Kurdî  ■  كوردی  ■  عربي
WED, 1 APR 2020 17:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وه‌زیری كاره‌با بڕیارێک له‌ به‌رژوه‌ندیی هه‌موو پارێزگا و قه‌زاكان ده‌دات
| KDP.info


هه‌ولێر-KDP.info-گوته‌بێژی وه‌زاره‌تی كاره‌بای حكومه‌تی هه‌رێمی كوردستان گوتی، به‌ بڕیاری وه‌زیری كاره‌بای حكوومه‌تی هه‌رێمی كوردستان ده‌سه‌ڵات‌ به‌ هه‌موو پارێزگا و قه‌زاكان دراوه كه‌ له ‌داهاتی كاره‌با 8%ی بۆ شاره‌كانی خۆیان خه‌رج بكه‌ن.

ئومێد ئه‌حمه‌د، بۆ ماڵپه‌ڕی فه‌رمیی پارتی دیموكراتی كوردستان گوتی: "هه‌موو وه‌زاره‌تێك داهاته‌كه‌ی بۆ وه‌زاره‌تی دارایی ده‌گه‌ڕێته‌وه‌، به‌ڵام وه‌زیری كاره‌با ژماره‌ حیسابێكی كردووەته‌وه‌، كه‌ هه‌موو به‌ڕێوبه‌رە گشتییه‌كانی په‌یوه‌ندیدار، كه‌ پاره‌ی كاره‌با كۆ ده‌كه‌نه‌وه،‌ ده‌سه‌ڵاتی پێ داون كه‌ له‌ هه‌موو پارێزگا و قه‌زاكان ده‌توانن به‌ 8%ی‌ ئەو پاره‌یه‌ پڕۆژه‌كانی خۆیان جێبه‌جێ بكه‌ن."

ئومێد ئه‌حمه‌د گوتیشی: "ئه‌و بڕیاره‌ دراوه‌ بۆ ئه‌وه‌ی هه‌موو پارێزگا و قه‌زاكان سوود له ‌داهاتی كاره‌با وه‌ربگرن و هه‌ر كه‌موكووڕییه‌كیشیان هه‌بێت له‌ ڕێگه‌ی ئه‌و پاره‌یەوە چاره‌سه‌ری بكه‌ن و ده‌سه‌ڵاتیش له‌ مه‌ركه‌زیه‌وه‌ بكرێته‌ لامه‌ركه‌زی و بدرێته‌ پارێزگا و قه‌زاكان."

گوتیشی: "له‌مڕۆوه‌ هه‌موو پارێزگا و قه‌زاكان ده‌توانن ئه‌و بڕیاره‌ی وه‌زیری كاره‌با جێبه‌جێ بكه‌ن و 8%ی ‌داهاتی كاره‌با بۆخۆیان به‌كار بێنن."

بڵند ئیبراهیم




دوایین هەواڵەکان

حکوومەت ھاوکاریی کارگەکان دەکات "

WEDNESDAY, 01 APRIL 2020 16:04:44

دهۆک-KDP.info-   ڕەوشی دوای بڵاوبوونەوەی ڤایرۆسی کۆرۆنا کاریگەریی نەبووە لەسەر کارگەکانی ھەرێمی کوردستان و بەشێک لەو کارگانەش کە تایبەتن بە بەرھەمھێنانی ماددەی پاککەرەوە، بەرھەمیان زیادی کردووە. سەرۆکی ژووری پیشەسازی و بازرگانیی دھۆکیش دەڵێ، حکوومەت ھاوکارە لەگەڵ کارگەکان.

 

كەركووك.. لە كۆڵان و شەقامەكانی زبڵ و خاشاك كەڵەكە بووە

WEDNESDAY, 01 APRIL 2020 13:04:31

كەركووك-KDP.info- ئیدارەیەكی بێباك و گەندەڵ لە پاش 16ـی ئۆكتۆبەری 2017 حكومڕانیی كەركووك دەكات، كە دەیان مەلەفی گەندەڵییان لەسەرە، بە هۆی گەندەڵی لە گرێبەستی هەڵگرتنەوەی زبڵ و خاشاكیش، ئێستا زبڵ شاری كەركووكی تەنیوە، هاووڵاتیانیش دەڵێن، مەترسی لەسەر ژیانمان دروست بووە، هەروەها ئەندامێكی پێشووی ئەنجوومەنی پارێزگاكەش ئاماژە دەدات، گەندەڵی سەرتاپای شاری تەنیوە و هاووڵاتیان ئازادییان نییە دەنگ هەڵبڕن.

 
سبەی وەزیری تەندروستی و پارێزگای ھەولێر لە سۆران دەبن

WEDNESDAY, 01 APRIL 2020 13:04:08

سۆران-KDP.info- بڕیار وایە سبەینێ  لە كۆنفرانسێكی رۆژنامەوانیدا بە ئامادەبوونی وەزیری تەندروستی و پارێزگای ھەولێر و لایەنە پەیوەندیدارەكان، تاقیگەیەكی تایبەت بە دەستنیشانكردنی نەخۆشیی كۆڤید ١٩ بە ھاوكاریی بەڕێوەبەرایەتیی تەندروستیی سۆران و زانكۆی سۆران بكرێتەوە، بۆ ئەوەی چیتر پێویست نەكات پشكنینەكان بۆ ھەولێر رەوانە بكرێن.

 
پەرلەمانی كوردستان: پشتگیریی بڕیارەكەی سەرۆكی حكوومەت دەكەین

WEDNESDAY, 01 APRIL 2020 13:04:58

هەولێر-KDP.info- سەرۆكی لیژنەی مافی مرۆڤ لە پەرلەمانی كوردستان، پاڵپشتی لە بڕیاری سەرۆكی حكوومەتی ھەرێمی كوردستان دەكات بۆ دەركردنی لێبووردنی تایبەت و دەڵێ، لێبووردنەكە ھەنگاوێكی باشە لە ئێستادا و ھەر ئازادكردنێكیش بە مەرج دەبێت.

 
د. سامان: قەدەغەكردنی هاتووچۆ هاوکارمان دەبێت بۆ زاڵبوون بەسەر كۆرۆنا دا

WEDNESDAY, 01 APRIL 2020 11:04:44

هه‌ولێر-KDP.info- وەزیری تەندروستیی حكوومەتی هەرێمی كوردستان گوتی، هەوڵەكان بەردەوامن بۆ ئەوەی كۆنتڕۆڵی نەخۆشیی كۆرۆنا بكرێت و دەشڵێ، درێژكردنەوەی قەدەغەی هاتوچۆ، لە قازانجی هاووڵاتیاندایە.

 


 
© 2020 Kurdistan Democratic Party, KDP