Kurdî  ■  كوردی  ■  عربي
FRI, 24 JAN 2020 10:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەڵامێک لە دەزگای رۆشنبیری و ڕاگەیاندنی پارتی دیموکراتی کوردستانەوە بۆ حەسەن نەسڕوڵڵا
| KDP.info


هەولێر-KDP.info-  ئەوەی تێبینیمان کرد بە نەفەسێکی لەرزۆک و، ناجێگیر، حەسەن نەسڕوڵڵا هێرشێکی ناڕەوای کردۆتە سەر ڕێبەری کوردستان سەرۆک بارزانی، سەرۆکێک کە لە پێناو ئاشتی بۆ جیهان و خۆشگوزەرانی بۆ تەواوی گەلانی ناوچەکە، بە هاوکاری گەلی کوردستان و پێشمەرگە قارەمانەکان ئەفسانەی داعشی تێکشکاند، دەبوو لە جیاتی ئەو زمانە لەرزۆک و هێرشە ناڕەوایە، هیچ نەبووایە پێزانینت هەبوایە بۆ نەتەوەیەک، کە لە ناوچەکە وەک گەورەترین نەتەوەی ستەملێکراو، تێکۆشانی بۆ ئازادی و ئاشتی و مرۆڤایەتی کردووە.

ئەو راستییە ڕوون و ڕۆشنە،  کە ئەوە هیزی پێشمەرگەی قارەمان بوو، بەرگریی لە هەولێر و کوردستان کرد و  لە داستانی پردێ و سحێڵا و مەحموودیەش، نەیهێشت،کە ھەرێمی کوردستان بکەوێتە ژێر داگیرکاری.

سەرۆک بارزانی لەگەڵ ئەوەی پێزانینی هەبووە بۆ هەموو یارمەتییەک لە شەڕی دژ بە داعش، ئەگەر قەبارەی یارمەتیدانەکە زۆر بچوکیش بووبێ، بەڵام ئەو شەرمەزارییە لەبیرناکرێ، کە راستییەکەت لا ڕوونە و لە لاپەڕەکانی ڕۆژانی 16 و 20  و 26 ئۆکتۆبەری 2017 ئاشکرابوو، کە کێ بوون خەونی نەزۆکیان بریتی بوو لە داگیرکردنی کوردستان، دیارە ھەر پێشمەرگە دلێرەکان بوون جارێکیتر سەرجەم ئەو خەونە نەزۆکانەی لە گۆڕنا، بۆیە ئەگەر بیر لەوە بکەیتەوە  سێرە لە ڕێبەری پێشمەرگەئاسای  نەتەوەیەک بگری، باشترە پیداچوونەوەیەک بە دۆخی خۆت بکەیت، کە شوێنی داھاتووی سیاسیت لە کامە هاوکێشەی گۆڕانکارییەکان دایە و ئاسۆی گەلی کوردستان و هەرێمی کوردستانیش لەژێر ڕۆشنایی ستراتیژیەتی سەرۆک بارزانی بەرەو کام قۆناغی گەشاوەتر و سەرکەوتن دایە. دووپاتی دەکەینەوە تۆ لەو ئاستە نیت،کە بتوانی بۆ پەردەپۆشکردنی شکستەکانت، خەتێک بەسەر ئەو دواڕۆژە گەشە دابێنی، کە سەرۆک بارزانی لە قۆناغی شاخ و شاردا وەک ڕێبەری نەتەوەیەک ئاسۆیەکی گەشی بۆ گەلێکی ستەملێکراوی وەک کوردستان لە ناوچەکە فەراهەم کردووە.
  
