Kurdî  ■  كوردی  ■  عربي
FRI, 21 FEB 2020 12:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پێشھات و كاردانەوەكان تایبەت بە پلانی ئاشتیی ڕۆژھەڵاتی ناوەڕاست
| KDP.info


محەمەد عەلی

ئەوەی لەم چەند رۆژەی رابردوودا بووەتە جێگەی پرسیار بۆ ناوەندە میدیاییەكان و شرۆڤەكارانی سیاسی، بۆچی لەو كات و ساتەدا سەرۆك (دۆناڵد ترەمپ) پلانی ئەمەریكای بۆ ئاشتیی رۆژھەڵاتی ناوەڕاست، كە بە (ڕێككەوتننامەی سەدە) ناو دەبرێت، ڕاگەیاند؟ ئەوەی تا ئێستاش ڕوونە، ئەم ھەنگاوە دەمێكە ئامادە كراوە و كاری جددیشی لەسەر ئەرزی واقعدا بۆ كراوە، بۆیە ڕاگەیاندنی لەو كاتەدا، بە مانای تەواوكردنی گشت ئامادەكارییەكانی ئەم ڕێككەوتننامەیە دێت.

ئەگەر سەیری بارودۆخی ڕۆژھەڵاتی ناوەڕاست بە گشتی و ھاوسێ عەرەبەكانی ئیسڕائیل بكەین، لە ئێستادا لە ھەموو كاتێك زیاتر بارودۆخیان شڵەژاو و ناسەقامگیرە ھەم لە رووی ئەمنی و هەم لە ڕووی ئابووری و سیاسیشەوە، كە بە ھیچ شێوەیەك بواریان نادات بتوانن كاردانەوە بنوێنن بەرامبەر بەم ھەنگاوەی ئەمەریكا، لەلایەكی ترەوە پێشھات و گۆڕانكارییەكان لە ماوەی ڕابردوودا بە تایبەتی دوای نەمانی زۆرینەی ڕژێمە عەرەبییەكان، ئەم وڵاتانەی بە ئاراستەی ململانێی مەزھەبگەری ئاراستە كرد، بەو ھۆكارەی باڵانسی ھێز لە نێوان شیعە و سوننەدا تەواو گۆڕا و ئێرانیش توانی ھەژموونی خۆی بەسەر زۆرینەی وڵاتانی ناوچەكەدا بسەپێنێ، ئیدی ململانێ مەزھەبییەكان و چارەسەركردنی بارودۆخی ناسەقامگیری ئەم وڵاتانە، كاری لەپێشینەیانە، نەك كێشەی فەلەستین.

ڕەوشی حكومڕانی فەلەستینییەكان بە جۆرێكە شایەنی باسكردن نییە، ئیسڕائیلیش بە درێژكردنەوەی گەمارۆكان و بڕینی یارمەتییەكان كە لە دەرەوەی سنوور بۆیان دەھات، حكومەتی فەلەستینی تەواو ئیفلیج كردووە، ئۆپەراسیۆنە سەربازی و بۆردوومانە بەردەوامەكانی سوپایی ئیسڕائیلیش، شتێكی نەھێشتۆتەوە بە ناوی ژێرخانی ئابووریی ئەم وڵاتە، بۆیە یەكێك لە خاڵە ھەرە سەرەكییەكانی پلانی ئاشتی، بەگەڕخستنی سەرمایەیەكی گەورەیە بە بڕی ٥٠ ملیار دۆلار لە بووژانەوەی وڵاتی داھاتووی فەلەستین، كە ھەلی كار بۆ ملیۆنێك كەس دەڕەخسێنێت، ئەمەش پەیامێكی ڕوونی (سەرۆك ترەمپ) بوو و ڕازی بوون بە پلانی ئاشتی بەرامبەر بە چاككردنی رەوشی ئابووری و گێڕانەوەی سەقامگیری بۆ فەلەستینییەكان.

