Kurdî  ■  كوردی  ■  عربي
FRI, 21 FEB 2020 11:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە داڤۆس.. هەرێمێك لە ناو دەوڵەتاندا
| KDP.info


ئاریان فەرەج

هەرێمێك لە ناونیشانە یاساییەكەی گەورەتر، تاكە جوگرافیایەك بێ ئەوەی دەوڵەت بێت، ئیرادە و دووربینی و سیاسەتی ئابوریی دروست، خستبێتییە سەر نەخشەی ووزەی جیهانی، هەرێمێك توانیبێتی بە كەمترین دەرفەت، سەرباری دژایەتی و ئاستەنگ، گەشە بكات و ببوژێتەوە و سەرنجی دونیا راكێشێ، لە نێو كێڵگەی بەرهەمهێنانی توندئاژۆییدا بێت و بەڵام نەك هەرتۆوی توندرۆیی تێدا نەتروكێ، بەڵكە سەنگەری یەكەمی دژایەتی تیرۆربێ، سەرۆكەكەی لە جەنگی شكاندنی ئەفسانەی داعشدا، پێشمەرگەی مەیدان بێ.

هەرێمێك لە نێو دەوروبەرێكی بارگاوی بە رق و تۆڵەكاری، بێ ئامان و بێ ئۆقرە و هەمیشە قەیراناویدا، لێبووردەیی و ئاشتەوایی و پێكەوەژیان كولتووری بێت، لە تەواوی رۆژهەڵاتی ناوەڕاستدا تاكە ناوچەیەك بێت هەموو تایەفە بەشەڕهاتووەكان، پەیڕەوانی ئایینزا پێكناكۆكەكان، پەنای بۆ بێنن و تییدا ئۆقرەبگرن و ملیۆنان ئاوارە و لێقەوماوی شەڕ داڵدە بدات.

هەرێمێك بتوانێ لە نێو ئاگرباراندا، نیعمەتی ئاساییش بە ئاستێك دابین بكات، نەك هەر دانیشتووانەكەی، بەڵكە میوانان، دیبلۆماتكاران، وەبەرهێنەران لەهەر چوارگۆشەی دونیاوە بێ سڵەمینەوە رووی تێبكەن و ئاسودە و پارێزراو بن.

هەرێمێك لە ناوچەیەكدا كە قەیرانی حوكمڕانی، نەمانی پردی متمانەی نێوان گەلان و حكومەتان و لێكترازانی سیاسی ناونیشانی بن، ئەم بپەرژێتە سەر یەكخستنی نێوماڵ، چاكسازی و عەدالەتخوازی، هەنگاو بەرەو حوكمداریی رەشید.

هەرێمێك لە ژینگەیەكی نامۆ بە دیموكراسی و تەژی لە تاكڕەوی و نكۆڵیكاری و پاكتاوخوازیدا، دەست و پەنجە لەگەڵ ئازادی، فرەیی سیاسی و بەها سەردەمییەكاندا نەرم بكات، لە دەوروبەرێكی داڕوخاودا، بیناكاری هەڵچنێ و لە نێو مەرگدۆستیدا، ژیاندۆستی بژێنێتەوە.

هەرێمێك بتوانێ هاوسەنگیی خۆی لە ململانێی تەشەنەسەندووی ناوچەكەدا بپارێزێ، لە نێو پەرچەكردارو هەڵچووندا، عەقڵانییەت و ئارامی لەدەستنەدات، رێچارەی هێوربوونەوە پیشانی بەشەڕهاتووەكان بدات، پەرۆشی بەردەوامیی هاوپەیمانیی ناوچەیی و نێودەوڵەتی بێت دژ بە داعشی دوژمنی هاوبەشی هەمووان، لە نێوان دراوسێ و دۆست و هاوپەیماناندا فاكتەری لێكگەیشتن بێت، كاربكات گەلەكەی و گەلانی مەینەتدیدەی عێراق و ناوچەكەش بە ئاگری شەڕ نەسوتێن و خاكیان نەبێتە گۆڕەپانی یەكلاكردنەوەی ململانێ.

هەرێمێك بەم پەیام و روانگایەوە، بە توێشووی ئەزمونێكی سەركەوتووی دەگمەن لە نێو ژینگەیەكی پڕ شكستدا، هەرێمێك كە بەشێك نییە لە هۆكاری كێشە و بەدبەختییەكانی ناوچەكە، دەتوانێ بەشێكی كاریگەر و لێوەشاوەی چارەسەربێت، هەر بۆیەش لە كۆڕبەندی جیهانیان و لەهەر مەحفەلێكدا سۆراغی چارەسەر بكرێت، هەمیشە كوردستان بە قەبارەی دەوڵەت، دەوڵەتێكی كاریگەر، بانگهێشتكراو و رێزلێگیراو و گوێلێگیراوە.

