Kurdî  ■  كوردی  ■  عربي
SAT, 15 AUG 2020 19:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕێكخەری ڕاسپاردە نێودەوڵەتییەكان: سەرەڕای تەحەددییەكان هەرێمی كوردستان زۆر هەنگاوی ئەرێنیی لە بواری مافی مرۆڤ ناوە
| KDP.info


هەولێر-KDP.info-  لە كۆنگرەیەكی ڕۆژنامەنووسیدا كە بە بۆنەی ڕۆژی جیهانیی مافەكانی مرۆڤەوە ساز كرابوو، د. دیندار زێباری، ڕێكخەری ڕاسپاردە نێودەوڵەتییەكانی حكوومەتی هەرێمی كوردستان ڕایگەیاند، لە چەند ساڵی ڕابردوودا بەهۆی هێرشی تیرۆریستانی داعش و قەیرانی ئابوورییەوە، هەرێمی كوردستان ڕووبەڕووی چەندین ئاستەنگ و تەحەددیات بووەوە، بەڵام سەرەڕای ئەوەش هەوڵی دا پابەند بێت بە پرەنسیپەكانی مافی مرۆڤەوە.

زێباری لە میانەی كۆنگرە ڕۆژنامەنووسییەكەدا تیشكی خستە سەر پەیوەندی و هەماهەنگیی نێوان حكوومەتی هەرێم و حكوومەتی فیدراڵ و گوتی: "حکوومەتی هەرێم لە ڕێگای ڕێکخەری ڕاسپاردە نێودەوڵەتییەکانەوە ئەندامە لە لیژنەی نیشتمانیی نووسینەوەی ڕاپۆرتە نێودەوڵەتییەکان، تیمی نیشتمانیی عێراق تایبەت بە مامەڵەکردن لەگەڵ تیمی (یۆنیتاد) لیژنەی بەدواداچوون لە چارەنووسی بێسەروشوێنبووان و بەشداریکردن لە میکانیزمی وەزارەتی دادی فیدراڵ بۆ گفتۆگۆکانی خوێندنەوەی ڕاپۆرتەکانی عێراق لەو ڕێککەوتننامانەی کە عێراق تێیدا ئەندامە، لە بواری پێكەوەژیانی نێوان پێكهاتەكانی هەرێم، حكوومەت بەردەوامە لە سیاسەتی ستراتیژیی خۆی و گشت پێكهاتە ئایینی و نەتەوەیی و مەزهەبییەكانی هەرێمی كوردستان مافەكانیان بە یاسا چەسپاوە و لە گشت كایەكانی ژیاندا مافەكانیان پارێزراوە."

زێباری ئاماژەی بە یارمەتیدانی پەنابەر و ڕاگوێزراوان و هەوڵەكانی حکوومەتی هەرێم بۆ ڕزگاركردنی ئێزدییەكان كرد و گوتی: "ئێستا ژمارەی پەنابەر و ڕاگوێزراوان لە هەرێمی كوردستان دەگاتە ( ١٠٣٧٤٤٦)، كە جگە لە ڕاگوێزراوان، پەنابەری ڕۆژهەڵات، ڕۆژئاوا، باكوور و فەڵەستینیش لە هەرێمی كوردستانن، هەروەها بەم دواییە کەمپێک لە بەردەڕەش  درووست كراوە بۆ پێشوازیکردن لە پەنابەرانی ڕۆژئاوا، کە دوای ڕووداوەکانی ئەم دواییەی ناوچەکە ڕوویان لە هەرێم کرد، کە (١٧٩٨٣) پەنابەر لەخۆ دەگرێت. لە بواری ڕزگاركردنی ئێزیدییەكانیشدا بەرنامەیەکی پراکتیکی دانراوە بۆ پاڵپشتیی دەستەی لێکۆڵینەوە، کۆکردنەوەی بەڵگەکان و چارەسەرکردن بۆ بەجینۆسایدناساندنی تاوانەکانی داعش و تا ئێستا توانراوە (٢٦٠٠) دۆسیەى تاوان دژى ئافرەتانى (ئێزدى، کریستیان، تورکمان و شەبەک) بە دیكیۆمینت بكرێ بۆ مەبەستی دادگاییکردن لە دواى هێرشەکانى داعش، هەروەها (٣٠٠٠) دۆسیەش لەژێر لێکۆڵینەوەدایە."

