Kurdî  ■  كوردی  ■  عربي
THU, 1 OCT 2020 08:25 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

یەكێتیی ئافرەتان: خواستمان بەشداریكردنی ئافرەتە لە بەڕێوەبردنی كۆمەڵگەدا هاوتای ڕەگەزی بەرامبەر
| KDP.info


هەولێر-KDP.info- یەكێتیی ئافرەتانی كوردستان، لە بەیاننامەیەكدا بە بۆنەی (67) ساڵەی دامەزراندنی رێكخراوەكەوە، رایانگەیاند، وەك ڕێكخراوێكی ڕەسەن و خاوەن پەیام و پرەنسیپ، دوور لە هەر دەمارگرژییەك داكۆكی لە پرسی ئافرەت دەكەن و دژی هەر چەشنە توندوتیژی و پەراوێزخستنێكن.

ئەمە دەقەكەیەتی:

لە سەردەمێكدا كە ڕێبازی هیومانیستی لە جیهانی پێشكەوتوودا تازە كەوتبووە سەر پێ‌ و بزاڤی ئافرەتان لە هەوڵی بەدەستهێنانی یەكسانیی جێندەریدا بوو، ڕۆژهەڵاتی ناوین لە دۆخێكدا بوو كە هزر و تێڕوانینی باو، دەسەڵاتی پیادەكراو لەسەر بنەمای هزری پیاوسالاری بونیاد نرابوون، لەو نێوەندەشدا نەتەوەی كورد بە پێشەنگیی پارتی دیموكراتی كوردستان سەختترین خەباتی ڕزگاریی نیشتمانیی بەڕێوە دەبرد. یەكێتیی ئافرەتانی كوردستان لە ١١/١٢/١٩٥٢؛ وەك ڕێكخراوێك بۆ لەخۆگرتنی پرسی ئافرەت لە هەردوو ڕەهەندی كۆمەڵایەتی و سیاسی، لە ژێر چەتری پارتی دیموكراتی كوردستان و بە فەرمانی باوكی ڕۆحیی نەتەوەی كورد (بارزانیی نەمر) دامەزرا.

ڕێكخراوی دایك، لە ٦٧ ساڵ ئەزموونی خەباتیدا، بە هزری مرۆڤخوازانە پرسی ئافرەتی لەخۆ گرتووە و بە بڕوایەكی تەواو بە پرەنسیبەكانی یەكسانیی جێندەری، داكۆكی لەو دۆزە كردووە. ئەم ڕێكخراوە شانازە بە بەشداریكردن لە بزاڤی ئازادیخوازی گەلی كوردستان. لە خەباتی مەدەنی و دیموكراسیشدا بە كۆششی یەكێتیی ئافرەتان و بزاڤی ئافرەتان بە گشتی چەندین دەستكەوتی گرنگی یاسایی، كۆمەڵایەتی، سیاسی بۆ ئافرەت بەدەست هاتوون. ڕێكخراوەكەمان هەمیشە وەك قوتابخانەیەك بووە بۆ پێگەیاندنی ئافرەتان و سەدان لە كادرانی لە بوارە جۆراوجۆرەكان ڕۆڵی سەركردە و پێشەنگ دەبینن.

یەكێتیی ئافرەتانی كوردستان، وەك ڕێكخراوێكی ڕەسەن و خاوەن پەیام و پرەنسیپ، دوور لە هەر دەمارگرژییەك داكۆكی لە پرسی ئافرەت دەكا و دژی هەر چەشنێك توندوتیژی و پەراوێزخستە لەسەر بنەمای ڕەگەز یان هەر بنەمایەكی دیكە بە هەر كەرەستە و میتۆدێك بێت، خواستی ئەم ڕێكخراوە بۆ ئافرەت سەربەخۆبوونیەتی لە ژیان، بەشداریكردنیەتی لە بەڕێوەبردنی كۆمەڵگە هاوتای ڕەگەزی بەرامبەر.

لە دیدی ڕێكخراوەكەماندا؛ جیاوازیی بایەلۆژیی نێوان ئافرەت و پیاو بە شێوەیەكی ناڕەوا و نالۆژیك كراوەتە بنەما بۆ چەوسانەوەی ئافرەت و سنوورداركردنی ڕۆڵی و بێبەشكردنی لە دەرفەتەكانی خۆپێگەیاندن. فاكتەرە كولتووری، كۆمەڵایەتی و سیاسی و ئابوورییەكانیش پێگەكانی ئەم نابەرابەرییەیان پتەوتر كردووە و بنەماكانی هزری پیاوسالارییان بەهێز و گشتگیر كردووە. هەر بۆیە؛ یەكێتیی ئافرەتان بە بەرنامە و پلانی هەمەبوار لەسەر بنەمای فیكری و زانستی بە ڕەچاوكردنی تایبەتمەندیی كێشەكانی ئافرەتانی كوردستان، خەباتی خۆی بۆ دەستەبەركردنی تەواوی مافەكانی ئافرەت، لەڕەگدەرهێنانی ئەو باوەڕ و چەمكە كۆمەڵایەتی و كولتووریانەی لە توانا و پێگەی ئافرەت كەم دەكەنەوە، خاڵی كردنەوەی فەرهەنگی زمانەوانی و سرووشتی كۆمەڵایەتی لەو وشە و دەستەواژانەی بارگاوین بە هزری پیاوسالاری، هاوسەنگكردنەوەی كەلێنە جێندەرییەكان لە كۆی بوارەكان؛ بۆ گەیشتن بە كۆمەڵگەیەكی یەكسان لە ڕووی دەرفەت و ماف و بەرپرسیاریەتی، كە تێیدا سەروەری تەنها بۆ مرۆڤ بێ، نەوەك ڕەگەز، ئاڕاستە دەكات.

