Kurdî  ■  كوردی  ■  عربي
FRI, 21 FEB 2020 12:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

له‌ داڤۆس نێچیرڤان بارزانی سه‌ركرده‌ ژیره‌كه‌ى رۆژهه‌ڵاتی ناوین له‌ ناسه‌قامگیرییه‌كه‌ ده‌ده‌وێ
| KDP.info


د.محه‌مه‌د خدرمولود 

باس باسی كۆڕبه‌ندی ساڵانه‌ی ئابووری داڤۆس و به‌شداری فه‌رمی و كارای نێچیرڤان بارزانی سه‌رۆكی هه‌رێمی كوردستانه‌، له‌ په‌نجاهه‌مین دیداری ساڵانه‌ی كۆڕبه‌نده‌كه‌دا، به‌رێزیان ئه‌مساڵ له‌ نێو ده‌یان سه‌ركرده‌ و به‌رپرسی باڵای جیهانیدا، یه‌كێكن‌ له‌و سه‌ركرده‌ به‌شداره‌‌ دیارانه‌ی كورد و رۆژهه‌ڵاتی ناوه‌راست كه به ‌بابه‌ت و گوتار به‌شدارێكی كارای پانێڵی (رۆژهه‌ڵاتی ناسه‌قامگیر) ده‌كات. 

هه‌ر له‌ داڤۆس دا سه‌رۆكی هه‌رێمی كوردستان له‌ په‌راوێز و له‌ نێو ژووره‌كان، چه‌ندین دیداری گرنگ و بایه‌خداریشی هه‌یه‌. له‌كاتێكدا ئه‌و دیدار و كۆبوونه‌وانه‌ی په‌راوێزی داڤۆس گرنگی و بایه‌خیان له‌ میتینگه‌كاندا زیاتره‌ له‌و دیدارانه‌ی هه‌ن، گرنگترینیان وه‌ك كۆشكی سپی ئه‌مریكایش رایگه‌یاندووه‌ دیداریه‌تی له‌گه‌ڵ دۆ‌ناڵد تڕه‌مپی سه‌رۆكی ئه‌مریكا.

له‌وه‌ته‌ی داڤۆس ساڵانه‌ ئه‌و كۆڕبه‌نده‌ی خۆی سازده‌كات، حكومه‌تی هه‌رێمی كوردستان و سه‌ركردایه‌تییه‌ سیاسییه‌كه‌ی له‌ ساڵی 2014 وه‌ ئاشنای ئه‌و كۆڕبه‌نده‌ ئابوریه‌ جیهانییه‌ بووه‌و به‌هۆی به‌شداربوونی كارای سه‌رۆك مه‌سعود بارزانی له‌ ساڵی 2014 و گوتاره‌ گرنگه‌ مێژووییه‌كه‌ی له‌ پانێڵه‌كه‌ی ئه‌و ساڵه‌ی كۆڕبه‌نده‌كه‌دا، ناوه‌نده‌ گرنگه‌ بڕیار به‌ده‌سته‌كانی جیهان، هه‌ر له‌ ناوه‌ندی میدیایی و سیاسییه‌وه‌ تا ناوه‌ند و سه‌نته‌ره‌كانی توێژینه‌وه‌ی ستراتیژی بواره‌ جیاجیاكان، باشتر و وردتر ئاشنای بارودۆخی كوردستان و پرسی سیاسی و ئابوری و ژێرخان وسه‌رخانی ناوچه‌كه‌ و گرفته‌ كه‌ڵه‌كه‌بووه‌كانی بوونه‌.

له‌وساوه‌ له‌ سۆنگه‌ی به‌شداری سه‌رۆك مه‌سعود بارزانی له‌دیدار و میتینگه‌كانی داڤۆسدا، ئه‌و ناوه‌ندانه‌ی جیهان خوێندنه‌وه‌یه‌كی واقیع بینانه‌تر و وردتر بۆ ئه‌و ناوچه‌یه‌ ده‌كه‌ن، ئه‌و ناوچه‌یه‌ی وا به‌ئاسانی‌ ناچێته‌ ژێر ئاراسته‌ی هاوكێشه‌ جیۆسیاسی و گه‌شه‌ی ئابووری و پرنسیپه‌ نه‌گۆڕه‌ به‌رنامه‌ بۆ دارێژراوه‌كان و ئه‌و ناوچه‌یه‌ی هه‌ڵئاوساوترین ناوچه‌ی جیهانه‌ به‌ پێشهات و رووداوی چاوه‌ڕوان نه‌كراوی له‌ناكاوی دوور له‌ پێشبینی و به‌رنامه‌ و پلان  و نه‌خشه‌به‌ندی. 

