Kurdî  ■  كوردی  ■  عربي
MON, 27 JAN 2020 18:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆكی هه‌رێمی كوردستان و وه‌زیری ده‌ره‌وه‌ی قه‌ته‌ر دۆخی عێراق و ناوچه‌كه‌ تاوتوێ ده‌كه‌ن
| KDP.info


هەولێر-KDP.info- بەرێز نێچیرڤان بارزانی سەرۆکی هه‌رێمی كوردستان جه‌ختی كرده‌وه‌ كه‌ هه‌موو هه‌وڵێك بۆ ئاساییكردنه‌وه‌ی ڕه‌وشی عێراق و گه‌ڕاندنه‌وه‌ی سه‌قامگیری ده‌ده‌ن و نابێت عێراق بكرێته‌ گۆڕه‌پانی یه‌كلاییكردنه‌وه‌ی ململانێكان، هه‌روه‌ها گوتى:‌ له‌م قۆناغه‌دا بۆ ڕووبه‌ڕوبوونه‌وه‌ی مه‌ترسیی سه‌رهه‌ڵدانه‌وه‌ی تیرۆر، عێراق پێویستی به‌ پشتگیریی هاوپه‌یمانانه‌.

له‌ كۆبوونه‌وه‌یه‌كدا ئێوه‌اره‌ی ئه‌مڕۆ چوارشه‌ممه‌ 15/1/2020 له‌ هه‌ولێر، له‌گه‌ڵ به‌ڕێز شێخ محەمەد بن عەبدولرەحمان ئال سانی، جێگری سەرۆک وەزیران و وەزیری دەرەوەی قەتەر، سه‌رۆك نێچیرڤان بارزانی هه‌روه‌ها گوتى: هه‌رێمى كوردستان به‌ بایه‌خه‌وه‌ ده‌ڕوانێته‌ سه‌ردانی به‌ڕێزیان بۆ عێراق و هه‌رێمی كوردستان و جه‌ختى له‌ كارى هه‌موو لایه‌ك بۆ پاراستنی ناوچه‌كه‌ كرده‌وه‌ كه‌ هێشتا مه‌ترسی و هه‌ڕه‌شه‌ی داعشى له‌سه‌ر ماوه.

لای خۆیه‌وه‌ به‌ڕێز محه‌مه‌د بن عه‌بدولڕه‌حمان ئال سانی وه‌زیری ده‌ره‌وه‌ی قه‌ته‌ر ڕایگه‌یاند: ئه‌وان به‌ بایه‌خه‌وه‌ ده‌ڕواننه‌ ڕۆڵی هه‌رێمی كوردستان له‌ ئاساییكردنه‌وه‌ی دۆخه‌كه‌ به‌تایبه‌تی كه‌ له‌ پێگه‌یه‌كدایه‌ ده‌توانێت هاوكار بێت بۆ خاوكردنه‌وه‌ى گرژییه‌كان، هه‌روه‌ها دووپاتی كرده‌وه‌ كه‌ ئه‌وان گرنگیی به‌ په‌یوه‌ندییه‌كانیان له‌گه‌ڵ هه‌رێمی كوردستان ده‌ده‌ن له‌ بواره‌ جیاوازه‌كاندا.

تاوتوێكردنی هه‌وڵه‌كانی هه‌رێمی كوردستان له‌گه‌ڵ حكوومه‌تی فیدرال بۆ ئاساییكردنه‌وه‌ی بارودۆخه‌كه‌، په‌یوه‌ندییه‌كانی هه‌رێمی كوردستان و عێراق له‌گه‌ڵ قه‌ته‌ر و ده‌رفه‌تى وه‌به‌رهێنانى قه‌ته‌رى له‌ هه‌رێمى كوردستان و هاتنی تیمێكی ته‌كنیكی قه‌ته‌ری بۆ ئه‌نجامدانی هه‌ڵسه‌نگاندن له‌مباره‌یه‌وه‌، دۆخی ئاواره‌ و په‌نابه‌ران له‌ هه‌رێمی كوردستان و چۆنییه‌تیی هاوكاریكردنیان، لایه‌نێكی دیكه‌ی كۆبوونه‌وه‌كه‌ بوو.




