Kurdî  ■  كوردی  ■  عربي
FRI, 24 JAN 2020 10:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د.شەفیق قه‌زاز: ده‌رچه‌یه‌کی دیکه‌ هه‌یه‌ بۆ ئه‌وه‌ی بودجه‌ی ٢٠٢٠ی عێراق بنێردرێته‌ په‌رله‌مان
| KDP.info


هەولێر -KDP.info- وه‌زیری پێشووی مافی مرۆڤ و سیاسه‌تمه‌دار د.شەفیق قەزاز، باس له‌ ڕێککه‌وتنی هه‌ولێر و به‌غدا ده‌کات و ئاماژه‌ به ‌ده‌رچه‌یه‌کی نوێ ده‌کات بۆ تێپه‌ڕاندنی بودجه‌.

د. شه‌فیق قه‌زاز، بۆ ماڵپەڕی فه‌رمیی پارتی دیموکراتی کوردستان گوتی: ده‌بووایه‌ پڕۆژه‌بوجه‌ی ٢٠٢٠ی عێراق له ‌مانگی ١٠ی سالی پاره‌وه‌ له‌ په‌رله‌مانی عێراق‌ ده‌نگی له‌سه‌ر بدرابایه،‌ به‌ڵام دۆخی عێراق وای کرد که‌ ئه‌م پرسه‌ دوا که‌وێت و عێراق له‌سه‌ر بودجه‌ی ٢٠١٩ بڕوات، ئێستاش دۆخه‌که‌ دیار نییه‌ کە په‌رله‌مانی عێراقیش ده‌مێنێت، یان نا، ئه‌وه‌ی ماوه‌ته‌وه‌ له ‌نێوان هه‌ولێر و به‌غدایه‌، ئه‌گه‌ر پڕۆژه‌بودجه‌ نه‌چووه‌ په‌رله‌مانی عێراق، ئه‌و پارەیەی به‌پێی ڕێککه‌وتن له‌ ساڵی ٢٠١٩ بۆ هه‌رێمی کوردستان دانراوه‌ به‌رده‌وامیی پێ ده‌درێت."

وه‌زیری پێشووی مافی مرۆڤ گوتی: "به‌غداش ده‌بێ پابه‌ندی بە ڕێککه‌وتنی پارەوە‌ بکات و به ‌قسه‌ی نوێنه‌رانی کوردیش له ‌به‌غدا ئه‌م بودجه‌یەی له‌ به‌غداوه‌ دێته‌ کوردستان به‌رده‌وام ده‌بێت، خۆ ئه‌گه‌ر به‌غدا له‌ پڕۆژه‌بودجه‌ی ٢٠٢٠ ڕازی بوو له‌سه‌ر ڕێککه‌وتنی هه‌ولێر و به‌غدا ڕۆژانه‌ ٢٥٠ هه‌زار به‌رمیل نه‌وت له‌ کوردستانه‌وه‌ ده‌درێته‌ به‌غدا و به‌غداش ئه‌و بودجه‌یەی ڕاده‌ستی کوردستانی ده‌کات، کە له‌سه‌ری ڕێک که‌وتوون."

د. شه‌فیق قه‌زاز ڕایگه‌یاند: "له‌م دۆخه‌ی عێراقدا باوه‌ڕ ناکه‌م لایه‌نێک له‌ عێراقدا له ‌ده‌ره‌وه‌ی ئه‌وه‌ی ئێستا هه‌یه‌ شتێک به‌سه‌ر کوردستاندا بسه‌پێنێت."

ده‌شڵێت: "له‌ ئه‌گه‌ری دۆزینه‌وه‌ی ڕێگاچاره‌یه‌ک بۆ ئه‌وه‌ی پڕۆژه‌بودجه‌ی ٢٠٢٠ی عێراق بنێردرێته‌ په‌رله‌مان، ده‌بێ هه‌مواری په‌یڕه‌وی ناوخۆی ئه‌نجومه‌نی وه‌زیران بکرێت، ئه‌گه‌ر بکرێت، پرسه‌کان چاره‌سه‌ر ده‌بن و ئه‌گه‌ر نه‌کرێت دۆخه‌که‌ وه‌ک خۆی ده‌مێنێته‌وه‌."