دەبێ ئەوەش لەبیر نەكەین، ماوەی یەك سەدە كێشەی فەلەستین تاكە پرسی وڵاتانی عەرەبی بوو، بەڵام لە ئێستادا بە دەیان كێشەی لەو جۆرە لە ناوچەكەدا بوونیان ھەیە، ئەم گۆڕانكاریانەش كێشەی فەلەستینیان كردۆتە پرسێكی لاوەكی و زۆر جێگەی بایەخی دەسەڵاتداران و جەماوەری وڵاتانی عەرەب و ئیسلامی نییە، بەو پێیەی لە ڕابردوودا لێدوانێكی سادەی دژ بە كێشەی فەلەستین، پایتەختی زۆرینەی وڵاتانی عەرەبی و ئیسلامی، گەورەترین خۆپیشاندانی بەخۆیەوە دەبینی، كەچی دوای راگەیاندنی پلانی ئاشتیی رۆژھەڵاتی ناوەڕاست، كە قودس دەكاتە پایتەختی ئیسڕائیل، شتێكی لەو جۆرە ھەستی پێ نەكرا.

لەسەر ئاستی زلھێزانی ھەرێمییش، ئەوانەی خۆیان بە خاوەنی كێشەی فەلەستین دەزانی، بە تایبەتی ئێران و توركیا، بارودۆخیان بە جۆرێكە كە كاردانەوەیان بەرامبەر پلانی ئاشتیی ڕۆژھەڵاتی ناوەڕاست جگە لە چەند لێدوانێكی شەرمنانە، ھیچی تر نەبوو، ئەمە لە كاتێكدایە لە ڕابردوودا ئێران ھەڕەشەی وێرانكردنی ئیسڕائیل و سڕینەووەی دەكرد لەسەر نەخشەی جیھان و توركیاش لە بەرامبەر شكاندنی ئابڵووقەی سەر كەرتی غەززە، ئامادە بوو گەورەترین سەركێشی بكات و كەشتیی ھاوكاری بۆ ئەم بەشەی فەلەستین بنێرێت و لەو پێناوەشدا ھەموو پەیوەندییەكانی لەگەڵ ئیسڕائیل بپچڕێنێت .

ئەگەر لە ڕابردوودا جۆرێك لە جیاوازیی تێڕوانین ھەبووبێت سەبارەت بە شێوازی چارەسەركردنی كێشەكانی ڕۆژھەڵاتی ناوەڕاست لە نێوان بلۆكی رۆژھەڵاتی بە سەركردایەتیی ڕووسیا كە زۆرینەی كات پاڵپشتی وڵاتانی عەرەبی بوو بە تایبەتی (عێراق و سووریا و میسر) لە پرسی ململانێی عەرەب -ئیسڕائیل، لە بەرامبەردا ڕۆژئاوا بە ڕابەرایەتیی ئەمەریكا ھەموو كات لای ئیسڕائیلیان گرتووە، بەڵام دوای ڕووداوەكانی گۆڕینی ڕژێم لە عێراق و بەھاری عەرەبی، ئیدی شتێك بە ناوی ململانێ بوونی نەماوە، بەڵكو لە ئێستادا ئاماژەكان بەو ئاراستەیەن كە ھەردوو زلھێز لێكتێگەیشتنی گشتگیریان بۆ چارەسەری گشت پرسەكانی ناوچەكە ھەبێت.




دوایین هەواڵەکان

"تەنیا بە گەڕانەوەی پێشمەرگە ئارامی بۆ ناوچە کوردستانییەکان دەگەڕێتەوە"

THURSDAY, 20 FEBRUARY 2020 19:02:30

سلێمانی -KDP.info- له‌پاش 16ی ئۆكتۆبه‌ری ٢٠١٧ه‌وه‌ بۆشاییی ئه‌منی له ‌ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان پەیدا بووه‌ و ئه‌مه‌ش پاشماوه‌ و شانه‌ نوستووه‌كانی داعشی چالاك كردووەتەوە‌ و به‌رده‌وام كرده‌ی تیرۆریستی بەڕێوە دەبەن. به‌رپرسانی پارتی دیموكراتی كوردستانیش هۆشداری ده‌ده‌ن و ده‌ڵێن به ‌گه‌ڕانه‌وه‌ی پێشمه‌رگه‌ ئارامی بۆ ناوچه‌كه‌ ده‌گه‌ڕێته‌وه‌.