سه‌رۆك بارزانی جگه‌ له‌ ئاماده‌نه‌بوونی له‌ داڤۆسی 2016 له‌به‌ر توندوتیژی شه‌ڕ و په‌لامار و هێرشه‌كانی داعشدا كه‌ نه‌ده‌كرا سه‌رۆك و پێشمه‌رگه‌ی كوردستان به‌ره‌كانی شه‌ڕ به‌جێبێڵێ، ئه‌و چه‌ندین جاره‌ی به‌رێزیان به‌شداربوو به‌ گوتار و میتینگه‌كانی، داڤۆسیه‌كان به‌ سه‌رۆك و به‌رپرسێكی باڵای ستراتیژبینی ئاشكراگۆی ئازاو قاره‌مان و ئاشتی پارێزی میانڕه‌وی خاوه‌ن دۆز و پرسی ڕه‌وای نه‌ته‌وه‌یه‌ك ئاشنابوون. له‌و ڕوانگه‌یه‌وه‌ش ئاشنای زیاتری پرسی نیشتیمانی و نه‌ته‌وه‌ی گه‌لی كورد بوون كه‌ قه‌ده‌ری وابووه‌ دانیشتوان و هاوڵاتی ره‌سه‌نی نیشتیمانێك بێت له‌ ناوچه‌یێك، كه‌ ناوچه‌یه‌كی ناسه‌قامگیری ته‌ژی له‌ هزری شۆڤینی و یه‌كتر قبوڵنه‌كردن و باڵاده‌ستی هزری نه‌ته‌وه‌یی و ئایینی و مه‌زهه‌بى و تایفه‌گه‌رایی توندڕۆییه‌.

ئه‌وسا سه‌رۆك مه‌سعود بارزانی له‌ داڤۆسی 2014 تا 2017 وه‌ك ژماره‌یه‌ك له‌نێو ژماره‌ گرنگ و مه‌زنه‌كاندا‌، گوتار و میتینگه‌كانی به‌هه‌ند و بایه‌خ  وه‌رگیراوی  ‌داڤۆسه‌ و بۆته‌ سه‌رچاوه‌و بنه‌مای كاری ستراتیژیش بۆ زۆر لایه‌ن له‌ ناوچه‌كه‌دا.

ئێستا نێچیرڤان بارزانی، سه‌رۆكی هه‌رێمی كوردستان وه‌ك ناونیشانی تازه‌ی  سه‌ركرده‌یه‌كی كوردستانی و رۆژهه‌ڵاتی ناوه‌راست، له‌سه‌ر هه‌مان رێچكه‌و رێگا بۆ درێژه‌پێدانی هه‌مان  رێباز و مه‌به‌ست و ئامانجی  سه‌رۆك بارزانی له‌ 20-1- 2018 وه‌ له‌داڤۆسه‌.

نێچیرڤان بارزانی وه‌ك ئه‌و ناونیشانه‌ی نیكۆڵای میلادینۆف، هه‌ماهه‌نگكاری تایبه‌تی نه‌ته‌وه‌یه‌كگرتوه‌كان بۆ پرۆسه‌ی ئاشتی له‌ رۆژهه‌ڵاتی ناوین پێی به‌خشیوه‌و به‌ سه‌ركرده‌ی ژیری رۆژهه‌ڵاتی ناوین، ناوی دێنێ، وا ئه‌وجاره‌یش له‌ داڤۆسه‌، له‌ رۆژی 21-1-2020 دا له‌ خولی په‌نجاهه‌مین كۆربه‌ندی ئابووری جیهانه‌، له‌ نێو ده‌یان  سه‌ركرده‌ و به‌رپرسی باڵای جیهان ئاماده‌بوونێكی كاراو چالاكی ده‌بێ.

ئه‌و، نێچیرڤان بارزانی سه‌ركرده‌ی ژیری رۆژهه‌ڵاتی ناوه‌راست، بۆ ناوچه‌ی (رۆژهه‌ڵاتی ناسه‌قامگیر) گوتاری هه‌یه‌ و قسه‌ی خۆی ده‌كات.

ئه‌و، نێچیرڤان بارزانی سه‌رۆكی هه‌رێمی كوردستان، له‌ په‌راوێزی داڤۆس و له‌ ژووره‌ تایبه‌تییه‌كانی ئه‌وێ دیدار و كۆبوونه‌وه‌ی له‌گه‌ل گه‌وره‌ به‌رپرسان و سه‌رۆكه‌كانی مه‌زن و گه‌وره‌ بزنسمان و چالاكوانانی دیار، له‌ كۆبوونه‌وه‌و میتینگدا ده‌بێ، دیارترینیان دیدار وكۆبوونه‌وه‌یه‌تی له‌ گه‌ڵ سه‌رۆك دۆناڵد تڕه‌مپ دا.

وا ئه‌و جاره‌ش كورد له‌ داڤۆس قسه‌ی خۆی ده‌كات، وا پێویست ده‌كات ئه‌مریكا و داڤۆسییه‌كان ئه‌وجاره‌ باشتر گوێی لێ بگرن و گوێڕایه‌ڵ بن. ئیتر به‌سه‌ با كاتی ئه‌وه‌ به‌سه‌ر بچێ، چیتر خواستی ئه‌و نه‌ته‌وه‌ زوڵملێكراوه‌ی رۆژهه‌ڵاتی ناسه‌قامگیر نه‌بێته‌ قوربانی به‌رژه‌وه‌ندییه‌كان. 

