كه‌ حزبه‌ كوردستانییه‌كان یادداشتنامه‌یان ئاماده‌ كردووه،‌ یاداشتنامه‌كه‌شیان خوێنده‌وه‌ و بڕیاره‌ راده‌ستی هه‌رسێ سه‌رۆكایه‌تیی كوردستان بكرێت، كه‌ یه‌كێك له‌ خاڵه‌كان ئاساییكردنه‌وه‌ی دۆخی كه‌ركووكە".

رایشیگه‌یاند: ''مه‌ترسیی زۆر زۆر هه‌یه‌ و گیانی هاووڵاتییانی ناوچه‌ كوردستانییه‌كان له‌ مه‌ترسیدایە، بۆیه‌ ده‌بێت رێككه‌وتنی پێشمه‌رگه‌ و سوپای عێراق خێرا جێبه‌جێ بكرێت و سه‌رجه‌م حزبه‌كان په‌نایان بۆ پارتی هێناوه‌ بۆ ئه‌وه‌ی پارتی به هێزه‌وه‌ بچێته‌ ناو پرسەکە‌وه‌ تا هه‌وڵه‌كان سه‌ربگرێت."

ڕێككه‌وتنی پێشمه‌رگه‌ و سوپای عێراق له‌ سه‌رده‌می عادل عه‌بدولمه‌هدی, سه‌رۆكوه‌زیرانی پێشووی عێراق كراوه،‌ به‌پێی رێككه‌وتنه‌كه‌ به‌م شێوه‌یه‌ به‌رپرسیاریه‌تیی ئه‌و ناوچانه‌ دابه‌ش ده‌كرێت:

یه‌كه‌م: هه‌ماهه‌نگی له‌ نێوان پێشمه‌رگه‌ و سوپای عێراق له‌ سنووری مادده‌ی 140 هه‌بێت بۆ ئیداره‌دانی .

دووه‌م: هه‌ماهه‌نگیی هه‌واڵگری له‌ نێوان هه‌ردوولا هه‌بێت.

سێیه‌م: به‌غدا پابه‌ند بێت به‌ ناردنی شایسته‌ داراییه‌كانی پێشمه‌رگه‌.

چواره‌م: مه‌شق و راهێنان به‌رده‌وامی ده‌بێت له‌ نێوان هه‌ردوولا.

پێنجه‌م: پێكهێنانی ژووری هاوبه‌شی ئۆپه‌راسیۆنه‌كان .

شه‌شه‌م: جێبه‌جێكردنی خاڵی رێككه‌وتنه‌كان.

به‌پێی زانیاریی سەرچاوەیەکی ئاگادار بۆ ماڵپه‌ڕی فه‌رمیی پارتی دیموكراتی كوردستان، شاندی هه‌رێمی كوردستان بڕیاره‌ له ‌گفتوگۆكانیاندا له‌گه‌ڵ به‌غدا جه‌خت بكه‌نه‌وه‌ له‌سه‌ر ئه‌وه‌ی به‌زووترین كات ئه‌م رێككه‌وتنه‌ بكه‌وێته‌ واری جێبه‌جێكردنه‌وه‌، چونكه‌ مه‌ترسی له‌سه‌ر ئه‌و ناوچانه‌ هه‌یه‌، به‌ڵام ئه‌وه‌ی كه‌ لە به‌غدا رێگر بووه‌ له‌ جێبه‌جێكردنی ئه‌و رێككه‌تنه‌، گۆڕانكاری له‌ حكوومه‌تی عێراق و ده‌ستله‌كاركێشانه‌وه‌ی عادل عه‌بدولمه‌هدی بووه‌.

دیاری حوسێن، جێگری سه‌رۆكی ئه‌نجومه‌نی سه‌ركردایه‌تیی كه‌ركووك-گه‌رمیانی پارتی بۆ ماڵپه‌ڕی فه‌رمیی پارتی دیموکراتی کوردستان گوتی: "له‌ گفتوگۆكانمان له‌گه‌ڵ به‌غدا بڕیاره‌ جه‌خت له‌وه‌ بكرێته‌وه‌ كه‌ به ‌زووترین كات پرسی گه‌ڕانه‌وه‌ی پێشمه‌رگه‌ بۆ ئه‌و ناوچانه‌ بخرێته‌ به‌رنامه‌ی كاره‌وه‌".