پەرۆشیی ئامادەكارانی كۆڕبەندیی ئابوری داڤۆس بۆ بانگهێشتی ساڵانەی سەرۆك و رابەرانی كوردستان، بە تایبەتیش ئەمساڵ كە ناوچەكە لە هەژان و بەردەم پێشهاتی ترسناكدایە، پێشوازیی شاندی كوردستان لەسەر بەرزترین ئاستی بەشداران، كۆبونەوەی سەرۆك ترەمپ و سەرۆك نیچیرڤان بارزانی، لە سادەترین لێكدانەوەدا، نزیكبوونەوەی بڕیاربەدەستانی جیهانە لەو راستییە ویژدانییەی هەمیشە سەرۆك مەسعود بارزانی بە گوێیدا دەدان و دەیگووت: ئێمە هۆكاری بێ ئۆقرەیی نین لە ناوچەكەدا، ئێمە عاملی ئیستقرارین.




دوایین هەواڵەکان

"تەنیا بە گەڕانەوەی پێشمەرگە ئارامی بۆ ناوچە کوردستانییەکان دەگەڕێتەوە"

THURSDAY, 20 FEBRUARY 2020 19:02:30

سلێمانی -KDP.info- له‌پاش 16ی ئۆكتۆبه‌ری ٢٠١٧ه‌وه‌ بۆشاییی ئه‌منی له ‌ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان پەیدا بووه‌ و ئه‌مه‌ش پاشماوه‌ و شانه‌ نوستووه‌كانی داعشی چالاك كردووەتەوە‌ و به‌رده‌وام كرده‌ی تیرۆریستی بەڕێوە دەبەن. به‌رپرسانی پارتی دیموكراتی كوردستانیش هۆشداری ده‌ده‌ن و ده‌ڵێن به ‌گه‌ڕانه‌وه‌ی پێشمه‌رگه‌ ئارامی بۆ ناوچه‌كه‌ ده‌گه‌ڕێته‌وه‌.

 
وه‌زیری كاره‌با بڕیارێک له‌ به‌رژوه‌ندیی هه‌موو پارێزگا و قه‌زاكان ده‌دات

THURSDAY, 20 FEBRUARY 2020 15:02:28

هه‌ولێر-KDP.info-گوته‌بێژی وه‌زاره‌تی كاره‌بای حكومه‌تی هه‌رێمی كوردستان گوتی، به‌ بڕیاری وه‌زیری كاره‌بای حكوومه‌تی هه‌رێمی كوردستان ده‌سه‌ڵات‌ به‌ هه‌موو پارێزگا و قه‌زاكان دراوه كه‌ له ‌داهاتی كاره‌با 8%ی بۆ شاره‌كانی خۆیان خه‌رج بكه‌ن.

 

سه‌فار: دووشه‌ممه‌ی داهاتوو ئه‌سته‌مه‌ ده‌نگ به‌ كابینه‌ی نوێ بدرێت

THURSDAY, 20 FEBRUARY 2020 15:02:34

به‌غدا-KDP.info- ئه‌ندامێكی ئه‌نجومه‌نی نوێنه‌رانی عێراق له ‌فراكسیۆنی پارتی دیموكراتی كوردستان گوتی، هیچ حكوومه‌تێك به‌بێ كورد و سوننه‌ سه‌ركه‌وتوو نابێت، بۆیه‌ زه‌حمه‌ته‌ ڕۆژی دووشه‌ممه‌ی داهاتوو بتواندرێت ده‌نگ به‌ كابینه‌ی نوێ بدرێت.

 

له‌ بواری كشتوكاڵدا 44 پڕۆژه‌ به‌ بڕی 73ملیار دینار جێبه‌جێ ده‌كرێن

THURSDAY, 20 FEBRUARY 2020 15:02:29

هه‌ولێر -KDP.info- گوته‌بێژی ڕاگه‌یاندنی وه‌زاره‌تی كشتوكاڵی حكوومه‌تی هه‌رێمی كوردستان گوتی، پلانێكیان ئاماده ‌كردووه‌ كه‌ 44 پڕۆژه‌ی بواری كشتوكاڵ له‌خۆ ده‌گرێت و به‌ بڕی زیاتر له ‌70ملیار دینار له‌ هه‌رێمی كوردستان جێبه‌جێ ده‌كرێن، بۆ ئه‌وه‌ی گرنگی به‌ به‌رهه‌می خۆماڵی بدرێت و هاوردكردنی به‌رهه‌می ده‌ره‌كی كه‌م بكرێته‌وه‌.

 

فراكسیۆ‌نە كوردستانییەكان: به‌ یه‌كهه‌ڵوێستیمان نامەیەكی بەهێزمان داوه‌ته‌ ناوەوه‌ و ده‌ره‌وه‌ی عێراق

THURSDAY, 20 FEBRUARY 2020 13:02:26

هەولێر-KDP.info- فراكسیۆ‌نە كوردستانییەكان له‌ ئه‌نجوومه‌نی نوێنه‌رانی عێراق ده‌ڵێن، لەم قۆناغەدا سوورین لەسەر ئەوەی یەكڕیزی و یەكدەنگی بپارێزین و بەردەوامیش ده‌بین له‌سه‌ر یه‌كڕیزی له‌ پێناو به‌رژه‌وه‌ندیه‌ باڵاكانی كوردستان ده‌شڵێن، لەسەر ڕاسپاردەی سەرۆكی هەرێمی كوردستان، لەگەڵ سەرۆكی ڕاسپێردراو بۆ حكوومەتی عێراق قسەمان كرد دەربارەی ئەو بابەتانەی پەیوەندییان بە كوردستانەوە هەیە."

 


 
© 2020 Kurdistan Democratic Party, KDP