دەربارەی گرنگیدان بە ئافرەتان، دیندار زێباری گوتی: "هەرێمی كوردستان لەم ڕووەوە هەنگاوی زۆری ناوە، كابینەی نۆیەمیش بەردەوامە لەو گرنگیپێدانە، بۆ نموونە، لە ڕێکەوتى ١٨/٢/٢٠١٩ یەكەم ئافرەت پۆستی سەرۆكی پەرلەمانی كوردستان پێ سپێردرا و ئافرەتێكیش لە پێكهاتەی توركمان بە سكرتێری پەرلەمان هەڵبژێردرا، هەروەها لە کابینەی نۆیەمدا وەزارەتی کشتوکاڵ و وەزارەتى کار و کاروبارى کۆمەڵایەتى و وەزیرى کاروبارى هەرێم بە ئافرەتان سپێردراون. گرنگیی زیاتر دراوە بە سەنتەرەکانى داڵدەدانى ئافرەتان لە پارێزگاکانى هەولێر، سلێمانى، دهۆک و قەزاى کەلار، لە ساڵی ٢٠١٨ پێشوازی لە (١١٨٦) حاڵەت کراوە و تا مانگی نیسانی ٢٠١٩ پێشوازی  لە (٧٨) حاڵەت کراوە. لەم دواییەدا نزیکەی (٧٤) ئافرەتی ئاوارە و پەنابەر و بیانی لە خانەکانی داڵدەدانی ئافرەتان کەیسەکانیان چارەسەر کراوە. لە بواری دادوەری، ڕۆژنامەنووسی، تەندروستی، پەروەردە، خوێندنی باڵادا ئافرەت ڕۆڵی زۆریان هەبووە و لەو بوارەوە هەنگاوی زۆر نراوە. لە لایەكی دیكەوە لە (١١) بنکەی تەندروستی حاڵەتەکانی خەتەنەکردنی کچان تۆمار دەکرێن و، لەگەڵ هەڵمەتەکانی هۆشیارکردنەوەی دایک و باوکان، ڕێژەی خەتەنە کەمی کردووە."

زێباری باسی لە گیراوانی داعش كرد و گوتی: "ئەو کەسانەی کە تەمەنیان لە ١٨ ساڵ کەمترە و پەیوەندییان بە داعشەوە هەبووە وەک قوربانیی دەستی داعش مامەڵەیان لەگەڵدا دەکرێت، نەک تاوانبار و گشت مافێكیان هەیە، وەك بوونی پارێزەر و بەكارهێنانی تەلەفۆن و پەیوەندی بە کەسوکاریانەوە و ڕێگا بە ڕێکخراوە پەیوەندیدارەکان دراوە کە سەردانی بنکەکانی دەستگیرکردن و بەندیخانەکان بکەن بۆ ئەوەی لە نزیکەوە چاویان پێیان بکەوێت، هەروەها پرۆگرامێکی تایبەت دانراوە بۆ ئەوەی ئەم دەستگیرکراوانە سوودمەند بن لە پرۆسەی خوێندن بە زمانی عەرەبی. لە لایەكی دیكەوە حکوومەتی هەرێم سەدان دەستگیركراوی داعشی ڕادەستی لایەنە پەیوەندیدارەكانی حکوومەتی فیدراڵی كردووە."