کارزان هەورامی

 




دوایین هەواڵەکان

سه‌رۆكى هه‌رێمى كوردستان له‌گه‌ڵ وه‌زیرى ده‌ره‌وه‌ى عومان كۆبووه‌وه‌

THURSDAY, 23 JANUARY 2020 19:01:25

داڤۆس-KDP.info-  سه‌رۆك نێچیرڤان بارزانى پرسه‌ و سه‌ره‌خۆشیى خۆى بۆ گه‌ل و حكوومه‌تى عو‌مان دووپات كرده‌وه‌ به‌ له‌ده‌ستدانى خوالێخۆشبوو سوڵتان قابووس بن سه‌عید سوڵتانى پێشووى عومان، هه‌روه‌ها پیرۆزباییى ده‌ستبه‌كاربوونى له‌ سوڵتانى تازه‌ خاوه‌نشكۆ هه‌یسه‌م بن تارق ئال سه‌عید كرد و خواستى هه‌رێمى كوردستانى بۆ په‌ره‌پێدانى په‌یوه‌ندییه‌كانى له‌گه‌ڵ عومان ده‌ربڕى.

سەرۆك بارزانی پێشوازی لە وەزیری وەرزش و لاوانی عێراق دەكات

THURSDAY, 23 JANUARY 2020 18:01:38

هەولێر-KDP.info-  ڕۆژی پێنجشەممە 23ـی 1ـی 2020 سەرۆك مەسعود بارزانی پێشوازی لە د. ئەحمەد ریاز تالب وەزیری وەرزش و لاوانی عێراق كرد.

نێچیرڤان بارزانی: سەرهەڵدانەوەی داعش جیدییە و عێراق پێویستی بە ئەمریکایە

THURSDAY, 23 JANUARY 2020 17:01:38

هەولێر-KDP.info-  سەرۆکی هەرێمی کوردستان لە پانێڵێک لە داڤۆس لەبارەی ئاڵۆزی و پشێوییە بەردەوامەکانی رۆژهەڵاتی ناوەڕاست و عێراق قسەیکرد و باسی لە گرژییەکانی عێراق، دۆخی خۆپیشاندانەکان و کاریگەرییەکانی لەسەر هەرێمی کوردستان کرد. نێچیرڤان بارزانی، سەرۆکی هەرێمی کوردستان لە پانێڵەکەدا لە وەڵامی پرسیاری ئایا دەکرێت هەرێمی کوردستان خۆی بەدوور بگرێت لە ئەو دۆخەی لە عێراق هەیە و خۆی جیا بکاتەوە؟ ئاماژەی بەوە کرد، رووداوەکانی عێراق کاریگەرییان لەسەر هەرێمی کوردستان هەیە، هەرێمی کوردستان ناتوانێت خۆی لە عێراق جیابکاتەوە.

"حکوومەت ئامادەکاری بۆ وەرگرتنەوەی پڕۆژەکانی وەبەرھێنان دەکات "

THURSDAY, 23 JANUARY 2020 15:01:31

هەولێر-KDP.info- لە ھەرێمی کوردستان خزمەتگوزاریی نێو پڕۆژەکانی وەبەرھێنان لەلایەن وەبەرھێنەرەوە پێشکەش بە دانیشتووانی نێو یەکەکان دەکرێت و مانگانە پارەیەکی زۆر لە بەرانبەر خزمەتگوزارییەکانی وەک کارەبا و ئاو و فڕێدانی زبڵ و سیکیۆرێتی لە ھاووڵاتیان وەردەگیرێت.

 

لێدوانێک لە گوته‌بێژی حكومه‌تی هەرێمی کوردستانەوە‌

THURSDAY, 23 JANUARY 2020 14:01:33

هەولێر-KDP.info-  ئێوارەی رۆژی هه‌ینی 2020/1/24 کاتژمێر 8:45 ، تەرمی پێنج لە قوربانیانی  بەلەمی نوقومبووی  دەریای ئیجە بە ناوەکانی (رێبین عەباس محەمەد، رەوەند مستەفا، رێبین محەمەد، سیڤەر ستار و یوسف بابەکر) لەسەر ئەرکی حکومەتی هەرێمی کوردستان دەگاتەوە فڕۆکەخانە نێودەوڵەتیی سلێمانی.



 
© 2020 Kurdistan Democratic Party, KDP