Kurdî  ■  كوردی  ■  عربي
WED, 28 JUL 2021 15:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پرسەنامەی پارتی بۆ كۆچی دوایی هەڤاڵی تێكۆشەر د.حەمید ئاكرەیی
| KDP.info


بەڕێزان/ خانەوادەی كەسایەتی نیشتیمانپەروەر و هەڤاڵی تێكۆشەر(د.حەمید ئاكرەیی)

بەداخ و پەژارەیەكی زۆرەوە هەواڵی كۆچی دوایی كەسایەتی و كادیر و هەڤاڵی تێكۆشەر(د.حەمید ئاكرەیی)مان پێگەیشت،  بەو بۆنە خەمناكەوە پرسە و سەرەخۆشی خۆمان ئاراستەی ئێوەی بەڕێز و كەس وكار و ئاشنایانی خوالێخۆشبوو و بنەماڵە تێكۆشەرەكەتان دەكەین و خۆمان بە هاوبەش وشەریكی خەمتان دەزانین.

هەڤاڵی خوالێخۆشبوو(د.حەمید ئاكرەیی) كەسایەتیەكی ناسراو و كادیرێكی دێرینی پارتیمان بوو،  هەر لە  زووەوە پەیوەندیی بە ریزەكانی پارتیمان دەكات  وەك پێشمەرگە و كادرێكی چالاك لە بواری گەیاندن رۆڵی خۆی دەبینێت و ئەوسا وەك ئەندازیاری گەیاندن لە  رادیۆی دەنگی كوردستان  كار دەكات.
خوالێخۆشبوو، پێشمەرگی دێرین و كەسایەتیەكی خاوەن هەڵوێست و وەفادار بوو بەرامبەر رێبازی بارزانی نەمر و كاروانی شۆڕش و خەباتی رزگاریخوازی گەلی كوردستان، لەو پێناوەشەدا دڵسۆزانە و خەمخۆرانە لە خزمەت و تێكۆشان بەردەوام بووە، بۆیە لەدەستدانی زیانێكی گەورەیە.
هەڤاڵی خوالێخۆشبوو جارێكی دیكەش بە هەمان گیانی كوردایەتی و پارتایەتی بەردەوام دەبێ لە خەبات و بەشداری لە شۆڕشی گوڵان دەكات ھەر لەوکاتیشدا رادیۆی دەنگی کوردستان دادەمەزرێنێتەوە، دوای دامەزراندنی حكومەتی هەرێمی كوردستانیش، چەندین بەرپرسیاریەتی حزبی و حكومی پێ سپێردابوو كە توانی سەركەوتوانە و لەخۆبردوانە و دڵسۆزانە بەئەنجامیان بگەیەنێ و ماوەیەکیش وەزیری گواستنەوە و گەیاندنی حكومەتی هەرێمی كوردستان بووە.

هیواخوازین هاوخەمیی ھەڤاڵ و ھاوسەنگەر و دۆستانی ببێتە مایەی دڵنەوایی و سەبووری خانەوادە تێكۆشەرەكەتان و لە خە م و خەفەتتان كەم بكاتەوە.

دووبارە پرسە و سەرەخۆشیمان دووپات دەكەینەوە و ئومێدەوارین لە خەم و ئازار و كۆستی دیكە بە دوور بن و لەخوای گەورە داواکارین جێگای هەڤاڵی كۆچكردوومان بەهەشتی بەرین بێت...

مەكتەبی سیاسی
پارتی دیموكراتی كوردستان
22/2/2020




دوایین هەواڵەکان

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 

بەیاننامەیەك لە پارتی دیموكراتی كوردستانەوە

WEDNESDAY, 28 JULY 2021 14:07:36

هەولێر-KDP.info- پارتی دیموكراتی كوردستان، بەیاننامەیەكی دەربارەی دانوستانی ستراتیژیی نێوان حكوومەتی عێراق و ویلایەتە ‌یەكگرتووەكانی ئەمەریكا سەبارەت بە بەردەوامبوونی پەیوەندی و هاوكاریی نێوان هەردوولا، بڵاو كردەوە.

 
وەزارەت: لە پلانماندایە تا كۆتایی ئەمساڵ 40%ی هاووڵاتیان بكوترێن

WEDNESDAY, 28 JULY 2021 13:07:09

هەولێر-KDP.info- راوێژكاری وەزیری تەندروستیی حكوومەتی هەرێمی كوردستان رایدەگەیەنێت، لە پلانیاندایە تا كۆتایی ئەمساڵ 40 لەسەدی هاووڵاتیانی كوردستان بە ڤاكسینی كۆرۆنا بكوترێن، لەگەڵ شاندی هەرێمی كوردستانیش لە نێو شاندی حكوومەتی عێراق، بۆ كڕینی ڤاكسین لە ئەمەریكا لەسەر هێڵن.

 


 
© 2021 Kurdistan Democratic Party, KDP

Contact