Kurdî  ■  كوردی  ■  عربي
WED, 28 JUL 2021 17:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌فار: دووشه‌ممه‌ی داهاتوو ئه‌سته‌مه‌ ده‌نگ به‌ كابینه‌ی نوێ بدرێت
| KDP.info


به‌غدا-KDP.info- ئه‌ندامێكی ئه‌نجومه‌نی نوێنه‌رانی عێراق له ‌فراكسیۆنی پارتی دیموكراتی كوردستان گوتی، هیچ حكوومه‌تێك به‌بێ كورد و سوننه‌ سه‌ركه‌وتوو نابێت، بۆیه‌ زه‌حمه‌ته‌ ڕۆژی دووشه‌ممه‌ی داهاتوو بتواندرێت ده‌نگ به‌ كابینه‌ی نوێ بدرێت.

د. ئه‌حمه‌د سه‌فار، ئه‌ندامی ئه‌نجومه‌نی نوێنه‌رانی عێراق له‌ فراكسیۆنی پارتی دیموكراتی كوردستان، بۆ ماڵپه‌ڕی فه‌رمیی پارتی دیموكراتی كوردستان گوتی: "سه‌رۆكوه‌زیرانی ڕاسپێردراوی عێراق، محه‌مه‌د عه‌لاوی، ڕێككه‌وتنی به‌نه‌هێنی له‌گه‌ڵ شیعه‌كان كردووه،‌ كوتله‌ی سه‌در و عامری پشتگیریی ده‌كه‌ن، به‌ڵام ڕێككه‌وتنی له‌گه‌ڵ سوننه‌ و كورد نه‌كردووه‌ و تاوه‌كو ڕێككه‌وتن نه‌كرێت، ئێمه‌ش نازانین له‌ كۆبوونه‌وه‌ی په‌رله‌مان به‌شداری ده‌كه‌ین، یاخود نا و، چاوه‌ڕێی سه‌ركردایه‌تیی خۆمان ده‌كه‌ین."

د. ئه‌حمه‌د سه‌فار گوتیشی: "ئه‌سته‌مه‌ حكوومه‌تێك بەبێ پارتی دروست بێت و ده‌نگی پێ بده‌ین، چونكه‌ ئێمه‌ گه‌وره‌ترین كوتله‌ی په‌رله‌مانین له‌ هه‌موو عێراق و ئه‌وانه‌ی دیكه‌ هه‌موو هاوپه‌یمانین."

سه‌فار ڕوونیشی كرده‌وه: "عه‌لاوی داوای كردووه‌ ڕۆژی دووشه‌ممه‌ی داهاتوو بڕیاره‌ كابینه‌ی خۆی پێشكه‌ش بكات، به‌ڵام پێویسته‌ پێش كۆبوونه‌وه‌ی په‌رله‌مان به ‌48 سەعات سیڤیی وه‌زیره‌كان پێشكه‌ش بكات، بۆ ئه‌وه‌ی په‌رله‌مانتاران بیبینن، بۆیه‌ زه‌حمه‌ته‌ بتواندرێت ده‌نگی له‌سه‌ر بدرێت."

ئەو گوتیشی: "پێویست بوو عه‌لاوی سه‌ردانی هه‌رێمی كوردستان بكات و ڕێككه‌وتن بكات، به‌ڵام وه‌فدێكی هه‌رێم هاتووه‌ بۆ به‌غدا،  هێشتا ڕێككه‌وتن نه‌كراوه‌ و هیچ حكوومه‌تێكیش بەبێ كورد و سوننه‌ سه‌ركه‌وتوو نابێت، چونكه‌ ناكرێت له‌خۆڕا وه‌زیر بۆ كورد دیاری بكرێت، با حكوومه‌تێكی سه‌ربه‌خۆش بێت."

بڵند ئیبراهیم




دوایین هەواڵەکان

پەیامێك لە سەرۆك بارزانییەوە

WEDNESDAY, 28 JULY 2021 17:07:48

بەناوی خودای بەخشندە و میهرەبان

 
پارتی سەرەخۆشی لە خانەوادەی ئەحمەد وەیسی و، ھێدی ساڵح و زیاد ئاقوبانی و رەسوڵ محەمەد دەکات

WEDNESDAY, 28 JULY 2021 16:07:31

بەڕێزان خانەوادەی ئەحمەد وەیسی ھێرۆیی

 

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 



 
© 2021 Kurdistan Democratic Party, KDP

Contact