Kurdî  ■  كوردی  ■  عربي
MON, 1 MAR 2021 10:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

رێگاكانی ھەولێر - سۆران و دەروبەری داخران و تیمەكانیش سەرقاڵی راماڵینی بەفرن
| KDP.info


سۆران-KDP.info- ئەمڕۆ پێنجشەممە، شەپۆلێكی بەفربارین شار و شارۆچكەكانی ھەرێمی كوردستانی گرتەوە، بەو ھۆیەشەوە بەشێكی زۆری رێگاكان داخراون و ئاستەنگی ھاتوچۆ بۆ شوفێران و ھاووڵاتیان دروست بووە.

بەرپرسی راگەیاندنی كەرتی چواری رێگاوبانی سۆران، بە ماڵپەڕی فەرمیی پارتی دیموكراتی كوردستان راگەیاند: "تیمەكانمان لە رێگاكانی مێرگەسۆر و شەقڵاوە و مەسیف و سۆران و حاجی ئۆمەران سەرقاڵی پاككردنەوەی رێگاكانن، بەڵام بە ھۆی بەردەوامیی شەپۆلەكەوە، ناتوانرێ وەك پێویست رێگاكان پاك بكرێنەوە".

گوتیشی: "داواكارین لە شوفێران و ھاووڵاتیان ئەگەر كارێكی پێویستیان نەبێت، ھاتوچۆ نەكەن بۆ شوێنەكان تا تیمەكانی راماڵینی بەفر فریای خاوێنكردنەوە بكەون".

ھاوكات کرمانج عزەت، قایمقامی قەزای سۆران، ئاماژەی بۆ ئەوە كرد: "ڕێگاكانی نێوان ھەولێر، سۆران، حاجی ئۆمەران، سیدەكان، مێرگەسۆر، خەلیفان و رانیە بە ھۆی بەردەوامیی بەفربارینەوە گیراون.

ناوبراو دەشڵێت:" ھیواخوازین شوفێران و ھاووڵاتیان لەو ناوچانە ھاتوچۆ رابگرن تا تیمەكان بتوانن رێگاكان پاك بكەنەوە".

 

سیروان سابیر

 




دوایین هەواڵەکان

دەسەڵات بە بەڕێوەبەرە گشتییەكان دراوە بەپێی پێویست مامۆستای وانەبێژ وەربگرن

MONDAY, 01 MARCH 2021 10:03:45

ھەولێر-KDP.info- وەزارەتی پەروەردەی حكوومەتی ھەرێمی كوردستان، فۆڕمێكی ئامادە كردووە بۆ ئەوەی لە ھەر بەڕێوەبەرایەتییەك پێویستیان بە وانەبێژ ھەبێت، دەتوانن بەپێی پێویست وەریان بگرن، سەرۆكی یەكێتیی مامۆستایانی كوردستانیش دەڵێ، بەپێی چەند مەرجێك وانەبێژان وەردەگرن و ئەمجارەش دەسەڵات بە بەڕێوەبەری گشتیی پەروەردەكان دراوە.

"لێبووردەیی و پێكەوەژیان لە هزری بارزانیی نەمردا چەسپاو و نەگۆڕ بوو"

MONDAY, 01 MARCH 2021 10:03:24

هەولێر-KDP.info- لە یادی ٤۲ـەمین ساڵڕۆژی مەرگی ژەنەڕاڵی كورد مەلا مستەفا بارزانی، نووسین و توێژینەوە لەسەر هەر لایەنێك لە بوارە فرەڕەهەندەكانی هزر و دیدگای مەلا مستەفای بارزانی  وەكو ڕێبەرێكی كارێزمایی، كارێكی ئاسایی و ئاسان نییە، وەك مامۆستایەكی پسپۆڕ لە مێژووی هاوچەرخی كورد دەڵێت، پێویستی بە خوێندنەوەیەكی ورد و ڕوانگەیەكی قوڵ بە مێژووی دەركەوتن و هەڵكەوتن و پاشانیش سەركەوتنی ئەو سەركردە مەزنە هەیە.

"پێشانگایەک بۆ کۆمپانیاکانی چین و کوردستان بەڕێوە دەچێت"

SUNDAY, 28 FEBRUARY 2021 17:02:01

هەولێر-KDP.info- بڕیارە لە سەرەتای مانگی داھاتوو پیشانگایەک بۆ کۆمپانیاکانی ھەرێمی کوردستان و وڵاتی چین بەڕێوە بچێت و سەرۆکی لقی ھەولێری یەکێتیی ھاوردە و ھەناردەکارانیش دەڵێت، چین دەیەوێت ڕۆڵی ھەبێت لە کەرتی بازرگانیی ھەرێمی کوردستان.

 

سبەی پەرلەمانتارێکی پارتی سوێندی یاسایی دەخوات

SUNDAY, 28 FEBRUARY 2021 16:02:34

ھەولێر -KDP.info- سکرتێری پەرلەمانی کوردستان گوتی، بڕیارە سبەی پەرلەمانی کوردستان کۆ بێتەوە و وەرزێکی نوێی یاسادانان دەست پێ بکات و بەرنامەی کاری کۆبوونەوەی سبەی لە پێنج خاڵ پێک ھاتووە، یەکێک لەوانە کاندیدێکی نوێی پارتی دیموکراتی کوردستان لە شوێنی ئومێد خۆشناو سوێندی یاسایی دەخوات.

 

حسێن قائیدی: یاسای ڕزگاربووانی دەستی داعش یاسایەکی مرۆڤییە

SUNDAY, 28 FEBRUARY 2021 15:02:23

دهۆک-KDP.info-  بەرپرسی نووسینگەی ڕفێنراوانی کوردی ئێزدی لە پاریزگای دهۆک ڕایگەیاند، بریارە ڕۆژی دووشەممە دەنگ بە یاسای ڕزگاربووانی دەستی داعش بدرێت.

 



 
© 2020 Kurdistan Democratic Party, KDP

Contact