 

 

 

 




دوایین هەواڵەکان

"تەنیا بە گەڕانەوەی پێشمەرگە ئارامی بۆ ناوچە کوردستانییەکان دەگەڕێتەوە"

THURSDAY, 20 FEBRUARY 2020 19:02:30

سلێمانی -KDP.info- له‌پاش 16ی ئۆكتۆبه‌ری ٢٠١٧ه‌وه‌ بۆشاییی ئه‌منی له ‌ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان پەیدا بووه‌ و ئه‌مه‌ش پاشماوه‌ و شانه‌ نوستووه‌كانی داعشی چالاك كردووەتەوە‌ و به‌رده‌وام كرده‌ی تیرۆریستی بەڕێوە دەبەن. به‌رپرسانی پارتی دیموكراتی كوردستانیش هۆشداری ده‌ده‌ن و ده‌ڵێن به ‌گه‌ڕانه‌وه‌ی پێشمه‌رگه‌ ئارامی بۆ ناوچه‌كه‌ ده‌گه‌ڕێته‌وه‌.

 
وه‌زیری كاره‌با بڕیارێک له‌ به‌رژوه‌ندیی هه‌موو پارێزگا و قه‌زاكان ده‌دات

THURSDAY, 20 FEBRUARY 2020 15:02:28

هه‌ولێر-KDP.info-گوته‌بێژی وه‌زاره‌تی كاره‌بای حكومه‌تی هه‌رێمی كوردستان گوتی، به‌ بڕیاری وه‌زیری كاره‌بای حكوومه‌تی هه‌رێمی كوردستان ده‌سه‌ڵات‌ به‌ هه‌موو پارێزگا و قه‌زاكان دراوه كه‌ له ‌داهاتی كاره‌با 8%ی بۆ شاره‌كانی خۆیان خه‌رج بكه‌ن.

 

سه‌فار: دووشه‌ممه‌ی داهاتوو ئه‌سته‌مه‌ ده‌نگ به‌ كابینه‌ی نوێ بدرێت

THURSDAY, 20 FEBRUARY 2020 15:02:34

به‌غدا-KDP.info- ئه‌ندامێكی ئه‌نجومه‌نی نوێنه‌رانی عێراق له ‌فراكسیۆنی پارتی دیموكراتی كوردستان گوتی، هیچ حكوومه‌تێك به‌بێ كورد و سوننه‌ سه‌ركه‌وتوو نابێت، بۆیه‌ زه‌حمه‌ته‌ ڕۆژی دووشه‌ممه‌ی داهاتوو بتواندرێت ده‌نگ به‌ كابینه‌ی نوێ بدرێت.

 

له‌ بواری كشتوكاڵدا 44 پڕۆژه‌ به‌ بڕی 73ملیار دینار جێبه‌جێ ده‌كرێن

THURSDAY, 20 FEBRUARY 2020 15:02:29

هه‌ولێر -KDP.info- گوته‌بێژی ڕاگه‌یاندنی وه‌زاره‌تی كشتوكاڵی حكوومه‌تی هه‌رێمی كوردستان گوتی، پلانێكیان ئاماده ‌كردووه‌ كه‌ 44 پڕۆژه‌ی بواری كشتوكاڵ له‌خۆ ده‌گرێت و به‌ بڕی زیاتر له ‌70ملیار دینار له‌ هه‌رێمی كوردستان جێبه‌جێ ده‌كرێن، بۆ ئه‌وه‌ی گرنگی به‌ به‌رهه‌می خۆماڵی بدرێت و هاوردكردنی به‌رهه‌می ده‌ره‌كی كه‌م بكرێته‌وه‌.

 

فراكسیۆ‌نە كوردستانییەكان: به‌ یه‌كهه‌ڵوێستیمان نامەیەكی بەهێزمان داوه‌ته‌ ناوەوه‌ و ده‌ره‌وه‌ی عێراق

THURSDAY, 20 FEBRUARY 2020 13:02:26

هەولێر-KDP.info- فراكسیۆ‌نە كوردستانییەكان له‌ ئه‌نجوومه‌نی نوێنه‌رانی عێراق ده‌ڵێن، لەم قۆناغەدا سوورین لەسەر ئەوەی یەكڕیزی و یەكدەنگی بپارێزین و بەردەوامیش ده‌بین له‌سه‌ر یه‌كڕیزی له‌ پێناو به‌رژه‌وه‌ندیه‌ باڵاكانی كوردستان ده‌شڵێن، لەسەر ڕاسپاردەی سەرۆكی هەرێمی كوردستان، لەگەڵ سەرۆكی ڕاسپێردراو بۆ حكوومەتی عێراق قسەمان كرد دەربارەی ئەو بابەتانەی پەیوەندییان بە كوردستانەوە هەیە."

 


 
© 2020 Kurdistan Democratic Party, KDP