 
وه‌زیری كاره‌با بڕیارێک له‌ به‌رژوه‌ندیی هه‌موو پارێزگا و قه‌زاكان ده‌دات

THURSDAY, 20 FEBRUARY 2020 15:02:28

هه‌ولێر-KDP.info-گوته‌بێژی وه‌زاره‌تی كاره‌بای حكومه‌تی هه‌رێمی كوردستان گوتی، به‌ بڕیاری وه‌زیری كاره‌بای حكوومه‌تی هه‌رێمی كوردستان ده‌سه‌ڵات‌ به‌ هه‌موو پارێزگا و قه‌زاكان دراوه كه‌ له ‌داهاتی كاره‌با 8%ی بۆ شاره‌كانی خۆیان خه‌رج بكه‌ن.

 

سه‌فار: دووشه‌ممه‌ی داهاتوو ئه‌سته‌مه‌ ده‌نگ به‌ كابینه‌ی نوێ بدرێت

THURSDAY, 20 FEBRUARY 2020 15:02:34

به‌غدا-KDP.info- ئه‌ندامێكی ئه‌نجومه‌نی نوێنه‌رانی عێراق له ‌فراكسیۆنی پارتی دیموكراتی كوردستان گوتی، هیچ حكوومه‌تێك به‌بێ كورد و سوننه‌ سه‌ركه‌وتوو نابێت، بۆیه‌ زه‌حمه‌ته‌ ڕۆژی دووشه‌ممه‌ی داهاتوو بتواندرێت ده‌نگ به‌ كابینه‌ی نوێ بدرێت.

 

له‌ بواری كشتوكاڵدا 44 پڕۆژه‌ به‌ بڕی 73ملیار دینار جێبه‌جێ ده‌كرێن

THURSDAY, 20 FEBRUARY 2020 15:02:29

هه‌ولێر -KDP.info- گوته‌بێژی ڕاگه‌یاندنی وه‌زاره‌تی كشتوكاڵی حكوومه‌تی هه‌رێمی كوردستان گوتی، پلانێكیان ئاماده ‌كردووه‌ كه‌ 44 پڕۆژه‌ی بواری كشتوكاڵ له‌خۆ ده‌گرێت و به‌ بڕی زیاتر له ‌70ملیار دینار له‌ هه‌رێمی كوردستان جێبه‌جێ ده‌كرێن، بۆ ئه‌وه‌ی گرنگی به‌ به‌رهه‌می خۆماڵی بدرێت و هاوردكردنی به‌رهه‌می ده‌ره‌كی كه‌م بكرێته‌وه‌.

 

فراكسیۆ‌نە كوردستانییەكان: به‌ یه‌كهه‌ڵوێستیمان نامەیەكی بەهێزمان داوه‌ته‌ ناوەوه‌ و ده‌ره‌وه‌ی عێراق

THURSDAY, 20 FEBRUARY 2020 13:02:26

هەولێر-KDP.info- فراكسیۆ‌نە كوردستانییەكان له‌ ئه‌نجوومه‌نی نوێنه‌رانی عێراق ده‌ڵێن، لەم قۆناغەدا سوورین لەسەر ئەوەی یەكڕیزی و یەكدەنگی بپارێزین و بەردەوامیش ده‌بین له‌سه‌ر یه‌كڕیزی له‌ پێناو به‌رژه‌وه‌ندیه‌ باڵاكانی كوردستان ده‌شڵێن، لەسەر ڕاسپاردەی سەرۆكی هەرێمی كوردستان، لەگەڵ سەرۆكی ڕاسپێردراو بۆ حكوومەتی عێراق قسەمان كرد دەربارەی ئەو بابەتانەی پەیوەندییان بە كوردستانەوە هەیە."

 


 
© 2020 Kurdistan Democratic Party, KDP