ئه‌وەیشی خسته‌ روو: "داعش مه‌ترسیی جددیی له‌سه‌ر ئه‌و ناوچانه‌ دروست كردووه،‌ ده‌ستیان به ‌چالاكی كردووه،‌ كوشتن و رفاندن و حاڵه‌تی كۆكردنه‌وه‌ی هێزی داعش په‌ره‌ی سه‌ندووه‌، بۆیه‌ ده‌بێت رێگری له‌مه‌ بكرێت و به‌ زووترین كات پێشمه‌رگه‌ بگه‌ڕێته‌وه‌ ئه‌و ناوچانە." 

کارزان هەورامی




دوایین هەواڵەکان

سەرۆک بارزانی سەرەخۆشی لە بەڕێوەبەری گشتی کەناڵی کوردستان٢٤ دەکات

SATURDAY, 12 JULY 2025 22:07:39

ھەولێر-KDP.info- ئەمڕۆ شەممە، ١٢ـی تەممووزی ٢٠٢٥، سەرۆک مەسعود بارزانی، لە پەیوەندییەکی تەلەفۆنیدا، سەرەخۆشی لە ئەحمەد زاویتەیی بەڕێوەبەری گشتیی کەناڵی کوردستان٢٤ کرد، بۆ کۆچی دوایی باوکی.

 
کابینەی نۆیه‌م ڕۆژ دوای ڕۆژ خزمەتگوزاریی زیاتری تەندروستی بۆ هاووڵاتیان دابین ده‌كات

SATURDAY, 12 JULY 2025 21:07:48

ھەولێر-KDP.info- لە ساڵی 2019 کابینەی نۆیەمی حکوومەتی هەرێمی کوردستان بە سەرۆکایەتیی مەسروور بارزانی پێکهێندرا، دوای سوێندخواردنی لە بەردەم نوێنەرانی خەڵكی کوردستان، کارنامەیەکی پڕ لە پلان و ئامانجی درێژخایه‌نى پێشکەش بە نوێنەرانی خەڵكی کوردستان کرد و ئامانجی خودی سەرۆکی حکوومەتی هەرێمی کوردستان و کابینەی نۆیەمیش، کوردستانێکی بەهێز بوو.

 
ڕاگەیێندراوێک لە بارەگای بارزانی بۆ ڕای گشتی

SATURDAY, 12 JULY 2025 21:07:56

ھەولێر-KDP.info- بارەگای بارزانی، پەیوەست بە کێشەکانی نێوان هەرێمی کوردستان و حکوومەتی عێراقی فیدڕاڵ، لەسەر یەکلاییکردنەوەی پرسی مووچە و بودجە و شاییستە داراییەکانی هەرێمی کوردستان، ڕاگەیێندراوێکی بڵاو کردەوە.

 
سه‌رۆکی ھەرێمی کوردستان سه‌ره‌خۆشى له‌ ڕۆژنامه‌نووس ئه‌حمه‌د زاویتى ده‌كات

SATURDAY, 12 JULY 2025 17:07:31

ھەولێر-KDP.info-  ئه‌مڕۆ شه‌ممه‌ 2025/7/12 به‌ڕێز نێچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا، بۆ كۆچى دواییى خوالێخۆشبوو‌ى باوكیان...

سەرۆکی حکوومەت سەرەخۆشی لە بەڕێوەبەری گشتیی کەناڵی کوردستان24 دەکات

SATURDAY, 12 JULY 2025 16:07:38

ھەولێر-KDP.info-  ئەمڕۆ شەممە، 12ـی تەممووزی 2025، مەسرور بارزانی، سەرۆکی حکوومەتی هەرێمی کوردستان، لە پەیوەندییەکی تەلەفۆنیدا، سەرەخۆشی لە ئەحمەد زاویتەیی بەڕێوەبەری گشتیی کەناڵی کوردستان24 کرد، بۆ کۆچی دوایی باوکی.

 


 
© 2023 Kurdistan Democratic Party, KDP

Contact