Kurdî  ■  كوردی  ■  عربي
SAT, 30 MAY 2020 08:32 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لایه‌نه‌ شیعه‌كان گه‌یشتوونه‌ته‌ قه‌ناعه‌ت كه‌ ڕێككه‌وتنی هه‌رێم و به‌غدا له‌سه‌ر بودجه‌ جێبەجێ بكرێت"
| KDP.info


به‌غدا-KDP.info- شارزای ئابووری و په‌رله‌مانتاری لیژنه‌ی دارایی له ‌خولی پێشووی په‌رله‌مانی عێراق گوتی، هه‌موو لایه‌نه‌ شیعه‌كان گه‌یشتوونه‌ته‌ قه‌ناعه‌ت كه‌ پێویسته‌ ڕێككه‌وتنی هه‌رێم و به‌غدا له‌سه‌ر بودجه‌ وه‌ك خۆی جێبه‌جێ بكرێت و كێشه‌كانی نێوان هه‌ردوو لاش به‌پێی ده‌ستوور چاره‌سه‌ر بكرێن و ده‌ستووریش باس له‌وه‌ ده‌كات، كه‌ پێویسته‌ به‌غدا پشكی هه‌رێم له‌ بودجه‌ ڕه‌وانه‌ بكات، بۆیه‌ تا بودجه‌ش په‌سه‌ند ده‌كرێت، وه‌كو ساڵی پێشوو به‌غدا مانگانه‌ مووچه‌ی فه‌رمانبه‌ران ڕه‌وانه‌ ده‌كات.

نه‌جیبه‌ نه‌جیب، بۆ ماڵپه‌ڕی فه‌رمیی پارتی دیموكراتی كوردستان گوتی: "پڕۆژه‌یاسای بودجه‌ی گشتیی عێراق پێوست بوو له ‌مانگی 10ی ساڵی ڕابردوو ڕه‌وانه‌ی په‌رله‌مان بكرێت، به‌ڵام به‌هۆی كێشه‌كانی عێراق و خۆپیشاندانه‌كان بودجه‌ ڕه‌وانه‌ نه‌كرا و ئێستا هه‌وڵ ده‌درێت ڕه‌وانه‌ بكرێت و ئه‌گه‌ر ڕه‌وانه‌ كرا ئه‌وكات له‌و پڕۆژه‌یاسایه‌ ڕێككه‌وتنی نێوان هه‌رێم و به‌غدا ئه‌وه‌ی كراوه،‌ وه‌كو خۆی به‌یاسایی ده‌كرێت و په‌سه‌ند ده‌كرێت، چونكه‌ هه‌موو لایه‌نه‌ شیعه‌كان گه‌یشتوونه‌ته‌ ئه‌و قه‌ناعه‌تەی‌ پێویسته‌ ڕێككه‌وتنه‌كه‌ وه‌كوخۆی جێبه‌جێ بكرێت و ناكرێت چیتر پشكی هه‌رێم ڕه‌وانه‌ نه‌كرێت و كێشه‌كان به‌پێی ده‌ستوور چاره‌سه‌ر بكرێن، كه‌ له‌ ده‌ستووردا هاتووه‌، پێویسته‌ به‌غدا مانگانه‌ پشكی هه‌رێم ڕه‌وانه‌ بكات، كه‌ ئه‌گه‌ر بودجه‌ ڕه‌وانه‌ كرا، پشكی هه‌رێم له‌ پڕۆژه‌یاسای بودجه‌ی ئه‌مساڵ ترلیۆنێك و 200ملیار دیناره‌."

ئه‌و شاره‌زای ئابوورییە گوتیشی: "تا بودجه‌ی ئه‌مساڵ په‌سه‌ند ده‌كرێت، به‌پێی یاسا حكوومه‌ت یه‌ك له‌سه‌ر 12ی بودجه‌ خه‌رج ده‌كات و له‌و چوارچێوه‌یه‌شدا مانگانه‌ هاوشێوه‌ی ساڵی ڕابردوو مووچه‌ی فه‌رمانبه‌ران ڕه‌وانه‌ ده‌كات، بۆیه‌ هیچ كێشه‌یه‌ك بۆ مووچه‌ی فه‌رمانبه‌ران دروست نابێت، هه‌ر چۆنێك بێت."

بڵند ئیبراهیم




دوایین هەواڵەکان

پەیامێک لە سەرۆکی حکومەتی هەرێمی کوردستانەوە

FRIDAY, 29 MAY 2020 11:05:40

هەولێر-KDP.info- مەسروور بارزانی سەرۆکی حکومەتی هەرێمی کوردستان لە بارەی مەترسیی تەشەنەکردنی زیاتری پەتای کۆرۆنا پەیامێکی بڵاوكردەوە، ئەمەی خوارەوە دەقی پەیامەكەیە:

 
نێچیرڤان بارزانی سه‌ره‌خۆشی له‌ فه‌رهاد عه‌ونی و ساسان عه‌ونی ده‌کات

THURSDAY, 28 MAY 2020 19:05:00

جه‌نابی سه‌رۆک نێچیرڤان بارزانی له‌ په‌یوه‌ندییه‌کی ته‌له‌فۆنیدا پرسه‌ و سه‌ره‌خۆشی له‌ ڕۆژنامه‌نووس و نووسه‌ری دیار به‌ڕێز فه‌رهاد عه‌ونی و وه‌زیری شاره‌وانی به‌ڕێز ساسان عه‌ونی کرد بۆ کۆچی دواییی خوالێخۆشبووی برایان. 

وەزیری کارەبا: دوو حەفتەی دی، وێستگەی کارەبای خەبات تەواو دەکرێ

THURSDAY, 28 MAY 2020 16:05:23

هەولێر-KDP.info- وەزیری کارەبای حکوومەتی هەرێمی کوردستان ڕایگەیاند، تا ئیستا توانیویانە زیاتر لە ٢٠ سەعات کارەبا بە هاووڵاتییان بدەن و دۆخی کارەباش تا ئێستا جێگیرە.

 

فرسەت سۆفی: رێگەنادەین لەژێر هیچ ناونیشانێک ئارامیی هەولێر تێکبدرێت

THURSDAY, 28 MAY 2020 13:05:09

هەولێر-KDP.info- پارێزگاری هەولێر رایدەگەیێنێت، هەولێر ناوەندێکی سیاسی، ئابووری و بازرگانیی گەورەیە لە عێراق و ناوچەکە، "رێگەش نادەین هیچ کەسێک لەژێر هیچ ناونیشانێک سەقامگیریی ئەم شارە تێکبدات". 

 
دەستەی گشتی گەشتوگوزار ڕوونكردنه‌وه‌یه‌كی بڵاوكرده‌وه‌

THURSDAY, 28 MAY 2020 11:05:43

هەولێر-KDP.info- له‌ روونکردنەوەیەکدا دەستەی گشتی گەشتوگوزاری هه‌رێمی كوردستان له‌ باره‌ی  داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان ڕایگه‌یاند: داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان لە دەسەڵاتی دەستەی گشتی گەشتوگوزار نەبووە و نییە.



 
© 2020 Kurdistan Democratic Party, KDP