دوایین هەواڵەکان

پارتی سەرەخۆشیی لە هەردوو خانەوادەی زکری حەبیب تەمەر و كوێخا بەهجەت گوڵمكەوەیی دەکات

MONDAY, 27 JANUARY 2020 16:01:25

بەڕێزان خانەوادەی خوالێخۆشبوو (زكری حەبیب تەمەر نێروەیی)

 

نوێنەری جووەکان: کوردستان نموونەی ڕۆژهەڵاتی ناڤینە بۆ پێکەوەژیان

MONDAY, 27 JANUARY 2020 15:01:59

هەولێر-KDP.info - نوێنەری جووەکان لە وەزارەتی ئەوقاف و کاروباری ئایینی ڕایگەیاند، ڕاستە ژمارەی جووەکان لە کوردستان کەمە، بەڵام هەرێمی کوردستان گرنگییەکی گەورە بە هەموو پێکهاتە ئاینییەکان دەدات.

 
خانزاد مام وسوو: سەرۆک بارزانی لەگەڵ ھەبوونی دەزگای چاودێرییە بۆ خزمەتکردنی ھاووڵاتیان

MONDAY, 27 JANUARY 2020 15:01:40

هەولێر-KDP.info-ئەمڕۆ سەرۆک بارزانی لەگەڵ فراکسیۆنەکانی پارتی و پێکھاتەکان لە ئەنجومەنی پارێزگاکانی ھەرێمی کوردستان کۆ بووەوە و ئەندامێکی فراکسیۆنی پارتی لە ئەنجومەنی پارێزگای ھەولێریش دەڵێ، سەرۆک بارزانی فەرمووی لەگەڵ ھەبوونی دەزگای چاودێرین بۆ خزمەتکردنی ھاووڵاتیان.

 
"ڕۆژی ھەینیی داھاتوو ٥٣ بەرکەوتەی چەکی کیمیایی ڕەوانەی ئێران دەکرێن"

MONDAY, 27 JANUARY 2020 15:01:58

ھەڵەبجە-KDP.info- بڕیارە لە ڕۆژی ھەینیی داھاتوودا ژمارەیەک بەرکەوتەی چەکی کیمیایی لە ھەرێمی کوردستانەوە ڕەوانەی وڵاتی ئێران بکرێن بۆ چارەسەرکردن و سەرۆکی کۆمەڵەی قوربانیانی ھەڵەبجەش ئاشکرای کرد، حکوومەت ھەموو خەرجیی چارەسەرکردنی بۆ دابین کردوون.

 
د. عەبدوڵڵا خورشید: کوردستان خاوەنی ٨ ھەزار ناوچەی شوێنەوارییە..پێویستە دەستەیەکی گشتیی بۆ شوێنەوار هەبێ

MONDAY, 27 JANUARY 2020 15:01:30

ھەولێر -KDP.info- وڵاتان گرنگییەکی زۆر بە شوێنەوارە کۆن و مێژووییەکانی کوردستان دەدەن و بەردەوام تیمی وڵاتان گەڕان و پشکنین دەکەن، پسپۆرێکی ئەو بوارە کە لە بواری نێوخۆیی و دەولیدا کار دەکات دەڵێ، ٥٠ تیمی بیانی سەردانی کوردستانیان کردووە و ھۆکارەکەش بۆ ئارامیی کوردستان دەگەڕێنێتەوە و، دەشڵێت، کوردستان خاوەنی ٨ ھەزار ناوچەی شوێنەوارییە.

 


 
© 2020 Kurdistan Democratic Party, KDP