Kurdî  ■  كوردی  ■  عربي
MON, 6 APR 2020 09:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

زه‌رده‌شت تۆفیق: كۆبوونه‌وه‌ی نێچیرڤان بارزانی و دۆناڵد ترامپ پێوه‌ندیی ئەمەریکا و كوردستان ده‌باته‌ قۆناخێكی نوێ
| KDP.info


ئەمەریکا - KDP.info - سه‌رۆكی هه‌رێمی كوردستان نێچیرڤان بارزانی له‌ کۆڕبه‌ندی ئابووریی جیهانیی داڤۆسدا به‌شداری ده‌كات و چاوی به‌ به‌رپرسانی باڵای وڵاتانی جیهان ده‌كه‌وێت، دیداری تایبه‌تی له‌گه‌ڵ سه‌رۆكی ئەمەریکا ده‌بێت.

زه‌رده‌شت تۆفیق به‌گ، ڕاوێژكاری حزبی كۆمارییه‌كانی ئەمەریکا، به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "به‌هێزیی پێگه‌ی سه‌رۆكی هه‌رێمی كوردستان و خودی كوردستان ده‌رده‌خات، کە سه‌رۆك دۆناڵد ترامپ له‌ داواكاری زیاتر له‌ 100 سه‌رۆك و سه‌رۆكوه‌زیران و وه‌زیری داراییی وڵاتان داوای كۆبوونه‌وه‌ی له‌گه‌ڵ سه‌رۆكی هەرێمی کوردستان كردووه‌، كاتێك سه‌رۆك ده‌یه‌وێت له‌گه‌ڵ سه‌رۆكی هه‌رێمی كوردستان كۆ ببێته‌وه‌، كه‌واته‌ پێگه‌ی دیپلۆماسیی سه‌رۆك نێچیرڤان بارزانی له‌سه‌ر ئاستی جیهان به‌هێزه".

زه‌رده‌شت تۆفیق به‌گ گوتیشی: "لە كۆبوونه‌وه‌ی سه‌رۆكی ئەمەریکا و سه‌رۆكی هه‌رێمی كوردستاندا، سەرۆک ترامپ و سەرۆک نێچیرڤان بارزانی باس له‌ دۆخی سیاسی و ئابووریی كوردستان و عێراق و ناوچه‌كه‌ ده‌كه‌ن، سه‌رۆكی كوردستان له ‌کۆبوونەوە‌ی له‌گه‌ڵ سه‌رۆكی ئەمەریکا باس له‌ داواكارییه‌كانی كورد له‌ ئەمەریکا ده‌كات".

ناوبراو زیاتر گوتی: "ئەمەریکا و كوردستان پێویستیان به ‌یه‌ك بووه‌، به‌ڵام پاش دیدار و کۆبوونەوە‌ی هه‌ردوو سه‌رۆك، ترامپ و نێچیرڤان بارزانی، پێوه‌ندییه‌كانی كوردستان و ئەمەریکا ده‌چێته‌ قۆناخێكی تره‌وه و‌ گۆڕانكاریی له‌ پێوه‌ندییه‌كانی ده‌ره‌وه‌ی كوردستاندا پێک دێت".

له‌ كۆڕبه‌ندی ئابووریی جیهانی داڤۆسدا 153 سه‌رۆك و سه‌رۆكوه‌زیر و سه‌دان وه‌زیر و سه‌رمایه‌دار و شاره‌زا به‌شداری ده‌كه‌ن بۆ ماوه‌ی سێ ڕۆژ ده‌خایه‌نێت.

دیداری هه‌ردوو سه‌رۆك له‌باره‌ی ئابوورییه‌وه‌

ڕاوێژكاره‌كه‌ی حزبی كۆمارییه‌كانی ئەمەریکا ئاماژه‌ به‌وه ‌ده‌كات: "به‌شێكی تایبه‌تی کۆبوونەوە‌ی هه‌ردوو سه‌رۆك جگه‌ له‌ پێوه‌ندیی سیاسی و دیپلۆماسی، باسی ئابووری ده‌بێت و ئه‌م کۆبوونەوە‌یه ‌فرسه‌تێكی زێڕینه‌ بۆ ئەوەی پێوه‌ندیی ئابووریی كوردستان و ئەمەریکا په‌ره ‌پێ بده‌ن".

گوتیشی: "کۆبوونەوە‌ی سه‌رۆكی ئەمەریکا و كوردستان پێگه‌یه‌كی به‌هێز له‌سه‌ر ئاستی وڵاتانی ناوچه‌كه‌ و جیهان به‌ هه‌رێمی كوردستان ده‌دات و، پێوه‌ندییه‌كانی كوردستان له‌ قۆناخێكه‌وه‌ ده‌باته‌ قۆناخێكی تره‌وه‌".

