Kurdî  ■  كوردی  ■  عربي
MON, 27 JAN 2020 11:23 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ھەزاران ھاووڵاتی بۆ نەھێشتنی زێدەڕۆیی روویان لە فەرمانگەكانی كارەبا كردووە"
| KDP.info


هەولێر-KDP.info- بەپێی بەدواداچوونێكی ماڵپەڕی فەرمیی پارتی دیموكراتی كوردستان، ھەزاران ھاووڵاتی بۆ نەھێشتنی زێدەڕۆیی لەسەر كارەبا روویان لە فەرمانگەكانی كارەبا كردووە، بەڕێوەبەری گشتیی كارەبای ھەولێریش دەڵێ، پێویستە ھاووڵاتیان پەلە بكەن بۆ ئەوەی بەر لێخۆشبوونی حكوومەت بكەون.

بەپێی بڕیاری حكوومەتی ھەرێمی كوردستان، یەك مانگ مۆڵەت دراوە بە ھاوبەشانی كارەبا ئەوانەی كێشەیان لە پێوەردا ھەیە، یانیش ئەوانەی بە زێدەڕۆ كارەبایان راكێشاوە، ھاووڵاتیانیش بۆ نەھێشتنی زێدەڕۆیی سەر كارەبا و سوودوەرگرتن لە بڕیاری حكوومەتی ھەرێمی كوردستان بە لێشاو روویان لە فەرمانگەكانی فرۆشیاری وزە كردووە و بەو ھۆیەوە قەرەباڵغییەكی زۆر لەو فەرمانگانە دروست بووە.

سەركەوت محێدین، كە ھاووڵاتییەكی شاری ھەولێرە، لەبارەی بڕیارەكەی حكوومەتەوە، بۆ ماڵپەڕی فەرمیی پارتی دیموكراتی كوردستان دەڵێت: "بڕیاری حكوومەت لە بەرژەوەندیی ھاووڵاتیاندایە، چونكە ئەگەر بە ھۆی بڕیارەكەوە نەبووایە، ئەوانەی كارەبایان بە زێدەڕۆ بەكار ھێناوە، سزا دەدران و پارەیەكی زۆریشیان لێ وەردەگیرا، بەڵام ئێستا غەرامە ناكرێن و دەتوانن پێوەری كارەبا بەكار بێنن، لەگەڵ ئەوەشدا ماوەكە زۆر كەمە، چونكە ھاووڵاتی ھەیە پێشمەرگەیە لە ماڵ نییە، ھەیە كێشەی دیكەی ھەیە و پێڕاناگات".

ئەو ھاووڵاتییە ئاماژەی بۆ ئەوەش كرد: "چەند رۆژێكە دەمەوێ سەردانی فەرمانگەكانی كارەبا بكەم بۆ ئەوەی پابەندی بڕیاری حكوومەتی ھەرێمی كوردستان بم، بەڵام لە شارەوانی و فەرمانگەكانی كارەبا قەرەباڵغییەكی زۆر دروست بووە و رۆژانە سەدان ھاووڵاتی سەردانی دەكەن، لەبەر ئەوە پێویستە پێداچوونەوەیەك ھەبێت و ماوەكەی درێژ بكرێتەوە تا ھەموو ھاوبەشێكی كارەبا سوودمەند بێت".

لەوبارەیەوە، حوسێن حەمەد، بەڕێوەبەری گشتیی كارەبای ھەولێر، بە ماڵپەڕی فەرمیی پارتی دیموكراتی كوردستانی راگەیاند: "دوای دەرچوونی بڕیاری حكوومەت لەبارەی نەھێشتنی كارەبای زێدەڕۆ و چارەسەركردنی ئەو كێشانەی پێشتر لە پێوەری كارەبادا ھەبوون، رۆژانە ژمارەیەكی بەرچاوی ھاووڵاتیان سەردانی فەرمانگەكانی كارەبا دەكەن و بەپێی ئاماری بەردەست تەنیا لە ماوەی پێنج رۆژدا ٥٨٠ ھاوبەشی كارەبا ئەوانەی كێشەی پێوەریان ھەیە یانیش زێدەڕۆییان كردووە، سەردانی فەرمانگەكانی كارەبایان كردووە، ھەروەھا ٧٥١ كەسیش كە پێكھاتەكانیان بە زێدەڕۆ دروست كردووە، سەردانی فەرمانگەی كارەبایان كردووە، ئەوانەشی پێوەریان نییە ژمارەیەكی یەكجار زۆر روویان لە بەشەكانی فرۆشیاری وزە كردووە".

بەڕێوەبەری گشتیی كارەبای ھەولێر گوتیشی: "حكوومەت لە پارەی غرامە و سزای سەر ھاووڵاتیان خۆش بووە، بۆ ئەوەی ھەموو كەسێك پابەند بێت بە گرێدانی پێوەری كارەبا، لەبەر ئەوەش ژمارەیەكی بەرچاوی ھاووڵاتیان روویان لە فەرمانگەكانی فرۆشیاری وزە كردووە".

پەیوەست بە قەرەباڵغی لە فەرمانگەكانی كارەبا و درێژكردنەوەی ماوەی جێبەجێكردنی بڕیارەكە، حوسێن حەمەد دەڵێت: "بڕیارەكە تەنیا بۆ ماوەی یەك مانگە و پێویستە لەسەر ھەموو ھاووڵاتییەك تا كۆتایی ئەمساڵ كێشەی زێدەڕۆیی سەر كارەباكە چارەسەر بكات، تا بەر بڕیاری لێخۆشبوونی حكوومەت بكەوێت و بە پێچەوانەوە سزای یاسایی بەدواوەیە".