لە كۆتاییی كۆنفرانسە ڕۆژنامەنووسییەكەدا، دیندار زێباری، ڕێكخەری ڕاسپاردە نێودەوڵەتییەكانی حکوومەتی هەرێم، دەربارەی كرێكارانی بیانی و خاوەنپێداویستیی تایبەت و كەمئەندامان ڕایگەیاند: حکوومەتی هەرێم گرنگییەكی زۆری بە كرێكارانی بیانی داوە و هەمان مافی كرێكارانی ناوخۆییان هەیە، هەروەها چەندین كۆمپانیا ڕێوشوێنی یاسایییان بەرانبەر گیراوەتە بەر بەهۆی سەرپێچیكردنیان بەرانبەر بە كرێكارانی بیانی. لەبارەی خاوەنپێداویستی تایبەت و كەمئەندامانەوە گوتی، تا ساڵی ٢٠١٨ ئەو کەمئەندامانەی کە مووچەیان بۆ بڕاوەتەوە (٩٥٩١٦) کەس بوون، دوای ئەنجامدانی پشکنینی تەندروستی مووچەی ژمارەیەکیان بەپێی بڕیاری لیژنەی پزییشکی بڕا، بەڵام لە ساڵی ٢٠١٩ نزیکەی (١٣٠٠٠) هەزار خاوەنپێداویستیی تایبەت، بە بڕیاری سەرۆکایەتیی ئەنجومەنی وەزیران مووچەکانیان گەڕاوەتەوە، هەروەها بەپێی دوایین ئامار (١٢،٠٦٨) کەس لە کەمئەندام و خاوەنپێداویستی تایبەت لە دامودەزگاکانی حکوومەت دامەزراون.

 




دوایین هەواڵەکان

پارتی هه‌میشه‌ ڕۆڵی گرنگی لاوانی له‌ به‌رچاو گرتووە

SATURDAY, 15 AUGUST 2020 18:08:22

ھەولێر-KDP. info  شازدەی ئابی 2020 پارتی دیموكراتی كوردستان به‌ ڕێبه‌رایه‌تی سه‌رۆك بارزانی یادی پڕ شكۆی 74 ساڵه‌ی خۆی ده‌كاته‌وه‌، لاوان پێگه‌ی به‌هێزی به‌پێوه‌ی پارتین و له‌ جۆمگه‌كانی حكوومه‌ت و حیزبدا پارتی ڕۆڵی گه‌وره‌ی به‌ لاوان داوه‌، لاوان به‌ ئومێده‌وه‌ ده‌ڕواننه‌ كۆنگره‌ی ئاینده‌ی پارتی.

 
' پارتی توانی قەزییەی کورد بباتە مینبەرەکانی دنیا'

SATURDAY, 15 AUGUST 2020 17:08:15

ڕووسیا-KDP.info-  کوردانی سۆڤیەتی پێشوو پێیان وایە، پارتی دیموکراتی کوردستان خۆی کردووەتە قەڵغان بۆ ئەوەی گەلی کورد هەمیشە پاراستوو بێت و ڕێگە نەدات دوژمن دەستدرێژی بکاتە سەر خاکی کوردستان و، کورد لە جیهان بناسرێت.

 
74 ساڵ، ڕۆناهیا ڕێکا كوردستانییان

SATURDAY, 15 AUGUST 2020 17:08:49

عەزیز وەیسی

سەلیم ئەسعەد خۆشەوی: ئەوەی ئێستا بەدەست ھاتووە بەرھەمی پارتی و شۆڕشی ئەیلوولە

SATURDAY, 15 AUGUST 2020 16:08:25

ھەولێر-KDP. info-  دامەزراندنی پارتی دیموکراتی کوردستان بووە ھۆی دەستپێکی شۆڕشی بەگژداچوونەوەی زۆڵم و ستەم. فەرماندەکانی شۆڕشی ئەیلوولیش دەڵێن، ئەوەی ئەمڕۆ بەدەست ھاتووە بەرھەمی شۆڕشی ئەیلوول و پارتی و بارزانی بووە.

 

ستراتیژ و ئایدیۆلۆژیا پارتی، گه‌ل كریه‌ سه‌رۆكانیا هێزا وێ

SATURDAY, 15 AUGUST 2020 16:08:30

ژیان طاهر زێوه‌ی   



 
© 2020 Kurdistan Democratic Party, KDP

Contact