دەزگای رۆشنبیری و ڕاگەیاندنی
پارتی دیموکراتی کوردستان
١٣-١-٢٠٢٠




دوایین هەواڵەکان

سه‌رۆكى هه‌رێمى كوردستان له‌گه‌ڵ وه‌زیرى ده‌ره‌وه‌ى عومان كۆبووه‌وه‌

THURSDAY, 23 JANUARY 2020 19:01:25

داڤۆس-KDP.info-  سه‌رۆك نێچیرڤان بارزانى پرسه‌ و سه‌ره‌خۆشیى خۆى بۆ گه‌ل و حكوومه‌تى عو‌مان دووپات كرده‌وه‌ به‌ له‌ده‌ستدانى خوالێخۆشبوو سوڵتان قابووس بن سه‌عید سوڵتانى پێشووى عومان، هه‌روه‌ها پیرۆزباییى ده‌ستبه‌كاربوونى له‌ سوڵتانى تازه‌ خاوه‌نشكۆ هه‌یسه‌م بن تارق ئال سه‌عید كرد و خواستى هه‌رێمى كوردستانى بۆ په‌ره‌پێدانى په‌یوه‌ندییه‌كانى له‌گه‌ڵ عومان ده‌ربڕى.

سەرۆك بارزانی پێشوازی لە وەزیری وەرزش و لاوانی عێراق دەكات

THURSDAY, 23 JANUARY 2020 18:01:38

هەولێر-KDP.info-  ڕۆژی پێنجشەممە 23ـی 1ـی 2020 سەرۆك مەسعود بارزانی پێشوازی لە د. ئەحمەد ریاز تالب وەزیری وەرزش و لاوانی عێراق كرد.

نێچیرڤان بارزانی: سەرهەڵدانەوەی داعش جیدییە و عێراق پێویستی بە ئەمریکایە

THURSDAY, 23 JANUARY 2020 17:01:38

هەولێر-KDP.info-  سەرۆکی هەرێمی کوردستان لە پانێڵێک لە داڤۆس لەبارەی ئاڵۆزی و پشێوییە بەردەوامەکانی رۆژهەڵاتی ناوەڕاست و عێراق قسەیکرد و باسی لە گرژییەکانی عێراق، دۆخی خۆپیشاندانەکان و کاریگەرییەکانی لەسەر هەرێمی کوردستان کرد. نێچیرڤان بارزانی، سەرۆکی هەرێمی کوردستان لە پانێڵەکەدا لە وەڵامی پرسیاری ئایا دەکرێت هەرێمی کوردستان خۆی بەدوور بگرێت لە ئەو دۆخەی لە عێراق هەیە و خۆی جیا بکاتەوە؟ ئاماژەی بەوە کرد، رووداوەکانی عێراق کاریگەرییان لەسەر هەرێمی کوردستان هەیە، هەرێمی کوردستان ناتوانێت خۆی لە عێراق جیابکاتەوە.

"حکوومەت ئامادەکاری بۆ وەرگرتنەوەی پڕۆژەکانی وەبەرھێنان دەکات "

THURSDAY, 23 JANUARY 2020 15:01:31

هەولێر-KDP.info- لە ھەرێمی کوردستان خزمەتگوزاریی نێو پڕۆژەکانی وەبەرھێنان لەلایەن وەبەرھێنەرەوە پێشکەش بە دانیشتووانی نێو یەکەکان دەکرێت و مانگانە پارەیەکی زۆر لە بەرانبەر خزمەتگوزارییەکانی وەک کارەبا و ئاو و فڕێدانی زبڵ و سیکیۆرێتی لە ھاووڵاتیان وەردەگیرێت.

 

لێدوانێک لە گوته‌بێژی حكومه‌تی هەرێمی کوردستانەوە‌

THURSDAY, 23 JANUARY 2020 14:01:33

هەولێر-KDP.info-  ئێوارەی رۆژی هه‌ینی 2020/1/24 کاتژمێر 8:45 ، تەرمی پێنج لە قوربانیانی  بەلەمی نوقومبووی  دەریای ئیجە بە ناوەکانی (رێبین عەباس محەمەد، رەوەند مستەفا، رێبین محەمەد، سیڤەر ستار و یوسف بابەکر) لەسەر ئەرکی حکومەتی هەرێمی کوردستان دەگاتەوە فڕۆکەخانە نێودەوڵەتیی سلێمانی.



 
© 2020 Kurdistan Democratic Party, KDP