ڕێكخراوەكەمان پێیوایە؛ لەبەرئەوەی ئافرەتی كورد هاوبەشی نەتەوەكەی بووە لە چەوسانەوە و جیاكاری لەسەر بنەمای نەژاد و بەشدار بووە لە خەباتی بزاڤی نەتەوەیی؛ بۆیە مافی خۆیەتی سوودمەند بێت لەو ئەنجامەی ئەو بزاڤە پێیگەیشتووە. بڕوامان بەوە هەیە، بەبێ ئیرادەیەكی سیاسیی بەهێز، پرسی ئافرەت پێشكەوتوو نابێت، هەربۆیە یەكێتیی ئافرەتان لە كاتێكدا پشكی سەرەكی ئەوەی لە هەرێمی كوردستان بۆ ئافرەت بەدەست هاتووە دەگەڕێنێتەوە بۆ ئیرادەی سیاسیی پارتی دیموكراتی كوردستان و ڕێبازی بارزانی و ئەو سەركردانەی پەروەردەی ئەم ڕێبازەن، لە هەمان كاتدا داوای پشتیوانیی زیاتر دەكەین و هەر هزری ئەم قوتابخانەیە و ڕوانگەی پارتی دیموكراتی كوردستان بە ئاسۆی ڕزگاریی ئافرەتانی كوردستان دەزانین.

لێرەدا سوپاس و ستایش بۆ سەرۆكی هێژا و ڕابەری نەتەوەییمان سەرۆك (مەسعوود بارزانی) كە هەمیشە پشتیوانی ڕێكخراوەكەمانە. شەست و حەوتەمین ساڵیادی دامەزراندنی ڕێكخراوەكەمان لە كادر و ئەندامانمان و گشت ئافرەتان پیرۆزبێ. سڵاو بۆ ئەو خانمە پێشەنگانەی لە ڕۆژگارە سەختەكاندا درێژەیان بە كاروانی ئەم ڕێكخراوە داوە، سڵاوی گەرمی پڕ رێز و ڤیان بۆ دایكان و هاوژینی شەهیدان، سەرجەم یەكسانیخوازانی كوردستان.                                                                                

 

یەكێتیی ئافرەتانی كوردستان

 




دوایین هەواڵەکان

مەسرور بارزانی: حکومەتی هەرێم لێبوردە نابێت بەرامبەر هەر هەوڵێک بۆ تێکدانی سەقامگیریی کوردستان و وەڵامی تووندی دەبێت

WEDNESDAY, 30 SEPTEMBER 2020 23:09:33

ھەولێر-KDP.info- مەسرور بارزانی، سەرۆکی حکومەتی هەرێمی کوردستان پەیامێکی بڵاوکردەوە تێیدا هاتووە، بە تووندی ئیدانەی هێرشە مووشەکییەکەی ئەمشەوی هەولێر دەکەم.

په‌یامی سه‌رۆك بارزانی بۆ كۆچی دوایی میدیاكار كامیران مه‌رعی

WEDNESDAY, 30 SEPTEMBER 2020 23:09:05

به‌ناوی خودای به‌خشنده‌ و میهره‌بان

به‌داخێكی زۆره‌وه‌ هه‌واڵی كۆچی دوایی میدیاكار (كامیران مه‌رعی)ـم بیست.

په‌یامی سه‌رۆك بارزانی بۆ كۆچی دوایی شڤان شێخۆ

WEDNESDAY, 30 SEPTEMBER 2020 23:09:59

به‌ناوی خودای به‌خشنده‌ و میهره‌بان

به‌داخێكی زۆره‌وه‌ هه‌واڵی كۆچی دوایی (شڤان شێخۆ) كارگێڕی لقی 8ـی زاخۆی پارتی دیموكراتی كوردستانم بیست.

چەند بروسکەیەکی سـەرەخۆشی لە بارەگای بارزانییەوە

WEDNESDAY, 30 SEPTEMBER 2020 23:09:56

ھەولێر-KDP.info- باره‌گای بارزانی سه‌ره‌خۆشی له‌ خانه‌واده‌ی موقه‌ده‌م عومه‌ر ئه‌نوه‌ر حه‌مه‌د و خانه‌واده‌ی رائید سه‌لیم عه‌لی شه‌مێرانی و به‌ڕێز، كاك شاهۆ محه‌مه‌دئه‌مین تاوگۆزی و خانه‌واده‌ی عوسمان فه‌تاح هه‌ورامی ده‌كات. 

ڕاگەیەندراوێک لە وەزارەتی ناوخۆی هەرێمی کوردستانەوە

WEDNESDAY, 30 SEPTEMBER 2020 22:09:55

ھەولێر-KDP.info- کاتژمێر  8:30 ی ئەم ئێوارەیە، شەش موشەک بە ئاراستەی فڕۆکەخانەی نێودەوڵەتی هەولێر هاوێژران کە خۆشبەختانە هیچ ئامانجێکیان نەپێکاوە و هیچ زیانێکی لێ نەکەوتووەتەوە. موشەکەکان لە سنووری ( برطلە) لە نێوان گوندەکانی شیخ ئەمیر و تەرجلە لە سەر پیکابێک هاوێژراون. ئەم دەڤەرەش دەکەوێتە سنووری لیوای 30 حەشدی شەعبی. تیمە تایبەتەکانی ئێمە خەریکی لێکولینەوەی وردن بۆ بە دەستهێنانی زانیاری زیاتر.



 
© 2020 Kurdistan Democratic Party, KDP

Contact