لەبارەی ئاشكراكردنی ناوی ئەو كەس و بەرپرسانەی زێدەڕۆییان كردووەتە سەر كارەبای نیشتیمانی، ناوبراو جەختی كردەوە: "لە دیوانی پارێزگای ھەولێر كۆبوونەوەیەك بەڕێوە دەچێت و چی پێویست بێت لەو بارەیەوە بڕیاری لێ دەدرێت، ئینجا ناوەكانیان ئاشكرا بكرێت بۆ رای گشتی یانیش لەگەڵ دەستپێكردنی ھەڵمەتی بڕینی كارەبای زێدەڕۆ سەرپێچیكاران دەستگیر بكرێن و رووبەڕووی یاسا بكرێنەوە".

 

قائید میرۆ

 




دوایین هەواڵەکان

پەیامی سەرۆکی هەرێم لە ساڵیادی کۆمەڵکوژی جووەکان

MONDAY, 27 JANUARY 2020 10:01:45

هه‌ولێر-KDP.info- سەرۆکی هەرێمی کوردستان لە ساڵیادی کۆمەڵکوژی جووه‌کان، کە ناسراوە بە هۆڵۆکۆست، ده‌ڵێ، هۆڵۆکۆست ئەوەمان بیردەخاتەوە، کە مرۆڤایەتی کاری زۆریکردووە بۆ وەستاندنی جینۆساید و بیرکردنەوە لە قوربانییەکانی.

 
سبەی شاندێكی حكوومەتی هەرێم دەچێتە بەغدا

MONDAY, 27 JANUARY 2020 10:01:29

كەركووك-KDP.info- جێگری سەرۆكی ئەنجومەنی سەركردایەتیی كەركووك - گەرمیانی پارتی دیموكراتی كوردستان رایگەیاند، سبەی شاندێكی دانوستانكاری حكوومەتی هەرێم سەردانی بەغدا دەكات و، بۆ چارەكردنی دۆخی ناوچە كوردستانییەكان لەگەڵ حكوومەتی عێراق گفتوگۆ دەكرێت، چونكە دۆخی ئەو ناوچانە زۆر خراپە و تەعریب بەردەوامە.

 
عادل عه‌بدولمه‌هدی: ئه‌و ڕه‌فتاره‌ نا به‌رپرسانه‌ عێراق ده‌كه‌نه‌ گۆڕه‌پانی جه‌نگ

MONDAY, 27 JANUARY 2020 09:01:49

به‌غدا-KDP.info- دوای ئه‌وه‌ی ئه‌مشه‌و باڵیۆزخانه‌ی ئه‌مه‌ریكا له‌ ناوچه‌ی سه‌وزی شاری به‌غدا له‌لایه‌ن سه‌رچاوه‌یه‌كی نادیاره‌وه‌ به‌ مووشه‌ك كرایه‌ ئامانج، عادل عه‌بدولمه‌هدی، فه‌رمانده‌ی گشتیی هێزه‌ چه‌كداره‌كانی عێراق به‌یاننامه‌یه‌كی راگه‌یاند و تێیدا نیگه‌رانی خۆی له‌باره‌ی ئه‌و هێرشه‌ راگه‌یاند.

 
قاسم شه‌شۆ: به‌ گه‌ڕانه‌وه‌ی عه‌ره‌به‌كانی شنگال جموجۆڵی داعش زیادی كردووه‌

SUNDAY, 26 JANUARY 2020 17:01:09

شنگال-KDP.info- فه‌رمانده‌ی هێزی پێشمه‌رگه‌ی شنگال گوتی، گه‌ڕانه‌وه‌ی ئه‌و عه‌ره‌بانه‌ی ده‌ستیان له‌گه‌ڵ داعش هه‌بووه‌ بۆ سنووری شنگال به‌رده‌وامه‌ و به‌ گەڕانه‌وه‌ی ئه‌وانیش جموجۆڵی داعش زیادی كردووه‌، چونكه‌ له‌ناویاندا هه‌یه‌ کە لای داعش پله‌یان ئه‌میر بووه‌، بۆیه‌ بوونه‌ته‌ مه‌ترسیی جددی بۆ سه‌ر ناوچه‌كه‌.

 
سه‌ركرده‌یه‌كی سوننه‌كان: هه‌رێمی كوردستان نموونه‌یه‌ بۆ ڕۆژهه‌ڵاتی ناوه‌ڕاست

SUNDAY, 26 JANUARY 2020 17:01:11

به‌غدا-KDP.info- سه‌ركرده‌یه‌كی سوننه‌كان ده‌ڵێ، عێراق به‌ خراپترین دۆخدا تێپه‌ڕ ده‌بێت و ئه‌گه‌ر دۆخه‌كه‌ له‌وه‌ زیاتر خراپ بێت، وێران ده‌بێت، بۆیه‌ پێویسته‌ چاو له‌ هه‌رێمی كوردستان بكه‌ن و سوود له‌ ئه‌زموونی هه‌رێم وه‌ربگرن، چونكه‌ هه‌رێمی كوردستان نموونه‌یه‌ بۆ ڕۆژهه‌ڵاتی ناوه‌ڕاست له ‌ڕووی پێشكه‌وتن له‌ هه‌موو لایه‌كه‌وه‌.

 



 
© 2020 Kurdistan Democratic Party, KDP