Kurdî  ■  كوردی  ■  عربي
MON, 27 JAN 2020 17:54 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شنگال.. بە هۆی بۆردوومانی بارەگایەكی پەكەكە حەوت كوژراو و سێ بریندار هەن
| KDP.info


شنگال-KDP.info- فەرماندەی هێزی پێشمەرگەی شنگال رایگەیاند، ئەمڕۆ نیوەڕۆ جارێكی دیكە فڕۆكە جەنگییەكانی توركیا بارەگایەكی پەكەكەیان لە شنگال كردووەتە ئامانج و بەو هۆیەوە حەوت كوژراو و سێ بریندار هەن.

قاسم شەشۆ، بۆ ماڵپەڕی فەرمیی پارتی دیموكراتی كوردستان گوتی، نیوەڕۆی ئەمڕۆ جارێكی دیكە فڕۆكە جەنگییەكانی توركیا بارەگایەكی پەكەكەیان لە كۆمەڵگای دووگرێ بۆردوومان كردووە و، بەو هۆیەوە حەوت كوژراو و سێ بریندار هەن، كە لەناو بارەگای پەكەكەدا بوون و چەكداری ئەوانن.

شەشۆ گوتیشی، دوای بۆردوومانكردنی بارەگاكە، تەرمی كوژراوەكان و بریندارەكانیش رەوانەی نەخۆشخانەی سنوونێ كراون.

لە ماوەی ڕابردوودا چەندین جاری دیكە فڕۆكە جەنگییەكانی توركیا بە هۆی بوونی پەكەكەوە لە شنگال، ئەو ناوچه‌یان بۆردوومان كردووە، ئەمەش وای كردووە كە ئاوارەكان و خەڵكی شنگال نەوێرن بگەڕێنەوە بۆ سەر ماڵوحاڵی خۆیان.

 

بڵند ئیبراهیم   




دوایین هەواڵەکان

پارتی سەرەخۆشیی لە هەردوو خانەوادەی زکری حەبیب تەمەر و كوێخا بەهجەت گوڵمكەوەیی دەکات

MONDAY, 27 JANUARY 2020 16:01:25

بەڕێزان خانەوادەی خوالێخۆشبوو (زكری حەبیب تەمەر نێروەیی)

 

نوێنەری جووەکان: کوردستان نموونەی ڕۆژهەڵاتی ناڤینە بۆ پێکەوەژیان

MONDAY, 27 JANUARY 2020 15:01:59

هەولێر-KDP.info - نوێنەری جووەکان لە وەزارەتی ئەوقاف و کاروباری ئایینی ڕایگەیاند، ڕاستە ژمارەی جووەکان لە کوردستان کەمە، بەڵام هەرێمی کوردستان گرنگییەکی گەورە بە هەموو پێکهاتە ئاینییەکان دەدات.

 
خانزاد مام وسوو: سەرۆک بارزانی لەگەڵ ھەبوونی دەزگای چاودێرییە بۆ خزمەتکردنی ھاووڵاتیان

MONDAY, 27 JANUARY 2020 15:01:40

هەولێر-KDP.info-ئەمڕۆ سەرۆک بارزانی لەگەڵ فراکسیۆنەکانی پارتی و پێکھاتەکان لە ئەنجومەنی پارێزگاکانی ھەرێمی کوردستان کۆ بووەوە و ئەندامێکی فراکسیۆنی پارتی لە ئەنجومەنی پارێزگای ھەولێریش دەڵێ، سەرۆک بارزانی فەرمووی لەگەڵ ھەبوونی دەزگای چاودێرین بۆ خزمەتکردنی ھاووڵاتیان.

 
"ڕۆژی ھەینیی داھاتوو ٥٣ بەرکەوتەی چەکی کیمیایی ڕەوانەی ئێران دەکرێن"

MONDAY, 27 JANUARY 2020 15:01:58

ھەڵەبجە-KDP.info- بڕیارە لە ڕۆژی ھەینیی داھاتوودا ژمارەیەک بەرکەوتەی چەکی کیمیایی لە ھەرێمی کوردستانەوە ڕەوانەی وڵاتی ئێران بکرێن بۆ چارەسەرکردن و سەرۆکی کۆمەڵەی قوربانیانی ھەڵەبجەش ئاشکرای کرد، حکوومەت ھەموو خەرجیی چارەسەرکردنی بۆ دابین کردوون.

 
د. عەبدوڵڵا خورشید: کوردستان خاوەنی ٨ ھەزار ناوچەی شوێنەوارییە..پێویستە دەستەیەکی گشتیی بۆ شوێنەوار هەبێ

MONDAY, 27 JANUARY 2020 15:01:30

ھەولێر -KDP.info- وڵاتان گرنگییەکی زۆر بە شوێنەوارە کۆن و مێژووییەکانی کوردستان دەدەن و بەردەوام تیمی وڵاتان گەڕان و پشکنین دەکەن، پسپۆرێکی ئەو بوارە کە لە بواری نێوخۆیی و دەولیدا کار دەکات دەڵێ، ٥٠ تیمی بیانی سەردانی کوردستانیان کردووە و ھۆکارەکەش بۆ ئارامیی کوردستان دەگەڕێنێتەوە و، دەشڵێت، کوردستان خاوەنی ٨ ھەزار ناوچەی شوێنەوارییە.

 


 
© 2020 Kurdistan Democratic Party, KDP