Kurdî  ■  كوردی  ■  عربي
WED, 9 JUL 2025 12:00 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

كەركووك.. فەرماندەی لیوای 45ی سوپای عێراق كوژرا
| KDP.info


داقووق-KDP.info- ئەمڕۆ بە هۆی تەقینەوەیەك لە سنووری داقووق، فەرماندەیەكی سوپای عێراق كوژرا و سێ پاسەوانیشی بریندار بوون، بەرپرسێكی پارتیش دەڵێ، دۆخی ئەمنیی كەركووك بە تەواوی تێكچووە، بە تایبەت لە سنووری داقووق و دەوروبەری كەركووك، كە داعش بە شێوەیەكی بەرچاو سەری هەڵداوەتەوە و چەندین جار كردەی تیرۆریستی و تەقینەوەیان ئەنجام داوە.

لە راگەیەندراوێكی وەزارەتی پێشمەرگەی حكوومەتی هەرێمی كوردستاندا هاتووە، ئەمڕۆ 8/1/2020، لە گوندی ئیفتیخاری سەر بە قەزای داقووق، بە هۆی تەقینەوەی بۆمبێكی چێندراوەوە فەرماندەی لیوای 45ی سوپای عێراقی عه‌قید روكون مازن جه‌واد كوژرا و سێ لە پاسەوانەكانیشی بریندار بوون و بەپەلە گەیەندراونەتە نەخۆشانەی قەزاكە.

لای خۆشیەوە، عەدنان كەركووكی، ئەندامی ئەنجومەنی سەركردایەتیی كەركووك _ گەرمیانی پارتی، بۆ ماڵپەڕی فەرمیی پارتی دیموكراتی كوردستان گوتی، دۆخی ئەمنیی كەركووك بە تەواوی تێكچووە و داعش بە شێوەیەكی بەرچاو سەری هەڵداوەتەوە، بە تایبەت لە دەوروبەری كەركووك، چونكە لە سنووری داقووق گوندی عەرەبی لێ نزیكە و شوێنی داعشە و داعشی تێیدا گەلێك زۆرە.

كەركووكی گوتیشی، ئەمە جاری یەكەم نییە داعش كردەی تیرۆریستی ئەنجام بدات و، چەندین جاری دیكەش تەقینەوە و هێرشیان ئەنجام داوە و پێش دوو رۆژیش هێرشیان كردە سەر سوپای عێراق و سێ پۆلیسان كوشت.

 

بڵند ئیبراهیم

 

 




دوایین هەواڵەکان

مەسروور بارزانی: تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان

WEDNESDAY, 09 JULY 2025 11:07:38

هەولێر-KDP.info- مەسروور بارزانی سەرۆکی حکوومەتی هەرێمی کوردستان بەبۆنەی فراوان بوونی پڕۆژەی ڕووناکی و سوودمەندبوونی زیاتر لە دوو ملیۆن هاووڵاتی لە کارەبای 24 کاتژمێری لە ئێکس نووسیویەتی، "تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان.

 
پڕۆژەی ڕووناکی گەیشتە زیاتر لە 2 ملیۆن هاووڵاتی

WEDNESDAY, 09 JULY 2025 09:07:18

هەولێر-KDP.info- وه‌زاره‌تی كاره‌بای حكوومه‌تی هه‌رێمی كوردستان ڕایگه‌یاند، زیاتر لە دو ملیۆن هاووڵاتی و 544 هەزار هاوبەش ئێستا سومەندن لە کارەبای 24 کاتژمێری، هەرروەها، زیاتر لە دوو هه‌زار و 100 مۆلیدەی گازوایل لە گەڕەکەکان کوژێنراونەتەوە و تا کۆتایی ساڵی 2026یش، حکوومەتی هەرێم لە پلانیدایە زیاتر لە حه‌وت هه‌زار مۆلیدە بکوژێنێتەوە. 

 
سه‌رۆكى هه‌رێمى كوردستان سه‌ره‌خۆشی له‌ توركیا ده‌كات

TUESDAY, 08 JULY 2025 18:07:58

ھەولێر-KDP.info- سەرۆکی هەرێمی کوردستان لە نامەیەکدا، سه‌ره‌خۆشى له‌ توركیا، خێزان و كه‌سوكارى ئه‌و سه‌ربازانه‌ى وڵاته‌كه‌ كرد، كه‌ ڕۆژانى ڕابردوو له‌ ئه‌شكه‌وتێكى ناوچه‌ شاخاوییه‌كانى هه‌رێمى كوردستان، گیانیان له‌ده‌ست دابوو.

سەرۆکی حکوومەت پێشوازی لە سەرۆکی ئەکادیمیای کوردی کرد

TUESDAY, 08 JULY 2025 16:07:46

هەولێر-KDP.info- سێشەممە 8ـی تەممووزی 2025، مەسروور بارزانی، سەرۆکی حکوومەتی هەرێمی کوردستان، پێشوازی لە حەمەسەعید حەسەن نووسەر و ڕەخنەگری ناسراو و سەرۆکی ئەکادیمیای کوردی کرد.

 
 
بەرھەمی کارگەکانی ھەرێم بۆ وڵاتان هەناردە دەکرێت

TUESDAY, 08 JULY 2025 16:07:53

ھەولێر-KDP.info-  بەڕێوەبەری گەشەپێدانی پیشەسازی لە ھەولێر دەڵێت، بەھۆی گرنگیدانی حکوومەت بە کەرتی پیشەسازی و دامەزراندنی کارگە، ئێستا بەرھەمی کارگەکانی ھەرێمی کوردستان بۆ زۆر وڵاتانی جیھان دەچێت کە نزیکەی ٥٠ کارگەی دەبن."



 
© 2023 Kurdistan Democratic Party, KDP

Contact