بڕیاره‌ به‌یانی 22/1/2020 له‌ په‌راوێزی كۆربه‌ندی ئابووریی جیهانیی داڤۆس، سه‌رۆكی هه‌رێمی كوردستان، نێچیرڤان بارزانی و دۆناڵد ترامپ، سه‌رۆكی ئەمەریکا كۆ ببنه‌وه‌.


عه‌زیز ڕه‌سووڵ

 




دوایین هەواڵەکان

ڕاگەیێندراوی بارەگای بارزانی لە ساڵیادی جینۆسایدكردنی كوردە فەیلییەكان

SUNDAY, 05 APRIL 2020 22:04:10

هەولێر-KDP.info- چل ساڵ بەسەر تاوانی ئەنفال و جینوسایدكردنی كوردە فەیلییەكان لە لایەن ڕژێمی پێشووی عێراق تێدەپەڕێت، كە تێیدا دوازدە هەزار كوردی فەیلی ئەنفال و شوێنبزر و شەهید كران. جینۆسایدكردنی كوردە فەیلییەكان درێژكراوەی ئەو زنجیرە تاوانانە بوو كە لە سەدەی بیستەمدا لە لایەن ڕژێمە یەك لەدوای یەكەكانی عێراق، دژی گەلی كوردستان ئەنجام دراون.

لەبارەی کەمپینی کۆکردنەوەی پارە هۆشداری دەدرێت

SUNDAY, 05 APRIL 2020 19:04:29

هەولێر-KDP.info-  سەرچاوەیەك لە ئەنجومەنی وەزیرانی هەرێمی كوردستانەوە رایگەیاند، هیچ كەمپینێك بۆ كۆكردنەوەی پارە بەناوی هاوكاری رێگەپێدراو نییە و بۆ هیچ كەسێك یان لایەنێک نییە كەمپین رابگەیەنێت.

دەزگای خێرخوازی بارزانی لە دابه‌شكردنی خۆراك له‌ هه‌ڵه‌بجه‌ و سلێمانی و گه‌رمیان و ڕاپه‌ڕین به‌رده‌وام ده‌بێت

SUNDAY, 05 APRIL 2020 17:04:31

سلێمانی-KDP.info- له‌گه‌ڵ ڕاگه‌یاندنی قه‌ده‌خه‌ی هاتوچۆ به‌هۆی بڵاوبوونه‌وه‌ی ڤایرۆسی كۆرۆنا، ده‌زگای خێرخوازیی بارزانی هه‌ڵمه‌تێكی گه‌وره‌ی له‌ سه‌رتاسه‌ری كوردستان ده‌ست پێ كرد، به‌ دابه‌شكردنی سه‌به‌ته‌ی خۆراك بۆ ئه‌و خێزانانه‌ی پێویستیان پێییه‌تی.

 

"نەخۆشخانەی ڕزگاری دەبێتە ناوەندی چارەسەری کۆرۆنا"

SUNDAY, 05 APRIL 2020 16:04:16

هه‌ولێر-KDP.info-  دوای زیادبوونی ژمارەی تووشبوانی ڤایرۆسی کۆرۆنا، بەڕێوەبەرایەتیی گشتیی تەندروستیی ھەولێر، نەخۆشخانەی ڕزگاریی ئامادە کردووە و بەڕێوەبەری گشتیی تەندروستیی ھەولێریش دەڵێ، نەخۆشخانەی ڕزگاریی ھەولێر ٤٠٠ قەرەوێلەیە و ئامادەیە بۆ چارەسەرکردن.

 

ورده‌كاریی دروستكردنی یه‌كه‌یه‌كی ژمێریاری بۆ وه‌زاره‌تی پێشمه‌رگه‌ له ‌یاسای چاكسازیدا

SUNDAY, 05 APRIL 2020 15:04:21

هه‌ولێر-KDP.info-  سه‌رۆكی لیژنه‌ی پێشمه‌رگەی په‌رله‌مانی كوردستان گوتی، حكوومه‌تی هه‌رێمی كوردستان ده‌ستی به ‌جێبه‌جێكردنی یاسای چاكسازی كردووه‌ و ئه‌و یاسایەدا سوودی زۆری بۆ پێشمه‌رگه‌ ده‌بێت، چونكه‌ هه‌موو هێزه‌كانی پێشمەرگه‌ له ‌چوارچێوه‌ی یه‌ك یه‌كه‌ی ژمێریاریدا مووچه‌ وه‌رده‌گرن و هیچ كه‌سێك ناتوانێ به‌ نایاسایی مووچه‌ وه‌رگرێت و بۆ هه‌ر پێشمه‌رگه‌یه‌ك چه‌ك دروست ده‌كرێت و له‌ بانك مووچه‌ وه‌رده‌گرێت، به‌مه‌ش هه‌موو هێزی پێشمه‌رگه‌ له‌ چوارچێوه‌ی وه‌زاره‌تی پێشمه‌رگەدا‌ ده‌بێت و پاره‌ش له‌ ده‌ست ئه‌وان ده‌بێت.

 



 
© 2020 Kurdistan Democratic Party, KDP